Apocalipsis 19:12 - Qheshwa Biblia DC

¹² Ñawisnenqa nina larway jina. Uman patapitaj ashkha pillus karqanku. Escribisqa sutitaj tiyaporqa. Chayta mana pipis rejsiyta atejchu, manachayqa paylla rejsej.

DIOSPA QHELQACHISQAN DEUTEROCANONICAL

¹² Paypa ñawenqa nina lawray jina karqa, umanpitaj ashkha pilluyoj karqa. Sutenqa qhelqasqa karqa, chay sutintataj mana pipis yacharqachu, manachayqa paylla.

DIOSPA QHELQACHISQ

¹² Paypa ñawenqa nina lawray jina karqa, umanpitaj ashkha pilluyoj karqa. Sutenqa qhelqasqa karqa, chay sutintataj mana pipis yacharqachu, manachayqa paylla.

Quechua South Bolivia: Dios Parlapawanchej

¹² Paypa ñawisnenka ninajina laurashan, umanpitaj ashqha camachina pillusniyoj. Sutin paypi kelkaska cashan, chaytaka paylla yachan.

Apocalipsis 19:12 Kruisverwysings

Génesis 32:29

Chaymanta Jacobqa taporqa: Qampa sutiykiri imataj?, nispa. Chay qharitaj nerqa: Imapajtaj qan sutiyta watuwankiri?, nispa. Jinata nispataj chay kikimpi Jacobta bendicerqa.

Salmos 8:5

Yaqhapuni angelesta jina ruwarqanki. Paytataj atiyniyojta, allimpaj qhawanata churarqanki.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Proverbios 30:4

Pitaj janaj pachaman wicharerqa uraykamorqatajri? Pitaj wayrata makimpi q'apiykorqari? Pitaj yakuta inkuñaman wataykorqari? Pitaj jallp'aj mojonesninta sayacherqari? Yachanki chayqa niway, imataj paypa sutin, chanta wawampa sutimpisri?

TAKIYKUNA 3:11

Sión llajtapi kaj sipaskuna, llojsimuychej, Rey Salomonta qhawarej. Payqa kashan umampi k'acha pilluyoj; chay pillutaqa casarakushajtin maman pillucherqa, mayta kusikusharqa chay p'unchaypi.

Isaías 62:3

Sumaj pillu jina Señorpa makimpi kanki, k'acha sorteja jina Diosniykej makimpi kanki.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Daniel (hebreo) 10:6

Cuerponqa topacio rumi jina lliphiperqa, uyanrí, lliuj lliuj jina k'ancharerqa. Ñawisnenqa k'anchashaj lámparas jina karqanku. Makisnin chakisnintaj bronce jina lliphipisharqanku. Parlasqantaj ashkha runaspa parlasqanman rijch'akorqa.

Zacarías 9:16

Jaqay p'unchaypeqa Señor Dios ayllunta salvanqa ovejasninta jina, paykunataj manchay k'anchaj precioyoj pillupi rumis jina lliphirenqanku kikin jallp'ankupi.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 17:11

Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

San Juan 17:12

Kay mundopi paykunawan kashaspaqa, sutiykipi paykunata waqaycharqani; pikunatachus qowarqanki chaykunata. Manataj mayqempis chinkarqachu, chinkanampaj churasqalla chinkarqa, Escritura junt'akunampaj.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Hebreos 2:9

Jinallatataj Jesusta rikunchej qhapaj k'anchaywan, allin sutiwantaj pillusqata wañuynin jawa ñak'arisqanrayku. Payqa uj pisi tiempolla juch'uychasqa karqa angelesmanta nisqaqa; chaywampis Diospa khuyakuyninrayku Jesusqa tukuypaj wañuyta munarqa.

Apocalipsis 1:14

Umantaj, chujchasninwan yuraj millma jina yuraj karqa, rit'i jina; ñawisnintaj nina larway jina.

Apocalipsis 12:3

Waj señaltaj janaj pachapi rikukorqa: Uj jatun puka sierpe, qanchis umayoj, chunka wajrayoj, umasnimpitaj qanchis pilluyoj.

Apocalipsis 13:1

Mar qocha t'iyu patapi sayaykukorqani. Rikorqanitaj mar qochamanta uj phiña animalta wicharimushajta, chunka wajrayojta, qanchis umayojtataj; wajrasnin patapitaj chunka pilluyoj, umasnin patapitaj Diospaj sajrata rimay sutisniyoj.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

Apocalipsis 6:2

Rikorqanitaj: Chaypi karqa uj yuraj caballo. Patampitaj lloq'asqaqa uj arcota flechanampaj jap'isharqa. Paymantaj uj pilluta qorqanku. Atipaspa llojserqa, atipanallampajtaj.

Jueces 13:18

Señorpa angelnintaj kuticherqa: Imapajtaj sutiyta yachayta munankiri? Suteyqa may t'ukuna pakasqa sutimin.