Hohches Leet 1:7 - Pennsylvania Dutch Bible

⁷ Sawk miah, du es mei sayl leeb hott, vo dusht du dei shohf vayda lossa, un vo dusht du dei shohf roowa lossa ivvah middawk? Favass sett ich rumm gay gukka, bei di drubba funn dei freind?

Hohches Leet 1:7 Kruisverwysings

1. Mosi 37:16

Eah hott ksawt, “Ich binn am gukka fa mei breedah. Sawk miah vo si am's fee heeda sinn.”

Psalm 116:1

Ich leeb da Hah, veil eah mei shtimm un mei gebayt keaht hott.

Psalm 18:1

Ich habb dich hatzlich leeb, oh Hah, mei Graft.

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 80:1

Heich uns ab, oh Heedah funn Israel; du fiahsht da Joseph vi en drubb shohf. Du, es uf em kaynich-shtool hoksht zvishich di cherubim, shein naus,

Hohches Leet 2:16

Mei beleebdah is mei un ich binn sei, eah vayt sei shohf unnich di lilya-blumma.

Hohches Leet 2:3

Mei beleebdah unnich yungi mennah is vi en abbel-bohm unnich di baym im bush. Ich gleich in seim shadda hokka un sei frucht is sees zu miah.

Hohches Leet 5:10

Mei beleebdah is shay un shteik, eah shtayt raus unnich zeyya dausend.

Hohches Leet 5:16

Sei maul is sees un alles an eem is leeblich. Dess is mei beleebdah, mei freind, diah yungi mayt funn Jerusalem.

Hohches Leet 5:8

Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.

Hohches Leet 6:2

Mei beleebdah is nunnah an sei goahra ganga, zu di blumma-goahra funn balsam fa sei shohf vayda im goahra un fa lilya-blumma geddahra.

Hohches Leet 6:3

Ich binn mei beleebdah seini un mei beleebdah is mei; eah vayt sei shohf unnich di lilya-blumma.

Hohches Leet 8:13

Du es in di goahra hoksht, mei freind sinn am voahra fa dei shtimm, loss mich dei shtimm aw heahra.

Jesoiya 13:20

Nimmand zayld may drinn voona, adda ennich ebbah may drinn sei fa'immah un immah; di Arabs zayla iahra tents nett uf du datt, un di shohf-heedah lossa iahra shohf nett anna leiya datt.

Jesoiya 26:9

Mei sayl hott en falanga fa dich in di nacht, un mei geisht in miah dutt eahnshtlich sucha fa dich. Vann dei gerichta uf di eaht kumma, dann lanna di leit funn di veld gerechtichkeit.

Jesoiya 40:11

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Jesoiya 5:1

Heichet, ich vill en leet singa fa mei beleebdah freind, en leet veyyich sei vei-goahra: Mei beleebdah hott en vei-goahra katt, im gooda grund am hivvel nohch.

Jeremia 33:12

Dess is vass da Awlmechtich Hah sawkt: “Deah blatz vo so veesht un leah is es kenn mensh adda diah drinn is, zayld viddah shtett havva mitt vayt-land fa iahra shohf-heedah vo si iahra shohf roowa kenna.

Micha 5:4

Eah zayld uf shtay un sei leit fiahra in di graft fumm Hah, in di macht fumm nohma fumm Hah, sei Gott. No zayla si aus di kfoah layva, veil eah hohch gacht sei zayld biss an's end funn di eaht.

Matthäus 10:37

Deah vo sei maemm un daett may leebt es mich, is mich nett veaht. Un deah vo sei boo adda maydel may leebt es mich, is mich nett veaht.

Johannes 10:11

Ich binn da goot shohf-heedah. Da goot shohf-heedah gebt sei layva fa di shohf.

Johannes 21:17

No hott eah's dritt mohl ksawt zu eem, “Simon, em Johannes sei boo, dusht du mich leeva?” Da Petrus voah bedreebt veil eah een's dritt mohl kfrohkt hott, “Dusht du mich leeva?” No hott eah ksawt zu Jesus, “Hah, du vaysht alles; du vaysht es ich dich leeva du.” Jesus hott ksawt zu eem, “Feedah mei shohf.

1. Petrus 1:8

deah vo diah nett ksenna hend, avvah doch leevet. Un even vann diah een noch nett sayna kennet, glawvet diah alsnoch, un froiyet eich mitt unshprechlichi un hallichi frayt,

1. Petrus 2:7

Zu eich dann vo glawva, is eah keshtlich, avvah fa selli vo nett glawva is eah, “Da shtay vo di shaff-leit zrikk kshmissa henn, da shtay es da ekk-shtay vadda is,”

1. Johannes 2:19

Si sinn funn uns naus ganga avvah si voahra nett funn uns; fa vann si funn uns gvest veahra, dann veahra si bei uns geblivva. Avvah si sinn funn uns naus ganga, un dess veist es si nett awl funn uns sinn.

Di Offenbarung 7:17

Fa's Lamm in di mitt fumm kaynich-shtool zayld si heeda, un zayld si zu levendichi vassah-shpringa fiahra. Un Gott zayld awl's awwa-vassah funn iahra awwa butza.”

Ruth 2:21

No hott di Ruth fumm land Moab ksawt, “Eah hott aw ksawt zu mich, ‘Bleib nayksht bei mei shaff-leit biss si faddich sinn mitt di eahn.’”