RASUL 16:1 - PEJANJIAN EMPAI CERITAU ILUAK

¹ Paulus la pegi sampai di Derbi ngan Listera. Di situ adau sughang percayau, namaunyau Timutius. Endu'au jemau Yahudi diau la percayau pulau. Ba'au jemau Yunani.

RASUL 16:1 Kruisverwysings

RASUL 14:1

Di Ikunium pulau setu diau semegi dighasauka rasul itu. Ughang duautu masuak ghuma sembayang ngan ngajagh ngan carau endak nian, mangku banyak jemau Yahudi ngan jemau Yunani percayau ngan Yesus.

RASUL 14:21

Di Derbi Paulus ngan Barnabas ngiciakka ceritau iluak, mangku banyak jemau percayau ngan Yesus. Udim itu ughang duautu ngulang ke Listera, udim itu ke Ikunium mangku ke Antiukia.

RASUL 14:6

Anyautu rasultu ngeruani rencanau itu, mangku nyingkir ke kuta di daira Likaunia, diautu Listera, Derbi ngan daira di sekitarau.

RASUL 17:14

Jemau diau percayau di situ cecepat ngantat Paulus ke pantai. Silas ngan Timutius masia mendam di Beria.

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

RASUL 19:22

Mangku diau ngajung duau ughang anak-buahau, Timutius ngan Irastus, dulu pegi ke Makedunia, penarau diautu gi mendam di Asia.

RUM 16:21

Timutius, kantin sekerjauku, bepesan ngan kamu. Luak itu pulau Lukius, Yasun ngan Susipatir, jemau sebangsau ngan aku.

1 KURINTUS 16:10

Amun Timutius datang, terimaula diau iluak-iluak, mangku diau riang guak kamu, karnau luak aku pulau diau bekerjau batan endak Tuhan.

1 KURINTUS 4:17

Itula sebapau aku ngajung Timutius guak kamu. Diautu anakku dalam Keristus diau kusayangi ngan pacak dipercayaui. Diau ka ngingatka kamu carau idupku ngikut Yesus Keristus, carau diau kuajaghka ngan jemau Keristen di manau kila.

1 KURINTUS 7:14

Laki diau lum percayau njadi pantas di adapan Allah, karnau diau nika ngan biniau diau la njadi hak Allah. Luak itu pulau bini diau lum percayau njadi pantas di adapan Allah, karnau diau nika ngan lakiau diau la njadi hak Allah. Amun ukan luak itu, anak ughangtu luak anak jemau kapir, awuak anaktu njadi pantas di adapan Allah.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

2 KURINTUS 1:19

Karnau Yesus Keristus, Anak Allah, diau dikiciakka aku, Silas ngan Timutius ngan kamu ukan “au” ngan “nidau”. Di Diau cuman adau “au”.

PILIPI 1:1

Jak di aku, Paulus, ngan Timutius diau bekerjau batan endak Yesus Keristus. Kami nulis surat ini batan endak kamu diau njadi umat Allah diau adau di Pilipi karnau percayau ngan Yesus Keristus ngan pulau batan endak pengulu jemau Keristen ngan penulungau.

PILIPI 2:19

Aku ngaghap, aku pacak ngajung Timutius berayak ngan kamu, amun titu kendak Tuhan, mangku aku diriangka ngan ceritau kamu.

KULUSI 1:1

Jak di aku, Paulus, diau dijadika rasul Yesus Keristus karnau kendak Allah ngan pulau jak di kantin kitau Timutius.

1 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus. Aku bedu'a, supayau Tuhan iluak ngan kamu ngan ngenjuakka damai.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

1 TESALUNIKA 3:6

Mbak kini Timutius la baliak jak di kamu ngan ngiciakka ngan kami ceritau diau meriangka, bansau kamu maju percayau ngan sangi sayangi. Diau ngiciakka, bansau kamu maju mbuat ingatan diau iluak ngingatka ceritau kami guak kamu, ngan bansau kamu ghindu endak betemu ngan kami, semegi luak kami ghindu endak betemu ngan kamu.

2 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus.

1 TIMUTIUS 1:18

Timutius, anakku! Tugas ini kupercayauka ngan kaba, karnau katau Allah diau dikiciakka nabi senitu ceritau kaba. Kici'an itu mesti njadi pembimbing kaba mangku pacak bejuang iluak-iluak.

1 TIMUTIUS 1:2

Batan endak Timutius diau njadi anakku nian karnau percayau ngan Yesus. Aku bedu'a, supayau Allah Bapak ngan Tuhan kitau Yesus Keristus sayang ngan iluak nian ngan kaba ngan ngenjuakka damai.

2 TIMUTIUS 1:2

batan endak Timutius diau kusayangi luak anakku. Aku bedu'a, supayau Allah Bapak ngan Tuhan kitau Yesus Keristus sayang ngan iluak ngan kaba ngan ngenjuakka damai.

2 TIMUTIUS 1:5

Karnau aku teghingat kaba percayau nian ngan Keristus semegi luak niniak kaba Luis ngan mak kaba Iuniki, mangku aku yakin kaba percayau pulau luak itu.

2 TIMUTIUS 3:11

Kaba la nginak aku dianiayau ngan nanggung. Kaba keruan gegalaunyau diau tejadi di aku di Antiukia ngan Ikunium ngan Listera. Kaba keruan gegalaunyau diau kutanggungka. Anyautu jak di gegalaunyautu Tuhan la ngilakka aku.

PILEMUN 1:1

Pilemun, kantin sekerjau kami. Aku, Paulus, diau dijilka karnau Yesus Keristus ngan kantin kitau Timutius nulis surat ini batan endak kaba,

IBRANI 13:23

Aku endak, supayau kamu keruan, bansau kantin kitau Timutius la dibibaska, mangku amun diau la sampai, aku ka cepat berayak ngan kamu serempak ngan diau.