Apocalipsis 14:6 - Qheshwa Biblia DC

⁶ Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

DIOSPA QHELQACHISQAN DEUTEROCANONICAL

⁶ Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

DIOSPA QHELQACHISQ

⁶ Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

Quechua South Bolivia: Dios Parlapawanchej

⁶ Ricorkanitaj uj angelta patapi phawashajta. Wiñay wiñaypaj sumaj willanasta willamoj phawasharka cay pachapi tiyacojcunaman, tucuy jallp'asman, tucuy ayllusman, tucuy laya parlayniyojcunaman, tucuy llajtasmanpis.

Apocalipsis 14:6 Kruisverwysings

Génesis 1:6

Chaymantá Dios nerqa: Yaku chaupipi uj jark'achina kachun, yakuta iskayman t'aqaj.

2 Samuel 23:5

Chayrayku mirayneyqa Diospi sinch'i sayasqa kashan. Payqa noqawan uj wiñay tratota ruwarqa, sumaj cheqan ruwasqa sumaj segurasqataj. Pay tukuynin atipayta qowan, tukuy munasqasniy imastataj junt'achimpuni.

Salmos 119:142

Cheqan kayniykeqa wiñaypaj cheqampuni, kamachisqasniykipis kikillantaj.

Salmos 139:24

Qhaway, sajra ñantachus purishani, wiñay ñantataj pusaway.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Isaías 40:8

Qhora ch'akipun, t'ika qawipun; Diosninchejpa palabranrí wiñaypaj wiñaynintimpaj.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Isaías 51:6

Janaj pachata qhawariychej, pampatapis qhawariychej. Janaj pachaqa q'osñi jinalla chinkariponqa, jallp'apis p'acha jinalla thantarparikonqa. Chaypi tiyakojkunapis ch'uspis jina chinkarparenqanku. Noqaj salvacionniyrí wiñaypaj kanqa. Cheqanta ruwasqayqa mana jayk'ajpis chinkankachu.

Isaías 51:8

Paykunaqa tukukonqanku thutaj thutasqan p'acha jina, khuruswan mikhusqa millma jina. Noqaj cheqanchayniyrí wiñaypaj kallanqapuni, salvacionniypis wiñay wiñaynintimpaj kanqa.

Isaías 6:2

Paypa patampitaj Serafín nisqa ángeles kasharqanku, sapa ujnintaj sojta lijrasniyojkama karqanku, iskay lijrasninkuwanqa uyasninkuta pakakorqanku, iskaywantaj chakisninkuta, iskaywantaj phawarqanku.

Ezequiel 1:14

Chay kausajkunataj kayman jaqayman usqhay usqhayta correykacharqanku lliuj lliujpis kankuman jina.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Daniel (hebreo) 9:21

Ajinata mañakushajtiy, ñaupajta mosqoypi jina rikhuriwarqa Gabriel, phawamorqataj maypichus noqa kasharqani chayman, tardempi Diosman uywata wañuchispa rikhuchikuta jaywana chay horastaña.

San Mateo 10:27

Imatachus laqhayajpi niykichej, chayta k'anchaypi niychej. Pakaypi uyarisqaykichejtapis, wasi patamanta qhaparispa willaychej.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

1 Pedro 1:25

Señorpa palabranqa wiñaynintimpaj kanqa. Kaytaj chay palabra, evangelionejta qankunaman willasqa.

Apocalipsis 10:11

Angelqa nillawarqataj: Ujtawan ashkha llajtasman, runasman, tukuy laya parlayniyojkunaman, reyesman ima sut'inchanaykipuni tiyan, nispa.

Apocalipsis 10:7

Manachayqa, qanchis kaj ángel parlamojtin, chay p'unchaykunapi trompetata waqachiyta qallarejtin imataj, Diospa pakasqa munaynin junt'akonqa, imaynatachus pay willarqa kamachisnin profetasman, chayman jina.

Apocalipsis 13:7

Payman qollarqankutaj Diospaj ajllasqasninwan maqanakuspa atipanampaj. Ajinallatataj aterqa kamachiyta tukuy ayllusta, llajtasta, waj laya parlaykunapi parlajkunata, tukuy runasta ima.

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Apocalipsis 8:13

Rikorqanitaj uj angelta, janaj pachaj chaupinta phawashajta, uyarerqanitaj nejta: Ay, ay, ay, jallp'api tiyakojkunamanta! Chay kinsa angelesqa, trompetasta waqachinankuraj tiyan, nispa.