Éxodo 15:6 - Qheshwa Biblia DC

⁶ Señor, paña makiykeqa may kallpasapa, atiyniyojtaj. Chay paña makiyki enemigota phirita ruwan.

DIOSPA QHELQACHISQAN DEUTEROCANONICAL

⁶ Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

DIOSPA QHELQACHISQ

⁶ Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Éxodo 15:6 Kruisverwysings

Salmos 17:7

Pañaykipi pakakojkunata, enemigosninkumanta qan salvawajqa, jatun khuyakuyniykita rikuchiy.

Salmos 2:9

Fierro varawan kay pachapi reyesta tukuchinki. T'uru mankata jina paykunata p'akiranki.

Salmos 24:8

Pitaj kay atiyniyoj reyri? Sinch'i sumaj kallpayoj kaj Señor, maqanakupi atipaj Señor.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Salmos 44:4

Qan Diosníy, reyníy, aylluykita atipacherqanki.

Salmos 60:5

Kutichiwayku, atiyniykiwan salvawayku. Munakusqasniykita libray.

Salmos 74:11

Imaraykutaj atiyniyoj makiykita pakaykunkiri? Imaraykutaj makisniykita simp'aykuspa qhepakunkiri?

Salmos 77:10

Astawan yuyajtiy sonqoy nanan. Patapi kaj Diosqa manaña imaynachus kaj kikinñachu noqanchejwanqa.

Salmos 89:14

Tiyanaykeqa justiciawan cheqan kajpi sayachisqa; munakuywan cheqa kaywantaj ñaupaqeykitapuni rinku.

Salmos 98:1

Uj mosoj takiyta Señorman takiychej, may t'ukunasta pay ruwasqanrayku. Payqa atiyninwan tukuyta atipan; santo makinwan.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Éxodo 15:12

Paña makiykita oqharejtiykikama, jallp'a paykunata millp'uykun.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Éxodo 18:8

Chaypi Moisesqa willarqa imastachus Señorqa ruwasqanta, israelitasta munakusqanrayku faraonta jinataj egipciostapis jasut'isqanta; imaynatachus tukuy ñanta jamusqankuta, imaynatatajchus Señorqa sajra imasmantapis jark'asqanta ima.

Éxodo 3:20

Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Isaías 30:14

Chayqa t'unasqa kanqa uj t'uru qeru jina, mana khuyaspa t'unasqa ajina. Chay jinatapuni p'akikojtenqa mana uj chhikan k'anallallapis puchonqachu, q'onchamanta ninata orqhonallapajpis, nitaj allinchu yakuta wisinallapajpis.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Jeremías 13:14

Kaymantataj paykunata wich'ista jina phirirasaj, tatasta wawasnintawan. Paykunata mana khuyakuspa mana ujniyojta tukuchisaj. Noqa Señor chayta nini.

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

Apocalipsis 2:27

Fierro varawantaj chaykunata kamachenqa, mankasta jinataj t'unarakanqa. Noqapis ajinallatataj chay atiyta Tataymanta jap'erqani.

1 Samuel 2:10

Señor phirenqa enemigosninta, cielomantapacha qhon qhonkunata apachimonqa. Señorlla tukuy kay pachata juicionman churanqa, reyninmantaj atiyta qonqa. Ajllasqantataj, aswan atiyniyojta ruwanqa.