Hohches Leet 4:8 - Pennsylvania Dutch Bible

⁸ Kumm mitt miah funn Lebanon, mei hochtzich-maydel, kumm funn Lebanon mitt miah. Kumm runnah funn drovva uf em Berg Amana, funn drovva uf di Berga Senir un Hermon, runnah funn di layb iahra haymeda un funn di hivla vo di leopards bleiva.

Hohches Leet 4:8 Kruisverwysings

1. Kaynicha 4:33

Eah hott shvetza kenna veyyich alli sadda blansa, funn di cedar-baym in Lebanon biss an's hyssop es vaxt uf di vanda. Eah hott aw leit gland veyyich diahra, fekkel, shlanga un fish.

2. Kaynicha 5:12

Sinn nett di revvahra Amana un Pharphar in Damascus bessah es ennichi vassahra in Israel? Hett ich mich nett vesha kenda in selli revvahra un mich rein macha?” So is eah difunn ganga in seim zann.

1. Chronik 5:23

Di leit funn di halb-shtamm fumm Manasse henn im land gvoond funn Basan zu Baal-Hermon zu Senir biss an da Berg Hermon. Un's voahra feel funn eena.

Psalm 45:10

Heich, oh dochtah, dray dei oah un denk drivvah, fagess dei leit un dei daett sei haus.

Psalm 72:16

Loss es frucht dikk shtay im land, loss es sich zrikk un faddi beeya drovva uf di hivla. Loss es frucht shteik vaxa vi in Lebanon, un loss di shtett ufkfild sei mitt leit vi's graws im feld.

Psalm 76:1

Gott is bekand in Juda, un in Israel is sei nohma uf kohva.

Psalm 76:4

Du bisht hallich, un mechtichah es berga mitt diahra.

Psalm 89:12

Di natt un di saut hosht du kshaffa, di Berga Thabor un Hermon singa ivvah dei nohma.

Shpricha 9:6

Falosset eiyah dummi vayya un greeyet layva, un lawfet im vayk funn eisicht.

Hohches Leet 2:13

Da feiya-bohm is am sei frucht bringa, di vei-shtekk sinn am bleeya un iahra kshmakk ab gay lossa. Shtay uf, mei beleebdi, Mei alli-shenshti, un kumm mitt miah.”

Hohches Leet 5:1

Ich binn in mei goahra kumma, mei shveshtah, mei hochtzich-maydel; ich habb myrrhe un shpeis zammah ksammeld. Ich habb mei hunnich-rohsa un mei hunnich gessa, un habb mei vei un millich gedrunka. Esset, diah es unsah freind sind; drinket biss diah foll sind, diah es nannah leeb hend.

Hohches Leet 7:11

Kumm, mei beleebdah, vella naus in di feldah gay, un ivvah-nacht in di shtedlen bleiva.

Jesoiya 62:5

So vi en yungah mann en leddich maydel heiyaht, so zayla dei boova dich heiyahra; un vi en hochtzich-mann sich froit ivvah sei hochtzich-maydel, so zayld dei Gott sich froiya ivvah dich.

Ezekiel 27:5

Si henn dei blanka gmacht mitt fir-hols funn Senir; Si henn cedar-hols funn Lebanon grikt fa dei maest-pohl macha.

Johannes 12:26

Deah vo mich deena vill, deah muss miah nohch kumma, un vo ich binn, datt soll deah sei es mich deend. Da Faddah dutt deah eahra vo mich deend.

5. Mosi 3:25

Loss mich drivvah nivvah gay un's shay land sayna uf di annah seit fumm Jordan, sell goot hivvel-land un Lebanon.”

5. Mosi 3:9

(Di Sidoniddah haysa da Berg Hermon, Sirion, avvah di Amoriddah haysa een Senir.)

Joshua 12:1

Dess sinn di kaynicha funn di lendah es di Kinnah-Israel ivvah-kumma sinn im greek, un iahra land gnumma henn uf di east seit fumm Jordan Revvah vo di sunn ufkumd. Di lendah funn di zvay kaynicha uf di east seit henn funn em deich funn Arnon glangd biss nuff an da Berg Hermon, un awl di lendah funn di east seit funn Arabah.