Numeros 14:6 - Northern Tepehuan Bible

⁶ Go Josue ïmadï Kaleb oiditadai go gaa bhaitï gukakami aidïxi Kanaanïrï ajiopatadai ïgai dai nïnïidi oidigi ami ix xïï kïïgadu ix makïdï gïn maakia ïrhidi Diuxi. Dai go Josue ïmadï Kaleb soi gïn ïrhidi dai ïïgi saasarai yukuxidï kaïkai aatagidï go Israelitas xi mai bapakia ïrhidi gamoko.

Numeros 14:6 Kruisverwysings

Genesis 37:29

Dai go Rubén no xibhïkai aimïraitadai aidï dai mai maatïkatadai mïx ka gagara go Jose. Dai ïpamu dibia ïgai dïgakana dai amïï nïnïaba dai ka mai tipu go Jose. Xi go Rubén ïï saasarai yukuxidï soi gï ïrhiditai.

Genesis 37:34

Daidi saasarai Jakobo ïïgi yukuxidï soi gï ïrhiditai dai gï aa kostarhikïdï duñixikami yukuxi. Bhai tïbïpi daja ïgai gï aadaitai kostarhi yukuxi dai mos tïïtïitoiña maradï. (Odami ïkioma saasasaiña yukuxidï dai gïn aadaiña kostarhi duñixikami yukuxi podukai xuduku kabami soi gïn ïrhiadagi. Podukai maaxtugaiña xi kabami soi gïn ïrhidi ïgai.)

Numeros 13:30

Dai naana kaiti odami kaïkai aatagidï go bhaitï gukakami. Dai bhodïrï go Kaleb dodorhitu go odami ami xako daakatadai Moises. Daidi ïmo kïïrhi Kaleb tïgidukami ïr ïmoko go bhaibuxtama dan goka bhaitï gukakami ix makïdï Kanaanañdïrï nonoratadai ïpï. Dai Kaleb aabïnakidimi odami xi buaboitudada ïgai Diuxi daidi potïtïdai, —Timïda dai bui surhigi go Kanaanïrï óídakami ix dukai gïr aagidi Diuxi. Kïï bhaiga aatïmï xi maitiagi dai bopoidagi dïdïbïradï— itïtïdai ïgai go odami.

Numeros 14:30

Tomarhi ïmadutai aapimï mai bapakimu ami xako agaitadai aanï xi gïn maaki in agaitadai. Mosïkaxi go Kaleb ïmadï Josue gia bapaki agai ami.

Numeros 14:5

Dai go Moises ïmadï Aaron mos kuiki dai dïbïrapi kuikitu kokobadï dai xadutugi ïgai Diuxi ami odami buitapi.

Numeros 14:7

Daidi itïtïdai ïgai go Israelitas aidï —Kaïkabïrai aapimï gïr aaduñi. Arhiïxi kïïgadu go oidigi xako nonora aatïmï dai bïïxi aipako gïr tïgito nïnïidi.

Mataibo 26:65

Daidi go tïanïdamigadï go dadaxdadami ïïgi sasarai yukuxidï bhamukatai kaïkai ïgai ix kaiti Suxi. Daidi ikaiti ïgai, —¿Duna aatïmï bamioma ñoki buidïrï go Suxi? Ka aagai gobai saidi ïr ïpïan namïakami gobai ïmadï Diuxi. Ïmo gïï parunaragai gobai buidïrï Diuxi tudu. Dai bïïxkatai aapimï kaï.

Markos 14:63

Daidi go gïï bhaitï kïakami daxdadami ïïgi sasarai yukuxidï bhamukatai mos kaïkai ix kaiti Suxi. Daidi ikaiti ïgai, —Duna aatïmï bamioma ñoki buidïrï idi kïïrhi.

Hechos 14:14

Dïï go Pabora ïmadï Bernabe máí xi poduña agaitadai ïgai dai saasarai ïïgi gïn yukuxi soi ïrhiaragaikïdï bai nïidiña odami ix maiti ïr kïïga ix xadutuadagi odami Diuxi dukai. Dai baapa ïgai odami saagida dai iñakimi daidi itïtïdaimi,