Éxodo 1:7 - Qheshwa Biblia DC

⁷ Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

DIOSPA QHELQACHISQAN DEUTEROCANONICAL

⁷ Chay qhepata israelitakuna t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.

DIOSPA QHELQACHISQ

⁷ Chay qhepata israelitakuna t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.

Éxodo 1:7 Kruisverwysings

Génesis 1:20

Chantá Dios nillarqataj: Yakupi kausachunku ashkha animalkuna; jinallataj p'isqospis jallp'a patata phawaykachajkuna.

Génesis 1:28

Chantá bendicerqataj nispa: Mira casta kaychej, miraychej, mundoman junt'aychej; atiyniyojtaj kaychej, atipaspa mar qochapi kaj challwasta, tukuy p'isqosta, tukuy qhatatakojkunatawan jallp'a patapi.

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 17:16

Noqa bendicisqayki, uj wawatataj qosqayki paynejta. Arí, bendicisqayki. Pay kanqa ashkha nacionespa maman, paypa mirayninmanta kanqanku llajtaspa reyesnin.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 26:22

Isaacqa chay cheqamanta karunejman rispa waj pujyutañataj allacherqa. Chaypeqa manaña maqanakorqankuchu; chayrayku chay pujyuta suticharqa, allimpi kausay, nispa. Kunanqa Señor saqewanchej allimpi, chayrayku tukuy imapi ñaupajman rinanchej tiyan, nispa nerqa.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Génesis 47:27

Israelitasqa Egiptopi tiyakaporqanku Gosén jallp'api, chaymanta qhepata paykunaqa ashkhata mirarqanku.

Génesis 9:1

Dios bendicerqa Noeta wawasnintawan, nispa: Miraychej ashkhayaychejtaj, mundomantaj junt'aychej.

Nehemías 9:23

May chhika wawasniyoj kanankuta qan miracherqanki, janaj pachapi qoyllurkuna jina chhikatapuni. Ñaupa tatasninkuman qonaykita nerqanki chay jallp'amantaj pusarqanki jap'ikapunankupaj.

Salmos 105:24

Diosninchejqa ayllunta ashkhata miracherqa, egipciosmanta aswan kallpayojta.

Salmos 107:38

Paykunata bendicin, ashkhaman mirachin, uywasninkutapis mirachipun.

Éxodo 1:12

Jinata astawan jasut'ispa llank'achishajtinkupis, israelitasqa astawan miraykuspa ashkhayarqanku. Chayrayku egipciosqa astawan manchachikorqanku israelitasmanta.

Éxodo 12:37

Israelitasqa Ramsesmanta llojsispa Sucotman rerqanku. Karqankutaj chakipi riyta atejkuna sojta pachaj waranqa qharis mana wawastawan yupaspa.

Éxodo 5:5

Chanta nillarqataj faraonqa: Kunanqa ashkha kanku israelitasqa kay tukuynejpi. Kunanqa qankunachu saqechiwajchej kasqa llank'ayninkuta?, nispa.

Ezequiel 16:7

Pampa qhorasta jina wiñacherqayki. Jatunman wiñarqanki, may k'acha warmipuni kanaykikama. Chuchusniykipis wiñarisorqaña. Pelosniykipis wiñaykusorqanku. Chaywampis mana ima p'achayoj q'alalla sayasharqanki.

Hechos 13:17

Kay aylloj Diosnin, ñaupa tatasninchejta ajllarqa. Egiptopi waj llajtayoj jina tiyashajtinku, paykunata jatunyacherqa. Diostaj atiyninwan Egiptomanta orqhomorqa.

Deuteronomio 10:22

Mayk'ajchus ñaupa tatasniykichej Egiptoman chayarqanku chaypacha paykuna qanchis chunkalla karqanku. Kunanrí qankunata Señor Diosniykichej ashkhata mirachisunkichej janaj pacha estrellasta jina.

Deuteronomio 26:5

Qankunataj Señor Diosniykichejpa ñaupaqempi kay jinata ninkichej: Ñaupa tatayqa arameo purej karqa. Egiptoman riporqa, chaypitaj tiyakorqa ayllun pisilla kashajtin. Chantaqa miraynin jatun nacionman tukorqa. Chay aylloqa atiyniyoj, ashkha runasniyojtaj karqa.