Apocalipsis 21:7 - Qheshwa Biblia DC

⁷ Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

DIOSPA QHELQACHISQAN DEUTEROCANONICAL

⁷ Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

DIOSPA QHELQACHISQ

⁷ Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Quechua South Bolivia: Dios Parlapawanchej

⁷ Atipajka tucuy chay imasta jap'enka. Paypajtaj Diosnin casaj, paytaj waway canka.

Apocalipsis 21:7 Kruisverwysings

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

2 Samuel 7:14

Noqa, paypaj uj tata kasaj, paytaj waway kanqa, imapi juchallikuwajtimpis, noqa jasut'isaj imaynatachus uj tataqa wawanta jasut'in jinata.

Salmos 89:26

Pay niwanqa: Qan tatay kanki; Diosniy kanki, salvawajniy, jark'akuwajniytaj, nispa.

Proverbios 3:35

Allimpaj qhawasqa kaymin yachayniyojkunaj t'inkankoqa, wampuspa t'inkankutaj mana allimpaj qhawasqa kay.

Isaías 65:9

Jacobpa mirayninta sayarichisaj. Judá ayllumanta ajllasaj lomasninta chaypi chayaqenkupaj qonaypaj. Chay ajllasqasneyqa chayaqenkupaj jallp'asta jap'ikonqanku. Chaypi kamachisneyqa tiyakonqanku.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

Romanos 8:14

Chayrayku pikunachus Diospa Espiritunnejta pusaykachasqas kajkunaqa, Diospa wawasnin kanku.

Romanos 8:19

Mundontin anchatapuni suyashan Diospa wawasnin k'anchaypi rikuchisqas kanankuta.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Hebreos 8:10

Ajinamanta, kay tratota Israel aylluwan ruwasaj, jaqay p'unchaykunaj qhepanta, Señor nin: Yuyayninkuman kamachisqasniyta churasaj, sonqosninkupitaj escribisaj. Paykunaj Diosninku kasaj, paykunataj noqaj aylluy kanqanku.

Apocalipsis 2:11

Ningriyoj kajqa uyarichun imatachus Espíritu iglesiasman nisqanta. Pichus atipanqa chaytaqa, iskay kaj wañuy mana imananqachu.

Apocalipsis 2:17

Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

Apocalipsis 2:25

Chaywampis, imatachus kapusunkichej chaytaqa jap'illaychej jamunaykama.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

1 Samuel 2:8

Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.