Apocalipsis 8:3 - Qheshwa Biblia DC

³ Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi.

DIOSPA QHELQACHISQAN DEUTEROCANONICAL

³ Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.

DIOSPA QHELQACHISQ

³ Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.

Quechua South Bolivia: Dios Parlapawanchej

³ Chaymanta waj angel inciensota k'oshñichinanpaj kori incensarioyoj sayaycucorka altarpa ñaupakenpi. Ashqha incienso payman koska carka tucuy runasninpa Diosmanta mañacuynincuwan cuscata jaywananpaj. Jatun tiyanaj ñaupaken kori altarpi chay inciensotawan mañacuynincutawan jaywarka.

Apocalipsis 8:3 Kruisverwysings

1 Reyes 7:50

Ajinallatataj ruwacherqa yurusta pabilo k'utunasta, tazasta, juch'uy cucharasta, incienso q'osñichinastawan, chay tukuynin qori puromanta ruwasqas karqanku. Diospa tiyakunan punkuspa jap'ichinasnimpis qorillamantataj karqa, jinallataj temploj punkusnimpa jap'ichinasnimpis.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Éxodo 40:26

Qori altartapis apaykullarqataj Dioswan tinkukuna wasiman veloj ñaupajninman.

Isaías 6:6

Chantá, ujnin kaj lijrayojqa ujllata noqaman phawamuwarqa, altarmanta tenazaswan nina brasasta oqhariykukuspa.

Ezequiel 41:22

Maderamanta ruwasqa altartaj sapa ladoman iskay metrosniyoj karqa. Uramanta patamantaj uj metro khuskanniyoj karqa. Esquinasniyoj pampaman karqa, jinataj ladosnimpis maderamanta karqa. Runataj niwarqa: Kay mesamin Señorpa ñaupaqempi kashan, nispa.

Amós 9:1

Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Números 4:11

Chaymantaqa qori altartañataj panti bayetawan qhataykonqanku, chaypa patanmantaj sumaj qaramanta ruwasqa qhatanawan mayt'uykonqanku, k'aspisninwantaj jusk'urachenqanku chaymanta oqharispa wantunapaj.

Números 7:62

Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

San Lucas 1:10

Pay inciensota q'osñichinankamataj, runasqa jawapi Diosmanta mañakusharqanku.

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

Hebreos 9:4

Chaypitaj qorimanta incienso q'osñichina karqa. Diospa ruwasqan trato cajontaj nisqaj cajonintaj qoriwan tukuynejmanta forrasqa, ukhumpitaj uj juch'uy qori wich'i karqa Maná nisqa t'antayoj. Chaypi kallarqataj Aarompa taunan. Chaytaj t'ikarqa. Kallarqataj p'alta rumispi escribisqa ley ima.

Apocalipsis 10:1

Waj kallpasapa angeltataj janaj pachamanta uraykamojta rikorqani phuyuwan muyurisqata, k'uychitaj uman patapi karqa, uyantaj inti jina, chakisnintaj nina pilarkuna jina.

Apocalipsis 14:18

Altarmantataj waj ángel llojsimullarqataj. Chaytaj ninata kamachej, qhaparerqataj chay filo ruthunayojta, nispa: Churay filo ruthunaykita, jallp'api uva sach'aj poqoyninta pallay. Uvasnenqa poqosqasña kanku.

Apocalipsis 5:8

Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

Apocalipsis 6:9

Phishqa kaj sellota kicharejtintaj, altar urapi almasta rikorqani, pikunachus wañorqanku Diospa palabranrayku, payta rejsichisqankuraykutaj.

Apocalipsis 7:2

Rikullarqanitaj waj angelta inti llojsimuynejmanta wicharimojta, kausaj Diospa sellon oqharisqata. Qhaparerqataj sinch'ita chay tawa angelesta, paykunamantaj atiy qosqa karqa, mar qochata, jallp'atawan nanachinankupaj.

Apocalipsis 8:4

Inciensoj q'osñintaj angelpa makinmanta Diospa ñaupaqenman wicharerqa, ajllasqaspa mañakusqasninkuwan.

Apocalipsis 8:5

Angeltaj incienso q'osñichinata jap'ispa, altar patapi kaj ninawan junt'aykucherqa. Chaytataj jallp'aman thalliykamorqa. Chaypacha karqanku qhon qhonkuna, lliuj lliujkuna, jallp'a kuyuriy ima.

Apocalipsis 9:13

Sojta kaj angeltaj trompetata waqacherqa. Uyarerqanitaj parlamojta, qori altarpa tawantin cantosninmanta. Chaytaj Diospa ñaupaqempi kasharqa.