Joshua 1:8 - Pennsylvania Dutch Bible

⁸ Heah nett uf shvetza mitt deim maul veyyich demm buch fumm Ksetz, un loss es nett vekk kumma funn diah. Denk un shtoddi drivvah dawk un nacht. Un gebb goot acht es du alles dusht grawt vi's kshrivva is drinn. No zayld alles goot ausshaffa fa dich un alles zayld recht ausdrayya es du unnah-nemsht.

Joshua 1:8 Kruisverwysings

1. Mosi 24:63

Da Isaac is no naus in's feld ganga geyya ohvet fa bayda. Datt hott eah ufgegukt, un uf aymol saynd eah kamayla am kumma.

2. Chronik 26:5

Eah hott Gott ksucht diveil es da Sacharia glaybt hott, deah es een gland hott fa Gott firchta. So lang es eah da Hah ksucht hott, hott Gott alles goot ausshaffa gmacht fa een.

Psalm 119:11

Ich hald dei vatt in meim hatz, so es ich nett sindich geyyich dich.

Psalm 119:15

Ich denk dei adnunga ivvah, un nemm dei vayya zu hatz.

Psalm 119:97

Oh, vi leeblich is dei ksetz zu miah! Ich denk drivvah da gans dawk lang.

Psalm 119:99

Ich habb may eisicht es awl mei teetshahs, veil ich mich uf hald mitt dei zeiknisa.

Psalm 19:14

Loss di vadda funn mei maul, un di gedanka funn mei hatz, diah kfellich sei, oh Hah, mei Felsa un mei Frei-Shtellah.

Psalm 40:10

Ich habb dei gerechtichkeit nett fashtekkeld kalda in meim hatz; dei shtandhaftichkeit un saylichkeit shvetz ich diveyya, ich hald dei grohsi leevi un voahheit nett funn di grohs fasamling.

Shpricha 3:1

Mei kind, fagess nett vass ich dich gland habb, un hald mei gebodda in deim hatz.

Jesoiya 59:21

“Dess is mei bund es ich mach mitt eena,” sawkt da Hah. “Mei Geisht es uf diah is, un mei vadda es ich in dei maul gedu habb, zayla dei maul nett falossa, un aw nett di meilah funn dei kinnah, adda di meilah funn dei nohch-kummashaft nau un fa'immah,” so sawkt da Hah.

Matthäus 12:35

En goodah mensh bringd goodi sacha aus di keshtlicha sacha es in seim hatz sinn. Un en mensh es evil is, bringd evili sacha aus di shlechta sacha es in seim hatz sinn.

Matthäus 28:20

Un lannet si fa alles halda es ich eich gebodda habb. Un meindet dess, ich binn immah bei eich, even biss an's end funn di veld.”

Matthäus 7:21

Nett alli-ebbah es sawkt, ‘Hah, Hah,’ zu miah, zayld in's Himmel-Reich kumma. Yusht dee vo meim Faddah im Himmel sei villa doon, zayla nei kumma.

Matthäus 7:24

“So veah-evvah es mei vadda heaht un dutt si, een doon ich fagleicha zu en mann mitt veisheit es sei haus uf en felsa gebaut hott.

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

Johannes 13:17

Vann diah dee sacha visset, sind diah ksaykend vann diah si aw doond.

Johannes 14:21

Deah vo mei gebodda hott, un si hald, deah dutt mich leeva. Un mei Faddah dutt deah leeva vo mich leebt, un ich du een leeva un du mich veisa zu eem.”

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

5. Mosi 29:8

Miah henn iahra land gnumma un henn's zu di Rubeniddah, di Gadiddah un di halb-shtamm fumm Manasse gevva fa en eahbshaft.

5. Mosi 29:9

So gevvet acht un haldet di vadda funn demm bund, so es es goot gayt in alles es diah doond.

5. Mosi 30:14

Nay, 's vatt is oahrich nayksht zu eich; 'sis in eiyah maul un hatz so es diah's du kennet.

5. Mosi 31:11

An di zeit es gans Israel fannich da Hah eiyah Gott kumd am blatz es eah raus layst, datt sellet diah dess ksetz laysa zu eena.

5. Mosi 31:24

Vo da Mosi faddich voah di vadda funn demm ksetz in en buch shreiva fumm ohfang biss an's end,

5. Mosi 5:1

No hott da Mosi gans Israel zammah groofa un hott ksawt: Heichet di gebodda un's ksetz ab, oh Israel, es diah mich heahret sawwa in eiyah oahra heit. Lannet si un haldet si.

5. Mosi 5:29

Oh, vann si yusht immah so feela dayda mitt furcht im hatz un awl mei gebodda halda iahra layva lang, so es es goot gay dayt mitt eena un iahra nohch-kummashaft fa'immah!

5. Mosi 5:32

So nau gevvet acht es diah grawt doond vi da Hah eiyah Gott eich gebodda hott. Doond nett uf di rechts seit adda di lings seit drayya.

Kolosser 3:16

Losset's Vatt funn Christus in eich voona in alli veisheit, vi diah nannah lannet un famohnet mitt psaltah un lohb-leedah un geishtlich singes. Singet zumm Hah mitt gnawt in eiyah hatza.

Joshua 1:7

Yusht sei shteik un feich dich nett fa alles ausfiahra noch em Ksetz vi da Mosi mei gnecht diah's gebodda hott. Dray nett rechts adda lings fumm Ksetz so es alles goot ausshaft fa dich es du unnah-nemsht.

Joshua 8:34

Noch sellem hott da Joshua awl di vadda fumm ksetz glaysa, di sayya un di fluch, grawt vi's kshrivva shtayt im buch fumm ksetz.

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.