1 Juan 2:5 - Qheshwa Biblia DC

⁵ Pichus Diospa palabranta waqaychan chayqa, cheqamanta Diospa munakuynin paypi junt'akun. Ajinamanta yachanchej Diospi kasqanchejta.

DIOSPA QHELQACHISQAN DEUTEROCANONICAL

⁵ Sichus pipis Diospa nisqanta kasun chayqa, cheqatapuni Diosta munakusqanta rejsichishan. Kay jinamanta Dioswan uj sonqolla kasqanchejta yachanchej:

DIOSPA QHELQACHISQ

⁵ Sichus pipis Diospa nisqanta kasun chayqa, cheqatapuni Diosta munakusqanta rejsichishan. Kay jinamanta Dioswan uj sonqolla kasqanchejta yachanchej:

Quechua South Bolivia: Dios Parlapawanchej

⁵ Niskanta casojrí chekatapuni Diostaka astawan astawanraj sumajta munacun. Ajinapi atinchej yachayta Jesucristowan ujchaska caskanchejta.

1 Juan 2:5 Kruisverwysings

Salmos 105:45

Señorpa nisqasninta waqaychanankupaj, kamachisqasnintataj junt'anankupaj. Yupaychasqa kachun Señorqa.

Salmos 106:3

Kusisqas kanku cheqan kajta waqaychajkunaqa, kusisqas kanku tukuy tiempopi cheqan kajtapuni ruwajkunaqa.

Salmos 119:146

Qanta qhaparikuyki, salvaway ari, kamachisqasniykita junt'anaypaj.

Salmos 119:2

Kusisqas kanku paypa kamachisqasninta uyarejkuna, tukuy sonqowantaj payta mask'ajkuna.

Salmos 119:4

Qan kamachiwarqayku, nisqasniykita allinta junt'anaykuta.

Proverbios 28:7

Diospa kamachisqanta junt'ajqa sumaj yuyayniyoj wawan, pichus oqoysapaswan purejkunaqa tatanta p'enqaypi qhawachin.

Proverbios 8:32

Kunanqa, wawasníy, uyariwaychej; noqa jina kaychej, chantaqa kusikunkichej.

Eclesiastés 8:5

Pichus chay kamachisqasta kasukojqa mana ima sajratapis rikonqachu. Yachayniyoj runaqa allinta sonqompi yachan, mayk'ajchus imaynachus kanantapis.

Ezequiel 36:27

Espirituyta qosqaykichej. Leyesniyman jina purichisqaykichej, kamachisqasniytataj junt'ankichej.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

San Juan 14:21

Pichus kamachisqasniyta jap'ikun, waqaychantaj, chaymin munakuwajqa. Noqata munakuwajtataj Tatay munakonqa, noqapis payta munakusaj, rikuchikusajtaj payman.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

San Juan 15:5

Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

San Juan 6:56

Pillapis aychayta mikhun, yawarniytataj ujyan chayqa, noqawan kausan, noqataj paywan.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

2 Corintios 5:17

Chayrayku pipis Cristopi kashan chayqa, mosoj runa; mauk'a imasqa tukukapunña, tukuy imastaj mosojyapun.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Santiago 2:22

Rikunki jina, Abrahampa fenenqa ruwasqanwan khuska rikuchikorqa. Chaywantaj fenin junt'asqa karqa.

1 Juan 3:24

Pillapis Diospa kamachisqasninta junt'an chayqa, Diospi kashan, Diostaj paypi. Chaypitaj yachanchej Dios noqanchejpi kashasqanta, qowarqanchej chay Espiritunnejta.

1 Juan 4:17

Kay jinamanta munakoyqa noqanchejpi junt'akun, tukuy sonqo juicio p'unchaypi kananchejpaj. Imaynatachus pay kashan, ajinata noqanchejpis kay pachapi kashanchej.

1 Juan 4:18

Munakuypeqa mana manchachikuy kanchu. Junt'asqa munakoyqa manchachikuyta jawaman qharqon. Manchachikoyqa ñak'ariykunata apamun. Manchachikojqa manaraj munakuywan junt'asqachu kashan.

1 Juan 5:2

Kaypi yachanchej Diospa wawasninta munakusqanchejta, Diosta munakojtinchej, kamachiykunasnintataj kasojtinchej.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

2 Juan 1:6

Kaymin munakoyqa: Diospa kamachisqasninman jina purinanchej. Chay kamachiytaqa qallariymantapacha uyarerqankichej. Chaypi puriychej.

Apocalipsis 12:17

Chaypachataj sierpeqa warmipaj mayta phiñakorqa; rerqataj warmej mirayninmanta kajkunawan maqanakoj, Diospa kamachisqasninta waqaychanku, Jesuspa willasqasnintataj jap'inku chaykunawan.

Apocalipsis 14:12

Kaypi kashan ajllasqaspa paciencian. Kaypi kashanku Diospa kamachisqasninta, Jesuspa fenintapis waqaychajkuna.