Efesios 4:4 - Qheshwa Biblia DC

⁴ Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

DIOSPA QHELQACHISQAN DEUTEROCANONICAL

⁴ Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

DIOSPA QHELQACHISQ

⁴ Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Quechua South Bolivia: Dios Parlapawanchej

⁴ Uj cuerpolla, uj Espiritullamin. Chaymanjinataj tucuy kancunata Dios wajyasorkachej paywan cusca causacuyta suyanayquichejpaj.

Efesios 4:4 Kruisverwysings

Salmos 122:8

Kunantaj wauqesniyrayku, kausaqesniyrayku, nisaj: Sonqo tiyasqa kausayqa qanwampuni kachun.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Jeremías 17:7

Pichus noqapi atienekojtaj may kusiyniyoj kachun, noqapitaj suyayninta churajqa.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Hechos 15:11

Astawanqa creenchej Señor Jesuspa khuyakuyninnejta salvasqas kasqanchejta. Ajinallataj paykunawampis kanan tiyan.

Romanos 11:29

Diospa qosqasnenqa, wajyaynimpis mana qhechukuyniyojchu.

1 Corintios 10:17

Ujlla t'anta kajtin, noqanchejtaj ashkhas kaspa uj cuerpolla kanchej, imaraykuchus tukuyninchej uj t'antallamanta mikhunchej.

1 Corintios 12:20

Kunanqa aycha cuerpo ashkha imasniyoj, chaywampis ujlla cuerpoqa.

2 Corintios 11:4

Sichus pipis jamunman waj Jesusmanta willaspa, manataj kikinchu willasqanman jina, chayrí waj espiritutataj jap'iwajchej ñaupajta jap'isqaykichejmanta, chayrí waj evangeliota jap'iwajchej ñaupajta jap'isqaykichejmanta chaypis, qankunaqa jap'illankichej.

Efesios 1:18

Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

Efesios 2:16

Cristo cruzpi wañuyninwan iskaynin ayllusta, ujllaman tukuchispa, Dioswan allinyacherqa, chejninakuyninkuta chinkachispa.

Efesios 2:18

Paynejta judiospis, mana judiospis uj Espiritunejta Dios Tataman yaykusunchej.

Efesios 2:22

Ajinallatataj qankunapis Cristowan khuska wasichasqas kankichej, Dios qankunapi Espiritunejta tiyakunampaj.

Efesios 4:1

Noqa Señorninchejrayku presochasqa kani. Mañaykichej allinta purinaykichejta Diospa wajyasqasnin jina, ajllasqasnin jinataj.

Efesios 5:30

Paypa cuerponmanta kanchej, [aychanmanta, tullusninmanta ima].

Colosenses 1:5

Janaj pachapi suyakuyniykichejqa qankunapaj waqaychasqa kashan. Chaymantaqa uyarerqankichejña evangelioj cheqa kaj palabrannejta.

Colosenses 3:15

Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.