Markos 8:2 - Northern Tepehuan Bible

² —Soi gin ïrhidi nïiditai idi odami, kaxi ayi baika tasai ix tami gin ïmadï daraja gobai dai mai bia ixtuma ugiagi.

Tepehuan Northern: Diuusi ñiooquidʌ utuducami oodamicʌdʌ

² ―Soigiñʌlidi aanʌ idi oodamicʌdʌ, caaayi vaica tasai istami giñʌʌmadu daraaja goovai dai maiviaa istuma ugiagi.

Markos 8:2 Kruisverwysings

Mataibo 14:14

Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Mataibo 20:34

Dai soi gïlda tïï Suxi go kïkïïrhi dai taata bupuidï dai bhobaxdïrï ka nïnïabatu ïgai bïï gokatai dai ïmodïrï oi ïgai go Suxi.

Mataibo 9:36

Dai mui óídakami aïjïiña xako dakagi Suxi dai Suxi soi gï ïrhi go óídakami bïïtarï. Nïidi ïgai sai go óídakami mai tïtïgaitadai ix dukatai iduñagi dai kïïgakïrï óídakagi dai sai mai biakatadai ïgai xorai soiñagi tudu. Nïidi ïgai sai go óídakami ïpïan maaxkana kañiñiru ix makïdï mai biakana nukadakamigadï tudu.

Markos 1:41

Taidi Suxi soi gïldan taadatu dai gï nobikïdï taata daidi potïtïdai, —Ipïrhidiana ix gï duadiagi aapi, xibi an aagai pïx duadana aapi— itïtïdai.

Markos 5:19

Dïï go Suxi mai maa oigaragai. Bhaiyoma potïtïdai ïgai, —Imïdañi gï kiiyamu xako daraja gï aaduñi daidi aagida xïï kïïga gï buididi aanï soi gin ïrhiditai gï nïiditai. Dai aagida xi aanï ïr gï Nukadakami— itïtïdai Suxi.

Markos 6:32

Taidi go Suxi ïmadï mamaatïrdamigadï tïtïsai ïmo barkoana dai no maigobai iji xako mai tipu oidakami.

Markos 6:34

Dai aidïxi ka tïbai go Suxi barkoañdïrï sai tïï ïgai go mui odami ix makïdï ami dadatadai dai soi gï ïrhiadan tïï. Kañiñiru ix makïdï mai bia xorai nukadakagi duu tïï ïgai tudu dai naana dukai maa aatagi.

Markos 8:3

Ix mai ugakai otosa aanï sai nonoigïna gobai susuikitu antaada gobai. Ïïmoko arhiï mïkaxdïrï dada di— ikaiti go Suxi.

Markos 9:22

—Go Diabora tïañikarudï muiyoko imidagai taiyïrï xiïpï sudaïrï daitudai gin maara mos mua ïrhiditai. Pïx ixtutiadagi xi duada ïgai soi gïlda aatïmïkïdï dai gïr soiña— ikaiti ogadï kokoadï.

Lukas 15:20

Dai bhodïrï jii ïgai abhiadïrï dai imi agai kiidïrï ogadï. Dai kia mïkaxdïrï imïi ïgai bai ogadï tïï dai soi gïlda tïï dai mïï buidïrï mïï dai komitu dai usupi.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Hebreos 2:17

Suxi dibia go Ga bhaitïkïakami Dadaxdadami dukai bhai duña agaitai gïr soimaaxkamiga bïïtarï. Dibia ïgai dai gï muatu adaama kïïgadukïdï daxdaragai dukai gïr bïïtarï tudu. Podukai bïïxi naato aa namïki ïgai gïr soimaaxkamiga ixtukïdï buatulda dukai bitadai aatïmï Diuxi bïïtarï. Dai ïmo kïïgadukami gabhaitïkïakami dadaxdadami bia xi soi gï ïlda nïijada odami. Ïma dukai dukatai kïïga ibuadana ïgai aaduindadï bhai buadatai ïgai odami bïïtarï buitapi Diuxi Kaxkïdï gï agaitadai sai odami busiagi Suxi sai podukai ïmo kïïrhikatai kïïga maatïkagi ïgai ix taadakana aatïmï. Podukai soi gï ïrhi Suxi gïr bïïtarï dai kïïga idui aaduindadï gïr bïïtarï Diuxi buitapi.

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.

Hebreos 5:2

Dai go bhaitï gukakamigadï go dadaxdadami soi gïn ïrhidiña nïiditai odami xïïxkadï ïmadutai mai maatïkagi ixtumaxi ïr kïïga dai kaxkïdï mai kïïga ibuadagi. Go bhaitï gukakami dadaxdadami ïr odamikana ïpïan dukai tomax tuma odami tudu. Dai kïïga maatïkana ïgai ix taadaga ïmoko xïxkadï mai gubuakagi go soimaaxkami buidïrï. Ïgai soimaaxi ibuadana ïpï tudu.