Hohches Leet 4:6 - Pennsylvania Dutch Bible

⁶ Biss es dawk vatt un di shadda fagayn, dann gayn ich an da myrrhe berg, un an da hivvel mitt insens.

Hohches Leet 4:6 Kruisverwysings

Psalm 66:15

Ich zayl diah brand-opfahra bringa funn fett fee, un opfah-shmohk funn shohf-bekk. Ich mach opfahra funn bulla un gays-bekk. (Sela)

2. Mosi 20:24

Mach en awldah funn eaht fa mich, un opfah datt druff dei brand-opfah un fridda-opfah, un dei shohf un fee opfah. Vo-evvah es ich mei nohma uf hayva vill, datt kumm ich zu diah un sayken dich.

2. Mosi 30:8

Un vann da Aaron di veecha butzt ohvets soll eah aw insens brenna. Dess is so es insens gebrend vatt fannich em Hah alli dawk bei eiyah nohch-kummashaft funn nau on.

2. Mosi 37:29

Eah hott no's heilich salb-ayl gmacht, un aw's pyuah, sees-shmakkich insens aus shpeis. Dess voah gedu so vi selli doon es so sacha macha fa iahra eahvet.

Hohches Leet 2:17

Biss es dawk vatt un di shadda fagayn, dray dich, mei beleebdah, un sei vi da hash, adda da yung hasha-bokk in di hohcha hivla.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Hohches Leet 4:14

mitt greidah-ayl un saffron shpeis, kalamus un cinnamon, un mitt alli sadda insens baym, myrrhe un aloes, un awl di beshta shpeis.

Hohches Leet 8:14

Kumm kshvind, mei beleebdah, sei vi da hash adda vi en yungah hasha-bokk es drovva in di berga is vo shpeis vaxa.

Jesoiya 2:2

Es zayld zu kumma in di letshta dawwa, es da berg vo da tempel fumm Hah druff shtayt, da feddahsht sei zayld unnich awl di berga; eah zayld uf kohva sei ovvich awl di hivla, un awl di heida zayla datt anna lawfa.

Maleachi 1:11

Mei nohma is hallich unnich di heida, fumm blatz vo di sunn ufkumd biss vo see nunnah gayt. Ivvahrawlich vadda insens un reini opfahra gopfaht zu meim nohma, veil mei nohma hallich sei zayld unnich di heida,” sawkt da Awlmechtich Hah.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Lukas 1:78

deich di hatzlich bamhatzichkeit funn unsahm Gott, so vi eah di sunn fumm himmel macht uf kumma ivvah uns;

2. Petrus 1:19

Un's Vatt funn di brofayda voah may fesht gmacht zu uns, un diah doond goot fa's abheicha. Dess is vi en licht es am sheina is in en dunklah blatz biss es dawk vatt un di meiya-shtann ufkumd in eiyah hatza.

1. Johannes 2:8

Avvah doch, ich shreib eich en nei gebott, un dess is voah in eem un in eich, fa's dunkla is am vekk gay un's voah licht is nau am sheina.

Di Offenbarung 22:16

Ich, Jesus, habb mei engel kshikt fa dee sacha zeiya zu eich in di gmayna. Ich binn funn di vatzel un nohch-kummashaft fumm Dawfit; ich binn di hell Meiya-shtann.”

Di Offenbarung 5:8

Vo eah's buch gnumma katt hott, sinn di fiah levendichi diahra un di fiah un zvansich eldishti nunnah kfalla fannich's Lamm. Yaydah vann hott en harf katt un goldichi shisla foll insens. Dess sinn di gebaydah funn di saylicha.