RASUL 3:18 - PEJANJIAN EMPAI CERITAU ILUAK

¹⁸ Ngan carau luak itula la ditepati tuapau diau la dikatauka Allah senitu ngan nabiAu, mbak bansau Mesias, Rajau Penyelamat, mesti ka meghasauka sengsarau.

RASUL 3:18 Kruisverwysings

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

RASUL 10:43

Gegalau nabi pulau ngiciakka ceritau Diau. Ughangtu bekatau, mbak bansau gegalau jemau diau percayau ngan Yesus ka diabiska dusaunyau karnau Diau.”

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

2 PITRUS 1:21

karnau nidau kekela nabi ngiciakka titu ngan kenda'au sendighi. Anyautu ughangtu dikuasaui Rua Allah mangku ngiciakka katau jak di Allah.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.