Efesios 3:10 - Qheshwa Biblia DC

¹⁰ Diospa tukuy imaymana yachaynin, kunan rejsichisqa kachun iglesiasnejta kamachejkunaman, janaj pachapi atiyniyojkunamampis.

DIOSPA QHELQACHISQAN DEUTEROCANONICAL

¹⁰ Ajinamanta kunanqa janaj pachapi tukuy atiyniyojkuna, jinataj kamachejkuna ima iglesianejta Diospa imaymana yachayninta rejsenqanku.

DIOSPA QHELQACHISQ

¹⁰ Ajinamanta kunanqa janaj pachapi tukuy atiyniyojkuna, jinataj kamachejkuna ima iglesianejta Diospa imaymana yachayninta rejsenqanku.

Quechua South Bolivia: Dios Parlapawanchej

¹⁰ Cunanrí Dioska ashqha imaymana yuyayninta ricuchiyta munan. Chayta ricuchishan iglesia runasninnejta janaj pachapi caj camachejcunaman atiyniyojcunamanpis.

Efesios 3:10 Kruisverwysings

Salmos 103:20

Ángeles, Señorniykichejta yupaychaychej, qankuna kallpayojkuna, kamachisqasninta junt'ajkuna, nisqasninta kasukunaykichejpaj qhajlla kajkuna.

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Ezequiel 3:12

Chaymanta Diospa atiynin oqhariwarqa, chaymantapacha uj parlamojta uyarerqani, jatunmanta sonajtata, chaytaj nerqa: Señorpa jatun kaynenqa mayllapipis tarikojtin yupaychasqa kachun.

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

Romanos 8:38

Achayrayku mana pipis Diospa munakuyninmanta t'aqawasunmanchu, ni wañuypis, ni kausaypis, ni angelespis, ni kurajkunapis, ni atiyniyojkunapis, ni kaypi kajpis, ni jamoj kajpis, ni patamanta kajpis, ni ukhumanta kajpis, nitaj ima waj ruwasqa kajpis. Chay Diospa munakuynenqa Cristo Jesús Señorninchejpi kashan.

1 Corintios 1:24

Diospa wajyasqasnimpajtaj, judiospis, griegospis kachun, Cristoqa Diospa atiynin, yachaynintaj.

1 Corintios 2:7

Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Efesios 1:23

Iglesiaqa Cristoj cuerpon, paypa junt'a kaynintaj, tukuy imapi junt'ashan.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Efesios 1:8

Ajinapi Dios atipachiwarqanchej tukuy yachaypi, yuyaypi ima.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

Colosenses 1:16

Paypi tukuy ima ruwasqa karqa patapi kajkuna, jallp'api kajkunapis; mana rikukojkuna, sut'ipi kajkunapis. Jinallataj tronospis, qhapaj suyuspis, kuraj kamachejkunapis, atiyniyojkunapis. Ajina tukuy ima ruwasqa karqa, paynejta paypajtaj.

Colosenses 2:10

Cristopi tukuy ima tiyapusunkichej. Pay tukuy kamachejkunaj, jatun atiyniyojkunaj umantaj kasqanrayku.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.