हिब्रू 7:2 - परमेस्वर को सच्चो वचन

² और अब्राहम जो कछु लई रहै बाको दसमों भाग बाकै दई। मेलिकिसिदक नाओं को पहलो मतलब “धार्मिकता को राजा” है; और बौ सालेम को राजा रहै, बाके नाओं को मतलब “सांति को राजा” भी है।

राना थारु नयाँ नियम

² अब्राहाम राजासे जितके लाओभओ सब धनको दशांश मल्कीसेदेकके दइ। मल्‍कीसेदेक नाउँको अर्थ “धार्मिकताको राजा” हए, और बो शालेमको राजा होनके कारणसे बोको नाउँसे “शान्तिको राजा” फिर कहोजात हए।

हिब्रू 7:2 Kruisverwysings

मत्ती 1:23

देखौ “एक कुवाँरी लौड़िया गर्भवती हुईकै एक लौड़ा कै जनम देगी, और बाको नाओं इम्मानुएल रखो जागो” जोको मतलब है, “परमेस्वर हमरे संग है।”

लूका 2:14

“परमेस्वर की महिमा ऊँचे स्वर्ग मैं, और पृथ्वी मैं सांति बे लोगन के ताहीं है जिनसे बौ खुस है!”

रोमियों 3:26

ऐसे करकै परमेस्वर दिखाथै कि बौ खुद धर्मी है और जो कोई ईसु पर बिस्वास करथै, बाकै बौ सई ठहराथै।

हिब्रू 7:1

जौ मेलिकिसिदक सालेम को राजा, और परमप्रधान परमेस्वर को पुजारी रहै, जब अब्राहम बौ लड़ाई से लौटत रहै जामैं बौ चार राजन कै हराई रहै, बासे मेलिकिसिदक मिलो और बाकै आसीस दई,

हिब्रू 7:3

मेलिकिसिदक की अईय्या-बाबा या बाके बुजुर्गन मैं से कोई के बारे मैं नाय लिखो है; बाके जनम या बाकी मौत को कोई लेखा नाय है। बौ परमेस्वर के लौड़ा के जैसो है; बौ हमेसा के ताहीं पुजारी ठहरो है।