Apocalipsis 21:11 - Qheshwa Biblia DC

¹¹ Jerusalén llajtaqa Diospa k'anchayninwan lliphipisharqa. Lliphipiynintaj rijch'akoj uj sumaj k'achitu qhapaj rumiman, jaspe rumiman. Cristal jinataj ch'uwa karqa.

DIOSPA QHELQACHISQAN DEUTEROCANONICAL

¹¹ Mosoj Jerusalén llajtaqa Diospa jatun kayninpa k'anchayninwan lliphipisharqa, lliphipisqantaj sumaj k'achitu jaspe nisqa rumiman rijch'akorqa. Chaytaj cristal jina sut'i karqa.

DIOSPA QHELQACHISQ

¹¹ Mosoj Jerusalén llajtaqa Diospa jatun kayninpa k'anchayninwan lliphipisharqa, lliphipisqantaj sumaj k'achitu jaspe nisqa rumiman rijch'akorqa. Chaytaj cristal jina sut'i karqa.

Quechua South Bolivia: Dios Parlapawanchej

¹¹ Llajtataj Diospa c'acha cayninwan c'anchasharka. Lliphipiynenka may valorniyoj rumicitujina, diamantejina, cristaljinataj lliphipisharka.

Apocalipsis 21:11 Kruisverwysings

Job 28:17

Chayqa qorimanta, cristalmantawan astawan valen, mana atikunchu trocanaqa ch'uya qori imaswampis.

Isaías 4:5

Señorqa tukuynin Sión orqota, tantasqa runasmampis, p'unchaypi yana phuyuwan phuyuykuchenqa laqhapachata, tutantaj nina lauray k'anchayta rikhurichenqa. Señorpaj atiynintaj chay tukuy patampi kanqa.

Ezequiel 1:22

Chay kausajkunaj umanku patapitaj lliphipej cristal jina llanthuwan qhatasqa jina rikukorqa.

Ezequiel 1:26

Chay llanthuchaj patampitaj uj tronota jina rikorqani, zafiro rumimanta ruwasqaman rijch'akojta, chay tronopitaj uj runaman rijch'akoj tiyarisqa kashajta.

Ezequiel 28:16

Qhatusniykipi allin risusqanman jina, millay imaswan junt'aykuchikorqanki, juchallerqankitaj. Chaynejta lijrasniyoj jark'aj querubín, Diospa santo lomanmanta wijch'orqayki, k'anchaj rumis chaupimanta orqhorqayki.

Ezequiel 43:2

Rikorqani inti llojsimuy ladomanta Señorpa k'anchaynin jamushajta. Uj jatun sonay uyarikorqa jatun mayoj sonaynin jina, jallp'ataj lliphiperqa chay k'anchaywan.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Apocalipsis 15:8

Templotaj q'osñiwan junt'aykorqa, Diospa k'anchayninrayku, atiyninraykutaj. Manataj pipis temploman yaykuyta atejchu, chay qanchis angelespa, qanchis jasut'iykuna jap'isqanku junt'aykunankama.

Apocalipsis 22:1

Chay qhepata kausaj yakuyoj ch'uwa mayuta rikuchiwarqa, cristal jina lliphipejta, Diospa trononmanta, Corderojmantawan llojsimushajta.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

Apocalipsis 4:3

Chay runataj jaspe rumiman, cornalina rumimantaj rijch'akorqa. Tronoj muyuynimpitaj uj k'uychi, esmeralda rumiman rijch'akoj karqa.

Apocalipsis 4:6

Tronoj ñaupaqempitaj vidriomanta mar qocha jina cristalman rijch'akoj karqa. Trono chaupipitaj, muyuynimpi ima, tawa kausajkuna, ñaupajninkupi, qhepankupipis ñawiswan junt'asqas karqanku.