Mataibo 1:5 - Northern Tepehuan Bible

⁵ Go Salmón marai go Boozkaru abhana go oki Rahabkaru. Dai Booz marai go Obedkaru abhana go Rutkaru. Dai go Obed marai go Isaíkaru.

Tepehuan Northern: Diuusi ñiooquidʌ utuducami oodamicʌdʌ

⁵ Salmonacaru ʌroogadʌ Boosocaru daidʌ ʌdʌʌdʌ Raaba tʌʌgiducatadai, Boosocaru ʌroogadʌ Obedicaru daidʌ ʌdʌʌdʌ Ruuta tʌʌgiducatadai, Obedicaru ʌroogadʌ Isaícaru.

Mataibo 1:5 Kruisverwysings

Mataibo 1:4

Go Aram marai go Aminadabkaru. Dai go Aminadab marai go Naasónkaru. Dai go Naasón marai go Salmónkaru.

Mataibo 1:6

Daidi go Isaí marai go Rey Dabidkaru. Dai go Dabid marai go Salomónkaru dai go dïïdï go Solomon ïr oñibharudïkatadai go Uríaskaru.

Lukas 3:32

Dai go Natan ïr maradïkatadai go Dabid. Dai go Dabid ïr maradïkatadai go Isaí. Dai go Isaí ïr maradïkatadai go Obed. Dai go Obed ïr maradïkatadai go Booz. Dai go Booz ïr maradïkatadai go Salmón. Dai go Salmón ïr maradïkatadai go Naasón.

Hebreos 11:31

Dai go oki Rahab ïpï, kïï maatï aapimï sai kïkïïrhimïrhigakatadai ïgai. Dïï bïïxkïrï buaboitu ïgai sai Diuxigadï go Israelitas buaboikïdï ïr Diuxi dai buaboitu ïpï sai Diuxi soikïda agai go Israelitas. Kaxkïdï mai muu ïgai ix dukai koi go gaa óídakami soimaaxi ibuadami ix makïdï gïn koditu ami Jerikoïrï. Buaboitu ïgai Diuxi tudu dai kaxkïdï kïïga miadïgidi ïgai go kïkïïrhi ix makïdï ami dada nïida agaitai ixdukatai maitiagi go Jerikoana óídakami. Ïxto ïgai go kïkïïrhi ami kiidïrï sai mai tïïgana go rey ami. Go rey koda ïrhiditadai go kïkïïrhi kaxkïdï. Po dui go Rahab kïïga buaboidaitai ïgai Diuxi tudu.

Santiago 2:25

Daiñi, go oki Rahabkaru tïgidukami buañixikami bii ïpï ïïki buaboitudaitai ïgai daidi ibuadatai ixtumaxi ïr kïïgadukami ïpï. Ïgai ïr ïmo oidakamikatadai Jerikoïrï. Kïkïïrhimïrhigakatadai ïgai dïï bïïxkïrï buañixikami bii ïgai Diuxi bïïtarï. Ïmo imidagai miadïgi ïgai kïkïïrhi ix makïdï ïr ojotosadïkatadai go judidiu dai podukai maaxiturhi go Rahab sai kïïga buaboitudai Diuxi. Aidïpïrï go óídakami ami Jerikoïrï gaagaitadai go kïkïïrhi ïgai daidi koda agaitadai tudu. Dïï gia go Rahab kïïga miadïgi go kïkïïrhi ïgai dai kïïga soi saidi kïïgakïrï iimïna abhiadïrï ïmai boiyana xako mai tïïgiagi go gaa óídakami. Podui go Rahab tudu daidi gï maaxiturhi ix kïïga buañixi ïgai Diuxi bïïtarï.

Rut 1:22

Podukai tudu jii go Noemi Moabañdïrï ïmadï go Rut. Go Rut ïr kadïïdï go Noemi tudu dai Moabañdïrï oidakami ïgai dai ayi ïgai Bhelenïrï ixtuigako utudami ayitadai yobaragai cebada.

Rut 1:4

Dai bïï gokatai ïgai onta bho baaxi Moabïrï oidakami oki. Ïmoko Orpah tïgidukatadai dai ï gïmai Rut. Bhabuxtama umigi bho baaxi oidatu ïgai tudu Moabïrï