RASUL 21:16 - PEJANJIAN EMPAI CERITAU ILUAK

¹⁶ Adau bebeghapau jemau percayau jak di situ pegi pulau serempak ngan kami. Ughangtu ngantat kami ke ghuma Manasun. Diautu jemau Siprus ngan la lamau jugau percayau. Kami ka numpang di ghumahau.

RASUL 21:16 Kruisverwysings

RASUL 10:24

Saghi udim itu ughangtu sampai di Kaisaria. Di situ ughangtu la ditunggu Kurnilius. Diautu la ngajung denga-sana'au ngan kantin-kantinau betunggal.

RASUL 10:48

Mangku diau ngajung ughangtu dibaptis dalam namau Yesus Keristus. La udim itu ughangtu mintak, supayau Pitrus maju seghundak ngan ughangtu bebeghapau aghi agi.

RASUL 11:19

La udim Setipanus mati dibunua, jemau diau percayau ngan Yesus mulai meghasauka sengsarau, mangku ughangtu teceghai-beghai ke manau-manau. Adau diau belaghi sampai ke Penisia, adau diau sampai ke Siprus ngan Antiukia. Ughangtu ngiciakka ceritau iluak jak di Allah cuman ngan jemau Yahudi ajau.

RASUL 15:39

Paulus ngan Barnabas bebala nian, mangku ughang duautu beceghai. Barnabas mbata'i Markus, mangku belayar ke Siprus.

RASUL 15:7

Lamau nianan ughangtu buijau. Kesudimannyau Pitrus betegak ngan bekatau, “Ui, kapu dighi. Kapu dighi keruan, bansau jak di senitu Allah milia aku jak di kapu dighi batan endak ngiciakka ceritau iluak ngan jemau bangsau lain, supayau ughangtu pulau ndengagh ngan percayau.

RASUL 21:8

Pagi di aghiau kami pegi mangku sampai di Kaisaria. Di situ kami pegi ke ghuma Pilipus, penginjiltu, mangku mendam di ghumahau. Diautu sala sughang jak di tujua ughang diau dipilia di Yerusalim senitu.

RASUL 4:36

Luak itula pulau Yusup. Diau pulau njualka tanahau, mangku tanciau dibata'au, diserakanyau ngan rasul. Yusuptu pengadau Liwi, asalau jak di Siprus. Diau pulau diadaki Barnabas, retiau jemau diau meriangka.

RASUL 8:40

Tenyatau Pilipus la adau di Asdud. Diau lalu di daira itu ngan ngiciakka ceritau iluak di gegalau kuta ngan dusun enggut ke Kaisaria.

RUM 16:7

Sampaikala pulau pesanku ngan Anderunikus ngan Yunias. Ughang duautu sebangsau ngan aku ngan pulau tejil serempak ngan aku. Ughang duautu la percayau antak ka aku percayau ngan tekenal jak di rasul.

PILEMUN 1:9

Anyautu karnau kitau sangi sayangi, iluakla aku mintak ajau. Akuni la tuau, lagi pulau mbak kini dalam jil karnau Yesus Keristus.