Numeros 14:2 - Northern Tepehuan Bible

² Dai bïïxkatai go Israelitas ñokidimi go Moises dai go Aaron bui, —Xioma ïr kïïgaikamudai xi Ejipituana koimudai aatïmï xiïpï tanaxi oidigana xako daraja aatïmï dai mai xu xi gïr kodagi go Kanaanïrï óídakami— ikaitimi.

Numeros 14:2 Kruisverwysings

Exodo 14:11

Daidi bui ñiño ïgai go Moises daidi itïtïdai, —Tui pïxi gïr bubaitu aapi Ejiptuañdïrï dai tami gïr bua. Maiti ix tipu Ejipituana xako yaasagi koidadï xi tanai gïr buapai aapi ix koiyagi aatïmï oidigana.

Exodo 17:3

Dïï gia go Israelitas apiadukai bui ñiñokimi Moises kabami tonokoñikatai daidi itïtïdai, —¿Gïr koda pïx ïrhidi tudu tonomodagaikïdï dai gïr bua mïkadïrï Ejiptuañdïrï ïmadï gïr maamara dai modukai gïr sosoiga?— ikaitimi.

Jonas 4:3

Kaxkïdï xibi gin muamudai aapi Gin Tïanïdamiga. Ka mai oidaka iñïrhidi aanï tudu- itïtïdai.

Jonas 4:8

Dai laachkïdï ka buasaikai tasai sai xiarhi amajadïrï otoi Diuxi ïbïrhi kaban toñikami dai go tasai kabami toñikatadai ïpï dai kabami soi taadatu go Jonas gokïdï. Sïïrhikïdï ugitu antaadatu Jonas gubukarhigadï tudu asta xako ka mukia ïrhiditadai. Daidi ikaiti ïgai, -Xioma ipïrhidi aani ix mukiagi. Ka mai oidaka iñïrhidi podukai- ikaiti go Jonas.

Numeros 14:1

Bhodïrï go Israelitas mos gïgïr suañimi kaïkai aatagidï go bhaitï gukakami. Ïmo tukagi mos suanïi ïgai. (Biaka ïrhiditadai ïgai xako oidakagi dïï ïbhïidi ïgai xi bui surhigiagi go Kanaanïrï óídakami.)

Numeros 20:2

Dai mai tipukatadai sudagi ami . Tai gïn ïmpagi go odami daidi bui ñoki go Moises ïmadï Aaron daidi itïtïdai,

Numeros 20:3

—Xioma ïr kïïgatadai xi gïr kodaitadai Diuxi Gïr Nukadakami ïmadï go gaa Israelitas ix makïdï gïn koditu Diuxi buitapi dai mai xu ix koiyagi aatïmï tonomodagaikïdï— itïtïdai go Israelitas.

Numeros 20:4

—¿Tuixidï gïr bua aapimï tanai oidigana? Gïr Nukadakami aaduñdï aatïmï di— itïtïdai. —¿Ipïrhidi mïxi tïxi koiyagi aatïmï tonomodagaikïdï dai gïr bua ïmadï gïr sosoiga buxtaki?— itïtïdai.

Numeros 21:5

Dai kaxi gïn aaga bui ñiño ïgai Moises ïmadï Gïr Nukadakami, —¿Tuixidï gïr bubaitu aapimï Ejiptuañdïrï?— ikaitimi. —¿Gïr koda mïx ïrhidi tanai oidigana dai gïr baidati? Tami mai tipu sudagi dai tomarhi ixtuma ugiagi aatïmï. Idi kuadagai arhiïxi soi maaxi ix makïdï gïr maakai Diuxi. Ka ojorhi aatïmï bïïx tasai kuadatai aatïmï bapaiborhi ïmadï go tojakïdï kuadagai— ikaitimi ïgai.

1 Korintios 10:10

Dai maiti gï agai xi soi kaitada aatïmï Diuxi buidïrï ïpï kaxkïdï tudu podui mui gïr aaduñi ïïki dai Diuxi otoi ïmo tïañikarudï sai mui kodana dai mui koi.

Hebreos 3:16

Daiñi, ¿Maiti ix tudu go Israelitas dai oi go Moises dai bubuakai Ejiptuañdïrï? ¿Maiti ix tudu ïr ïgai ïgai dai maiti ipïrhi xi ïïgiadagi Diuxi tomaxi kaïkana ïgai ñokidï?

Udaxi 1:16

Galtutuiga go tïtïïgiadami yaatagi ïgai tudu. Tomax maaxi imïdagi oidakaradï mai biïga ixtukïdï soi kaitiada ïgai buidïrï Diuxi dai buidïrï jaa dai tomax dukai mai bhai gïn ïrhidiña ïgai. Adaimïi ïgai ïïgi bhai ïrhiaradï ibuadatai ïïgi ixtumaxi ipïrhiadagi ïgai. Gïgïr tïtïanïdami dukai ñokai kabami tïkabi gïn tïgitokatai ïgai. Yaatagïi ïgai dai ïgai aagidiña go óídakami ixtumaxi odami kaïka ïrhidiña saidi podukai bhai gïn ïldagi odami ïgaikïdï kaïkatai aatagidï sai podukai ibuadagi go odami ixtumaxi ïgai ipïrhidi.