Hohches Leet 5:2 - Pennsylvania Dutch Bible

² Ich habb kshlohfa avvah mei hatz voah vakkah. Heich moll! Mei beleebdah is am ohglobba: Mach uf, mei shveshtah, mei beleebdi, mei daub unni faylah in sich. Mei kobb is nass fumm dau un mei hoah funn di feicht funn di nacht.

Hohches Leet 5:2 Kruisverwysings

1. Mosi 29:20

So hott da Jakob sivva yoah kshaft fa di Rachel greeya, avvah's hott kseemd vi yusht poah dawk, so leeb voah see zu eem.

Psalm 119:1

Ksaykend sinn selli es en unshuldich layva fiahra, selli es lawfa im ksetz fumm Hah.

Psalm 81:10

Ich binn da Hah eiyah Gott, deah vo eich ruff aus Egypta gebrocht hott. Machet eiyah meilah grohs uf, un ich fill si.

Shpricha 23:26

Mei sohn, gebb miah dei hatz, un loss dei awwa sich froiya fa mei vayk halda,

Hohches Leet 1:16

Du bisht so shay, mei beleebdah, un so blesiahlich! Do vo miah leiya is alles gree.

Hohches Leet 2:10

Mei beleebdah hott kshvetzt un ksawt zu miah, “Shtay uf, mei beleebdi, mei alli-shenshti, un kumm mitt miah.

Hohches Leet 2:14

Mei daub datt zvishich di felsa, datt vo du dich fashtekkelsht am hivvel nohch, veis miah dei ksicht, loss mich dei shtimm heahra; fa dei shtimm is so sees, un dei ksicht so shay.

Hohches Leet 2:8

Do is di shtimm fumm meim beleebda! Gukk moll, do kumd eah, am ivvah di berga tshumba, un ivvah di hivla shpringa.

Hohches Leet 3:1

Di gans nacht lang uf meim bett habb ich gegukt fa sellah es mei hatz leeb hott; ich habb gegukt fa een avvah habb een nett kfunna.

Hohches Leet 4:7

Du bisht vundahboah shay, mei beleebdi, un hosht kenn faylah in diah.

Hohches Leet 4:9

Du hosht mei hatz kshtohla, mei shveshtah, mei hochtzich-maydel; du hosht mei hatz kshtohla mitt ay blikk funn deim awk, mitt ay keshtlichah shtay in dei hals-kett.

Hohches Leet 5:11

Sei kobb is vi fei gold; sei hoah is mitt curls un so shvatz es en grabb.

Hohches Leet 5:6

Ich habb uf gmacht fa mei beleebdah, avvah mei beleebdah voah nimmi datt. Mei hatz voah bedreebt vo eah kshvetzt katt hott. Ich habb ksucht fa een avvah habb een nett kfunna. Ich habb een groofa avvah eah hott kenn andvat gevva.

Hohches Leet 6:9

avvah di aynsisht unni faylah in sich is mei daub, see is iahra maemm iahra aynsisht maydel, un is di leebsht es see geboahra hott. Di yunga mayt sayna see un haysa see ksaykend, un di kaynich-veivah un di nayva-veivah lohva see.

Hohches Leet 7:9

un di kussa funn dei maul vi da besht vei. es blesiahlich nunnah gayt ivvah di leftz un zay.

Hohches Leet 8:7

Feel vassah kann di leevi nett ausmacha, revvahra kenna di leevi nett vekk vesha. Vann ebbah awl's keshtlich sach in seim haus gevva vett fa leevi, dann veah's alles gans nunnah gedrayt.

Jesoiya 50:6

Ich habb mei bukkel zu selli gedrayt es mich fashlauwa henn, un mei bakka zu selli es mei boaht grobt henn. Ich habb mei ksicht nett vekk gedrayt funn selli es mich fashpott un fashpautzt henn.

Jesoiya 52:14

Feel voahra fashtaund vo si een ksenna henn, sei leib voah so faveesht es es nett gegukt hott vi en mensh, adda vi's leib funn mensha-kinnah.

Daniel 8:18

Diveil es eah am shvetza voah zu miah, is en deefah shlohf ivvah mich kumma un mei ksicht voah uf em grund. No hott eah mich ohgraykt un hott mich uf mei fees kshteld.

Sacharia 4:1

No is da engel es am shvetza voah mitt miah, zrikk zu miah kumma un hott mich uf gvekt, so vi en mann ufgvekt is fumm shlohf.

Matthäus 7:8

Alli-ebbah es frohkt, zayld greeya, un alli-ebbah es sucht, zayld finna. Un deah vo ohglobt, zu eem vatt's uf gmacht.

Matthäus 8:17

Dess voah so es es folfild vatt vass da brofayt Jesaia ksawt hott. “Eah hott unsah shvachheida uf sich gnumma, un hott unsah grank-heida gedrawwa.”

Markus 1:35

Free da neksht meiya, lang eb dawk, is eah uf kshtanna un is naus in di vildahnis ganga un datt hott eah gebayda.

Lukas 22:44

Un's is eem oahrich shveah vadda, no hott eah yusht noch eiyah gebayda, un sei shvitz is vadda vi bloot-drobba un is nunnah kfalla uf da bodda.

Lukas 6:12

In selli dawwa is eah naus in di hivla ganga fa bayda, un eah hott di gans nacht gebayda zu Gott.

Lukas 9:32

Nau da Petrus un selli vo bei eem voahra, voahra oahrich shlayfahrich, avvah si henn sich vakkah kalda, un si henn di hallichkeit ksenna funn eem un di zvay mennah vo bei eem kshtanna henn.

Johannes 10:4

Vann eah moll awl sei aykni raus gebrocht hott, gayt eah fannich eena heah, un di shohf gayn eem nohch veil si sei shtimm kenna.

Galater 2:20

Ich voah gegreitzicht mitt Christus, avvah ich layb alsnoch. Doch, es is nett mich, avvah Christus vo in miah laybt. Un's layva vass ich nau layb in meim flaysh, layb ich im glawva fumm Sohn Gottes, deah es mich gleebt hott un sich selvaht gevva hott fa mich.

Epheser 5:14

Sell is favass es es sawkt, “Vekk uf, du es shlohfsht, shtay uf funn di dohda, un Christus zayld diah licht gevva.”

Di Offenbarung 14:4

Dess sinn dee vo sich nett unrein gmacht henn bei sindicha mitt veibsleit, fa si henn sich rein kalda. Dess sinn dee vo em Lamm ivvahrawlich nohch gayn. Si sinn selli es gekawft voahra aus di mensha, un sinn di eahsht-frucht gevva zu Gott un zumm Lamm.

Di Offenbarung 3:20

Gukk moll, ich shtay an di deah un globb oh, vann ennich ebbah mei shtimm heaht un macht di deah uf, dann kumm ich nei zu eem un ess mitt eem, un eah mitt miah.

Di Offenbarung 3:4

Avvah du hosht noch edlichi nohma in Sardis, leit es iahra glaydah nett fadrekt henn. Si sella mitt miah lawfa in veisi glaydah, fa si sinn's veaht.