Hohches Leet 4:14 - Pennsylvania Dutch Bible

¹⁴ mitt greidah-ayl un saffron shpeis, kalamus un cinnamon, un mitt alli sadda insens baym, myrrhe un aloes, un awl di beshta shpeis.

Hohches Leet 4:14 Kruisverwysings

1. Mosi 43:11

No hott da Israel, iahra daett, ksawt zu eena, “Vann's dann so sei muss, dann doond dess: Nemmet fumm beshta sach im land, doond's in eiyah sekk un drawwet's nunnah zumm mann fa en kshenk. Nemmet en vennich balsam, hunnich, shpeisichah gum, myrrhe, niss un almonds.

1. Kaynicha 10:10

See hott em kaynich 4½ tons gold gevva, un feel shpeises un keshtlichi shtay. Nee nett sinn so feel shpeises rei kumma es selli es di kaynich-fraw funn Sheba zumm Kaynich Solomon gevva voah.

2. Chronik 9:9

No hott see em kaynich 4½ ton gold gevva un feel shpeis un keshtlichi shtay. Es voahra nee kenn shpeis vi selli es di kaynich-fraw funn Sheba gevva hott zumm Solomon.

Psalm 45:8

Awl dei glaydah sinn goot-shmakkich gmacht mitt myrrhe, aloe un kassia. Fumm ivory-gedekt kaynich-haus, vasht du froh gmacht vann di harfa kshpeeld vadda.

2. Mosi 30:23

“Nemm zu diah di beshti shpeises: zvelf pund pyuah myrrhe, halvah so feel (sex pund) sees-shmakkichah cinnamon, sex pund sees-shmakkichah balsam,

Shpricha 7:17

Ich habb mei bett gmacht goot shmakka mitt myrrhe, aloe un cinnamon.

Hohches Leet 1:12

Diveil es da kaynich an seim dish voah, voah da kshmakk funn mei goot-shmakkich ayl in di luft.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Hohches Leet 4:6

Biss es dawk vatt un di shadda fagayn, dann gayn ich an da myrrhe berg, un an da hivvel mitt insens.

Hohches Leet 5:1

Ich binn in mei goahra kumma, mei shveshtah, mei hochtzich-maydel; ich habb myrrhe un shpeis zammah ksammeld. Ich habb mei hunnich-rohsa un mei hunnich gessa, un habb mei vei un millich gedrunka. Esset, diah es unsah freind sind; drinket biss diah foll sind, diah es nannah leeb hend.

Hohches Leet 6:2

Mei beleebdah is nunnah an sei goahra ganga, zu di blumma-goahra funn balsam fa sei shohf vayda im goahra un fa lilya-blumma geddahra.

Ezekiel 27:19

Di Daniddah un Javaniddah henn dei sach gekawft funn Usal; si henn sheinich eisa, un kassia un balsam shpeis kandeld fa dei sach.

4. Mosi 24:6

Vi di valleys es sich ausnannah shpredda, vi di goahra nayvich em revvah, vi aloe-baym es da Hah geblanst hott, vi cedar-baym nayvich em vassah.

Markus 16:1

Un vo da Sabbat-Dawk moll fabei voah hott di Maria Magdalena, di Salome un di annah Maria, em Jakobus sei maemm, seesi shpeis gekawft so es si kumma kenna un een salba.

Johannes 19:39

Da Nicodemus, vo seahsht zu eem kumma is ay nacht, is aw kumma un hott baut en hunnaht pund shpeis gebrocht es myrrhe un aloe zammah gmixt voah.

Di Offenbarung 18:13

sacha vi cinnamon, shpeis, shmiah, insens, vei, ayl, fei mayl, vaytza, fee, shohf, geil, veyya, gnechta, un di sayla funn mensha.