Apocalipsis 15:4 - Qheshwa Biblia DC

⁴ Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

DIOSPA QHELQACHISQAN DEUTEROCANONICAL

⁴ Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

DIOSPA QHELQACHISQ

⁴ Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Quechua South Bolivia: Dios Parlapawanchej

⁴ Señor, tucuy manchachicuywan kanta yupaychasonkancu tucuytaj sutiyquita jatunchankancu. Kan sapallayqui santo canqui. Chayraycu tucuy llajtas kanman jamonkancu. Chekanta juchachaskayqui ricuchiskañamin. Chayraycu tucuy ñaupakeyquipi konkoricuspa yupaychasonkancu.

Apocalipsis 15:4 Kruisverwysings

Salmos 105:7

Paymin Señor Diosninchejqa, pay kamachin tukuy kay pachata.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

Salmos 22:23

Qankuna, Señorta manchachikojkuna, alabaychej. Jacobpa mirayninmanta kajkunaqa tukuy payta jatunchaychej. Tukuyniykichej Israelmanta kajkunaqa yupaychaychej.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 22:3

Qantajrí Santo kanki. Tukuy Israelpa yupaychanan rey.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Salmos 89:7

Qanqa Diosmin kanki, manchachikunataj, cielopi kausajkunawan muyurisqa.

Salmos 97:8

Señorníy, Sionqa, Judapis, llajtaspis, kamachisqasniykimanta anchatapuni kusikunku.

Salmos 99:5

Jatunchaychej Señor Diosninchejta. Tiyanampi tiyashajtin ñaupaqenman k'umuykukuychej. Diosninchejqa santomin.

Salmos 99:9

Señor Diosninchejta jatunchaychej, ajllakusqan orqompi k'umuykukuychej. Señor Diosninchejqa llimphumin!

Isaías 24:15

Chayrayku inti llojsimuy jallp'aspi Señorta jatunchaychej ari. Israelpa Señor Diosnimpa sutinta tukuy mar qocha cantospi jatunchaychej.

Isaías 25:3

Chayrayku atiyniyoj runasqa jatunchasonqanku, may jina kallpasapa runaspis manchachikusonqanku.

Isaías 26:9

Ch'isenqa tukuy sonqo qanllapi yuyani, tukuy munakuyniywan sut'iyayta mask'ayki. Qan kay pachapi tukuy imata cheqanchajtiykeqa, jallp'a patapi kaj runas yachanqanku imachus cheqan kasqanta.

Isaías 45:23

Noqa kikiy juramentota ruwani, kikin simiymanta llojsin imatachus cheqanta ruwanay. Chay nisqayqa junt'akonqapuni. Chaytaj kay jina: Noqaman tukuypis qonqorikuwanqanku, sutiypitaj juraspa noqamanta nenqanku:

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Isaías 60:5

Chaypacha qanqa paykunata qhawarispa sumajta k'ancharinki; sonqoykipitaj maytapuni kusikunki. Qanman mar qocha cantospi kajkuna, tukuy nacionespa qhapajyaynimpis qanman chayachimonqanku.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 5:22

Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

Zacarías 14:16

Chay qhepatarí, Jerusalempa contrampi maqanakonqanku chay kikin llajtasmanta puchojkunataj watan watanta renqanku Reyta yupaychaj, chay Tukuy Atiyniyoj Señorta. Ramadas nisqa fiestataj Payman ruwanqanku.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Romanos 15:9

Gentiles Diosta yupaychanankupaj khuyakuyninrayku escribisqa kasqanman jina: Chayrayku gentiles ukhupi qanmanta willasaj, takisajtaj sutiykita yupaychaspa.

1 Pedro 1:16

Escriturapeqa nin: Santos kaychej, imaraykuchus noqa santo kani.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 16:5

Yakuspa angelnintataj uyarerqani nejta: Cheqanmin kanki, Señor. Qan kanki, karqankitaj santo; imaraykuchus kay imasta ajinata juzgarqanki.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

Apocalipsis 6:10

Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.