Apocalipsis 21:2 - Qheshwa Biblia DC

² Noqa Juanqa ajllasqa llimphu llajtata rikorqani, mosoj Jerusalenta, janaj pachamanta uraykamushajta, Diosmanta novia jina wakichisqata, qosampaj k'achanchasqatataj.

DIOSPA QHELQACHISQAN DEUTEROCANONICAL

² Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

DIOSPA QHELQACHISQ

² Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Quechua South Bolivia: Dios Parlapawanchej

² Ricorkanitaj Diospa mosoj santa llajtan Jerusalenta janaj pachamanta uraycamushajta. Novionpaj c'achachaska noviajina waquichiska carka.

Apocalipsis 21:2 Kruisverwysings

Salmos 87:3

Diospa llajtan, may k'acha imasta qanmanta nisunku.

Isaías 1:21

Sumajta purej llajta, imaraykutaj qhencha warmiman rijch'akunkiri? Ñaupajtaqa tukuy runasniyki allinta ruwaj kanku, cheqantataj kausaj kanku; kunanrí mana jinachu kanku, astawampis runa wañuchis kanku.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 62:4

Manaña jayk'ajpis saqerpayasqa nisonqankuchu, jallp'aykipis manaña ch'in pachachu kanqa, manachayqa kusikuy nispa sutichasonqanku, jallp'aykitataj runayojña nenqanku. Señorpa munakuynin qampi kanqa. Jallp'aykeqa casarasqa jina kanqa.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

2 Corintios 11:2

Noqa celoso kashani qankunamanta Diospa celosninwan; imaraykuchus uj qosallawan rejsinacherqaykichej, Cristoman qankunata chimpachinaypaj llimphu doncellata jina.

Hebreos 11:10

Sinch'i sayaj llajtata suyasharqa, mayqentachus kikin Dios wakicherqa, sayacherqataj.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Hebreos 12:22

Qankunataj Sión orqoman qayllaykunkichej, kausaj Diospa llajtanman, chay Jerusalenman, ashkha waranqa angelespa t'aqanman.

Hebreos 13:14

Kay jallp'apeqa mana sayaj llajtayojchu kanchej, astawanqa chay jamoj llajtata mask'ashanchej.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 11:2

Temploj jawampi kaj patiota saqellay. Ama midinkichu; imaraykuchus gentilesman qosqa kashan, pikunachus ajllasqa llajtata, tawa chunka iskayniyoj killata saronqanku.

Apocalipsis 21:10

Espiritupitaj uj manchay jatun orqoman pusawarqa, rikuchiwarqataj chay jatun ajllasqa Jerusalén llajtata, Diosmanta, janaj pachamanta uraykamushajta.

Apocalipsis 21:9

Chay qanchis angelesmanta uj jamuwarqa, qanchis qhepata jamoj jasut'iykunamanta, qanchis junt'asqa copasta jap'isharqanku chaykunamanta. Parlapayawaspataj niwarqa: Jamuy kayman, rikuchisqayki noviata, Corderoj warminta, nispa.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Apocalipsis 22:19

Pitajchus kay libroj sut'inchanampa palabrasninta qhechunman chayqa, Dios kausay sach'amanta chayaqenta qhechonqa, ajllasqa llajtamantawan, kay libropi escribisqas kashanku chaykunamanta.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.