Numeros 20:10 - Northern Tepehuan Bible

¹⁰ Dai bhodïrï Moises ïmadï Aaron ïmpagi go odami mïï buidïrï go odai ix makïdï agaitadai Gïr Nukadakami. Dai bhamu Moises dai itïtïdai go odami, —Arhiïxi ñiñokidaraga aapimï bïïxkatai— itïtïdai. —Dai xibi biakamu aatïmï xi busaidagi sudagi idi odaiñdïrï baida gayïdagi aapimï— itïtïdai Moises.

Numeros 20:10 Kruisverwysings

Genesis 41:16

Dai Jose itïtïdai, —Gin oigïdañi gin Rey dïï aanï ïïgi xadïrï maatïkana ix tuma bïïtarï gï tïïtïki— itïtïdai go Jose. —Dïï gia Diuxi maatï dai gin aagidamu pai maatïkana aapi xi go ix makïdï aagai gï tïïtïki ïr ïmo soiñi ka agai gï abhana— itïtïdai.

Exodo 17:6

—Aanï Horeb tubidakïrï gïn nïnïrakamu go gïï odiïrï. Ami gïïgïmu aapi go odai xi abhiadïrï busaimu sudagi ixtuma iiyagi go odami— itïtïdai Gïr Nukadakami Moises. Bhodïrï podui go Moises ix dukai aagidi Diuxi dai bïïxi go bhaitï gukakamigadï go Israelitas nïidi.

Numeros 20:24

Dai Gïr Nukadakami aagidi sai go Aaron muki agai dai itïtïdai ïgai, —Go Aaron ka muki agai— itïtïdai. —Ka mai baakia agai ïgai gamo Kanaanïrï xako aagai aanï xi maaki iñagai go Israelitas xi ami óídakagi. Ka maiti gin ïïgidi aapimï amïka xako busanïi sudagi Maribïrï. Kaxkïdï ka mai baakia agai go Aaron— itïtïdai Gïr Nukadakami.

Mataibo 5:22

Potïtïdai Diuxi go óídakami ïïki tudu. Dïï gia aanï aagai xibi sai tomaxi mosïkaxi bhamukagi ïmo odami buidïrï ïmai kaxi ïr gïpiïrï kaatïkami ïpï dai go dudunukami maaki agai gïgïbidaragai. Dai xi ïmo odami pokaitadagi sai ïmai odami maiti ïr soiñi gokïdï kaxi gïpiïrï kaatïkami bipiïyi ïgai ïpï dai biakamu xi baan kïkibagi dudunukamiana sai aagana ïgai ix tuma gïgïbidaragai biaka agai ïgai. Dai xi ïmo odami buirugami aagagi ïmai odami kaxi ïr ajïakami xi taatagi ïgai gïgïbidaragai go gïï taiyïrï— itïtïdai Suxi.

1 Korintios 3:7

Kaxkïdï maiti gï agai tudu ix gïgïrdukïdï dukai gïr aagagi aapimï tomarhi aagaitai go ïsadami xiïpï ix makïdï ïr gabaagadami dukai. Mos aagaiña aatïmï Diuxi ñokidï kaxkïdï. Diuxi ïgai daidi ïr gïdukïdï. Ïgai tudu gïïrhidi gïn buaboidaraga ïxikami dukai.

Efesios 4:26

Daidi abïr mai soimaaxi ibuada dagitokai xi gïn maitiagi bhaamudagai. Maiti abïr gïn dagito xi apia bhakoikagi aapimï ka dupikai tasai.

Santiago 3:2

Aatïmï ix makïdï ïr gatïtïïgiadami ñoki gï agai xi kïïga gïr tïgitokagi tudu. Kïïga maatï aapimï sai bïïxkatai aatïmï oidigi daama óídakami dudatai dai naana dukai mai kïïga ibuadana tudu. Dïï gia xi ïmo odami kïïga gï nukadatai tïanïdagi tïñidï sai mai soimaaxi ñokadagi ïgai gobai itïiya ïrhidi sai kïïga ixtutuidikïi ïgai xi kïïga tïanïdagi bïï sudakami tukugadï ïpï sai mai soimaaxi ibuadagi ïgai.