Hohches Leet 7:13 - Pennsylvania Dutch Bible

¹³ Di leeb-ebbel blumma shikka iahra goodah kshmakk naus, un alli sadda goodi frucht is um uns rumm. Fa dich habb ich awl dee alda un neiyi blesiahra ufkshtoaht, mei beleebdah.

Hohches Leet 7:13 Kruisverwysings

1. Mosi 30:14

An di zeit funn di vaytza-eahn is da Ruben naus in's feld ganga un hott leeb-ebbel kfunna. Eah hott si rei gebrocht zu sei maemm di Lea. No hott di Rachel ksawt zu di Lea, “Gebb miah samm funn dei boo sei leeb-ebbel.”

Hohches Leet 2:3

Mei beleebdah unnich yungi mennah is vi en abbel-bohm unnich di baym im bush. Ich gleich in seim shadda hokka un sei frucht is sees zu miah.

Hohches Leet 4:13

Dei blansa sinn vi en grannat-abbel bamgoahra, mitt shayni frucht, mitt blumma un goot-shmakkichi greidah-ayl

Hohches Leet 4:16

Vekk uf, vind funn di natt, un kumm, vind funn di saut! Blohset uf mei goahra, so es da kshmakk funn di shpeis rumm blohst. Loss mei beleebdah in sei goahra kumma, un's besht frucht essa.

Hohches Leet 6:11

Ich binn nunnah an da niss bamgoahra ganga fa di neiya blansa sayna im deich, fa sayna eb di vei-shtekk kshpraut henn un eb di grannat-ebbel am bleeya sinn.

Hohches Leet 8:1

Oh, vann du yusht veahsht vi en broodah, es an mei maemm iahra brisht ksukkeld hott! No vann ich dich draus ohdreffa dayt, kend ich dich kissa, un nimmand dayt ebbes denka difunn.

Jesoiya 23:18

Avvah vass see fahandeld un vass see fadeend zayld zumm Hah heahra. See shtoaht's nett uf un hald's fa sich selvaht. Vass see macht gayt zu selli es fannich em Hah voona, so es si genunk ess-sach un shayni glaydah henn.

Matthäus 13:52

No hott eah ksawt zu eena, “Dess maynd dann es alli shrift-geleahrah es gland vatt in di sacha fumm Himmel-Reich, is vi en haus-haldah vo aldi un neiyi sacha aus seim shtoah-haus nemd.”

Matthäus 25:40

Un da Kaynich zayld sawwa zu eena, ‘Voahlich, ich sawk eich, vass diah gedu hend zu ayns funn di vennichshta funn mei breedah, so hend diah's gedu zu miah.’

Johannes 15:8

Da Faddah grikt hohchi eah vann diah feel frucht greeyet, un bei demm veiset diah es diah mei yingah sind.

1. Korinther 16:2

Uf em eahshta dawk funn di voch loss alli-ebbah samm geld vekk du es en dayl is funn vass eem gevva voah. Dess is so es diah kenn geld uf macha misset vann ich moll kumm.

1. Korinther 2:9

Avvah so vi's kshrivva is, “Kenn awk hott noch ksenna, kenn oah hott noch keaht, un's hatz fumm mensh hott noch nett eignumma, vass Gott grisht hott fa selli vo een leeva.”

Epheser 5:9

(Fa di frucht fumm Geisht is alles goodheit, gerechtichkeit un voahheit.)

Philipper 1:11

Ich vill havva es diah kfild sind mitt di frucht funn gerechtichkeit vo kumd deich Jesus Christus zu di hallichkeit un lohb funn Gott.

Kolosser 3:17

Un vass-evvah es diah doond in vadda adda in verka, doond alles im nohma fumm Hah Jesus, un gevvet dank zu Gott un em Faddah deich een.

1. Petrus 4:11

Vann ennich ebbah shvetzt, loss es sei es vi di vadda funn Gott. Vann ennich ebbah deend, loss een deena mitt di graft vo Gott gebt. Dess is so es in alli sacha Gott fakleaht vatt deich Jesus Christus. Zu eem heaht di hallichkeit un di macht fa immah un immah. Amen.