RASUL 1:8 - PEJANJIAN EMPAI CERITAU ILUAK

⁸ Kamuni ka nerimau kuasau, amun Rua Allah nguasaui kamu, mangku kamu ka nceritauka ngan jemau gegalaunyau diau kamu keruani ceritau Aku. Kebarka ngan kamu di Yerusalim, di gegalau Yudia ngan Samaria enggut sampai ke ujung deniau.”

RASUL 1:8 Kruisverwysings

MATIUS 24:14

Mangku ceritau iluak ceritau Allah endak merinta ka dikiciakka di gegalau deniau, mangku gegalau jemau ka ndengaghau. Udim itu kiamat.”

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

MARKUS 16:15

Mangku Diau bekatau ngan ughangtu, “Pegila ke gegalau deniau, kiciakkala ceritau iluak ngan gegalau isi deniau.

LUKAS 1:35

Malaikattu nimbal, “Rua Allah ka datang ke kaba, mangku kuasau Allah diau Mahatinggi ka menui kaba. Itula sebapau Anak diau ka kaba lahirkatu ka dikiciakka suci, Anak Allah.

LUKAS 10:19

Ingatkala, Aku la ngenjuakka kuasau ngan kamu mijakka ulagh ngan kalau, nguasaui gegalau musua, nidau bediau diau pacak ncelakauka kamu.

LUKAS 24:29

Anyautu ughang duautu ngajak nian, kataunyau, “Temalamla ngan kami, karnau aghi laka malam ngan matau-aghi laka tumban.” Mangku Yesus masuak endak temalam di bada ughangtu.

YUHANIS 15:27

Mangku kamu pulau mesti ngiciakka Aku, karnau kamuni la seghundak ngan Aku jak di senitu.

RASUL 1:22

Jemau itu mesti seghundak ngan kitau jak di aghi Yesus dibaptis enggut Diau tuangkat ke sergau, mangku ngiciakka ngan jemau, bansau Yesus ngulang idup jak di mati.”

RASUL 1:5

Yuhanis mbaptiska ngan ayiak. Anyautu nidau lamau agi kamu ka dibaptis ngan Rua Allah.”

RASUL 13:31

Selamau empat pulua aghi Diau ngancakka diriAu ngan jemau diau la ngikut Diau jak di Galilia ke Yerusalim. Mbak kini ughang itula ngiciakka Diau ngan bangsau Israil.

RASUL 2:32

Yesus itula diau Allah idupka agi jak di mati. Kami gegalaunyau la ngina'au nian ngan ngiciakkanyau.

RASUL 22:15

karnau kaba mesti ngiciakka ngan gegalau jemau setu diau la kaba kinak ngan kaba dengagh.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

RASUL 4:33

Ngan kuasau diau besak rasul-rasul ngiciakka ceritau Tuhan Yesus diau ngulang idup, mangku Allah iluak nian ngan gegalau ughangtu.

RASUL 5:32

Kamini la ngeruani ngan ngiciakka gegalau ceritau itu, kami ngan Rua Allah diau dienjuakka Allah ngan gegalau jemau diau na'ati Diau.”

RASUL 6:8

Allah iluak nian ngan Setipanus, mangku dienjuakka kuasau ngerjauka banyak tandau nyelia di guak jemau banyak.

RASUL 8:1

Saulus pulau tetuju Setipanus dibunua. Mulai aghi itu jemau percayau di Yerusalim banyak dianiayau, mangku gegalau ughangtu lain jak di rasul teceghai-beghai ke gegalau Yudia ngan Samaria.

RUM 10:18

Mangku aku betanyau, apu nyela ughangtu lum ndengaghkanyau? Cetau la ndengagh, karnau di Injil ditulis luak ini, “Suarau ughangtu la tedengagh di manau-manau, kici'an ughangtu la sampai ke gegalau deniau.”

RUM 15:19

ngan kuasau ngan tandau nyelia. Gegalaunyautu karnau kuasau Rua Allah. Luak itula kerjauku di manau-manau, mulai jak di Yerusalim enggut Ilirikum aku ngiciakka gegalau ceritau iluak nceritauka Keristus.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.