Numeros 14:10 - Northern Tepehuan Bible

¹⁰ Podukai abïnakidimitadai ïgai aaduñdï. Dïï go aaduñdï bhaiyoma bui bhaakoi dai ojodaikïdï maiña agaitadai. Koda ïrhiditadai ïgai go Josue ïmadï Kaleb tudu. Tai todian dukai gï maaxitu Gïr Nukadakami kudagidï ikuxi baakiañdïrï xako didibidi ïgai aaduñdï dai go Israelitas bïïxkatai tïï.

Numeros 14:10 Kruisverwysings

Exodo 17:4

Daidi go Moises ka mai tïï ix dukatai duñagi dai daañimi Gïr Nukadakami, —¿Dukatai soiñana aanï idi odami?— itïtïdai. —Karhioga gin muadan kaiti ojodaikïdï— itïtïdai.

Exodo 40:34

Dai ami daiba go kubhuxi ix makïdï imïiña go Israelitas bhaitïki dai iña go ikuxi baaki xako didibai Gïr Nukadakami dai ïrana mos kabami kudidikana Diuxi kudaigadï.

Numeros 20:6

Dai go Moises ïmadï Aaron ïkobai bubuaka dai mïï ayi kitaagiña go ikuxi baaki xako Gïr Nukadakami didibidi aaduñdï. Ami kuiki ïgai dai dïbïrapi kuikïstu kokobakïdï xadutudaitai. Daidi gïn buidïrï gï maaxitu kudaigadï Gïr Nukadakami.

Mataibo 23:37

—Sogigi aapimï Jerusalenïrï óídakami. Gïn otoxdiña aanï mui gin ñiñokituldiadamiga dai mos kodaiña aapimï. Ïïmoko maixaiña aapimï dai kodaiña dai jaa ïma dukai kodaiña aapimï. Gï agai sai maatïkana aapimï sai muiyoko gïn bapaida ïrhidiña aanï saidi gin ïmadï darakagi aapimï gin abhana. Gïn nukada in ïrhidiña aanï ïpïan dukai ïmo takuku ix makïdï nukadakana maamaradï aanadï uta. Dïï gia aapimï maiti ipïrhi.

Hechos 7:52

Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

Hechos 7:59

Kia maixaitadai go odami baidi go Tibañi daanïgi go Suxi daidi ikaiti, —Aapi Suxi gin Nukadakami, bhïkañi gin ibhïdaga— ikaiti.