Psalm 99:4 - Pennsylvania Dutch Bible

⁴ Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

Psalm 99:4 Kruisverwysings

Psalm 11:7

Da Hah is gerecht un eah leebt gerechtichkeit. Di gerechta zayla sei ksicht sayna.

Di Offenbarung 19:16

Uf sei glaydah un uf sei hift is en nohma kshrivva: “DA KAYNICH FUNN AWL KAYNICHA UN DA HAH FUNN AWL HAHRA.”

Jeremia 23:5

“Di dawwa sinn am kumma,” sawkt da Hah, “vann ich en gerechtah Nasht raus roof aus em Dawfit sei nohch-kummashaft, en Kaynich es roold mitt veisheit, un richt in gerechtichkeit im land.

Jesoiya 9:7

Sei macht fa roola vatt graysah un graysah, un sei fridda zayld ayvichlich sei. Eah hokt uf em Dawfit sei kaynich-shtool, un roold ivvah sei Kaynich-Reich. Eah setzt's uf un macht's shteik deich richtes un mitt gerechtichkeit funn datt on un fa'immah. Da grohs eahnsht fumm Awlmechticha Hah zayld awl dess du.

Hiob 37:23

Da Awlmechtich kenna miah nett finna, eah is zu mechtich mitt graft. Sei gerechtichkeit un gericht dutt eah nett beeya.

5. Mosi 10:18

Eah shtayt uf fa di kinnah unni eldra un fa di vitt-veivah. Eah hott di ausahra leeb un gebt eena ess-sach un glaydah.

Di Offenbarung 19:11

No habb ich da Himmel ksenna, uf gmacht, un datt voah en veisah gaul. Deah vo uf eem kokt hott, hott Shtandhaftichkeit un Voahheit kaysa. Eah richt un macht greek in gerechtichkeit.

Judas 1:15

fa alli-ebbah richta, un fa di gottlohsa shuldich macha fa awl iahra gottlohsi verka es si gedu henn in en gottlohsah vayk, un fa awl di veeshta vadda es gottlohsi sindah ksawt henn geyyich een.”

Jesoiya 61:11

Fa vi di eaht glenni blansa vaxa macht, un vi en goahra sohma uf kumma macht, so macht da Awlmechtich Hah gerechtichkeit un lohb uf kumma fannich awl di heida.

Jesoiya 42:4

Eah vatt nett matt un faliaht moot, biss eah leit iahra recht gebt uf di eaht. Di islands sinn am voahra mitt hofning fa sei ksetz.”

Psalm 98:9

loss si singa fannich em Hah, fa eah kumd fa di eaht richta. Eah richt di veld in gerechtichkeit, un di leit so vi's recht is.