Rut 1:2 - Northern Tepehuan Bible

² Dai aduñdï go kïïrhi Noemi tïgidukatadai. Dai jii go kïïrhi ami kiyañdïrï ïmadï modukai aduñdï dai maamaradï dai maigobai mïkaxi oidatu xako Moab tïgidu oidigi. Gokadu maamaradï go kïïrhi dai bïï goka ïr kïkïïrhi ïpï.

Rut 1:2 Kruisverwysings

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Rut 1:3

Dai gokiïrï ugidagai go Elimelek dai aduñdï ka ïgi bii ïmadï maamaradï Mahlon dai Kilion tïtïgidukatadai.

Rut 1:5

Dai bhodïrï koi kukunadï ïgai ïpï. Koi go Mahlon dai Kilion tudu. Dai xibi gia kïïgakïrï ïgi bii go Noemi, ka mai tipukatai tomarhi kunadï tomarhi maamaradï ïpï.

Rut 2:1

Dai ami Bhelenïrï oidakatadai ïmo kïïrhi Bhooz tïgidukami. Ïgai ïmadï go kunakarudï Noemi bïï goka ïr pipixaradï ïmo ïïki oidakami Elimelek tïgidukami. Dai kïïga gï bidakana go Bhooz dai ïmo tïanïdamikana ïgai ami Bhelenïrï.