Hohches Leet 1:3 - Pennsylvania Dutch Bible

³ Dei salb-ayl shmakt goot; dei nohma is vi goot-shmakkich salb-ayl. Kenn vunnah doon di mayt dich gleicha!

Hohches Leet 1:3 Kruisverwysings

Psalm 133:2

Es is vi keshtlich salb-ayl uf em kobb, es runnah lawft uf da boaht, es runnah lawft uf em Aaron sei boaht, runnah uf da kallah funn sei glaydah.

Psalm 45:14

In ausgnaydi glaydah zayld see zumm kaynich kfiaht sei, iahra hochtzich-mayt kumma iahra nohch, un si vadda zu diah gebrocht.

2. Mosi 33:12

No hott da Mosi ksawt zumm Hah, “Du bisht am miah sawwa, ‘Fiah dee leit,’ avvah du hosht mich nett vissa glost veah du mitt miah shiksht. Du hosht ksawt, ‘Ich kenn dich bei nohma, un du hosht gnawt kfunna in mei awwa.’

2. Mosi 33:19

Un da Hah hott ksawt, “Ich mach awl mei gootes fannich deim ksicht fabei gay, un loss da nohma fumm Hah ausgroofa sei fannich diah. Demm es ich gnaydich binn ditzu, zu demm binn ich gnaydich. Un demm is ich bamhatzich binn ditzu, zu demm binn ich bamhatzich.”

Shpricha 27:9

Goot-shmakkich ayl un insens macht's hatz froh, un en mann sei roht is sees zu sei freind.

Breddichah 7:1

En goodah nohma is bessah es goot-shmakkichi shmiah, un da dawk fumm doht is bessah es da dawk es ma geboahra voah.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Hohches Leet 4:10

Dei leevi is so blesiahlich, mei shveshtah, mei hochtzich-maydel! Dei leevi is bessah es vei, un da goot kshmakk funn dei salb-ayl is bessah es seesi shpeis.

Hohches Leet 5:13

Sei bakka sinn vi blumma-goahra mitt balsam es goodah kshmakk ab gay lost. Sei leftz sinn vi lilya-blumma es nass sinn mitt myrrhe.

Hohches Leet 5:5

Ich binn ufkshtanna fa uf macha fa mei beleebdah, mei hend henn gedrobst mitt myrrhe, mei fingah voahra nass mitt myrrhe, vi ich di deah uf gmacht habb.

Hohches Leet 6:8

Es mechta sechtzich kaynich-veivah sei un achtzich nayva-veivah, un feel mayt unni nambah,

Jesoiya 61:3

fa faseiya fa selli am heila in Zion, fa blumma gevva zu eena in blatz funn esh, goot-shmakkich ayl in blatz funn dreebsawl, un glaydah fa lohb macha in blatz funn en bedreebdah geisht. Si zayla di aycha-baym funn gerechtichkeit kaysa sei, dee es da Hah geblanst hott fa sei hallichkeit veisa.

Matthäus 25:1

“No vatt's Himmel-Reich faglicha zu zeyya leddichi mayt vo iahra lichtah gnumma henn un sinn ganga da hochtzeidah ohdreffa.

Johannes 12:3

No hott di Maria en pund oahrich deiyah greidah-ayl gnumma un hott Jesus sei fees ksalbt mitt. No hott see sei fees ab gebutzt mitt iahra hoah. Es gans haus voah kfild mitt em gooda kshmakk funn demm greidah-ayl.

2. Korinther 11:2

Ich binn eahnshtlich fa eich mitt en gettlichah eahnsht. Fa ich habb eich fashprocha zu aym mann, Christus, so es ich eich gevva kann zu eem vi en rein leddich maydel.

Philipper 4:18

Ich habb alles grikt, un may es ich brauch. Nau es ich di kshenkah grikt habb fumm Epaphroditus es diah kshikt henn, habb ich alles es ich brauch. Dee kshenkah sinn vi en sees-shmakkichah opfah es Gott ohnemd un es kfellich sinn zu eem.

Di Offenbarung 14:4

Dess sinn dee vo sich nett unrein gmacht henn bei sindicha mitt veibsleit, fa si henn sich rein kalda. Dess sinn dee vo em Lamm ivvahrawlich nohch gayn. Si sinn selli es gekawft voahra aus di mensha, un sinn di eahsht-frucht gevva zu Gott un zumm Lamm.