Markos 8:12 - Northern Tepehuan Bible

¹² Taidi go Suxi gïïgïrï sobhïbïi daidi ikaiti, —¿Ix tuixidï xibi óídakami mai buaboitudai ix mai nïijada ïgai ïmo maaxidaragai ïpïga? Daiñi, aanï aagai sai xibi óídakami bïïtarï mai tipuka agai tomarhi ïmo maaxidaragai— ikaiti.

Tepehuan Northern: Diuusi ñiooquidʌ utuducami oodamicʌdʌ

¹² Taidʌ ʌSuusi gʌgʌrʌ sobʌvʌi daidʌ itʌi: ―¿Tuimʌsidʌ giñtaanʌi aapimʌ istumaasi gʌgʌrducami? Sʌʌlicʌdʌ angʌnaagidi sai maitʌʌgimu aapimʌ tomali ʌmo istumaasi gʌducami ―astʌi ʌSuusi.

Markos 8:12 Kruisverwysings

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 12:38

Daidi ïmo imidagai ami dada chïki tïtïgiadami sïïrhikami ïmadï chïki fariseo daidi potïtïdai ïgai go Suxi, —Aapi ïr ïmo tïtïgiadami ñoki dai ipïrhidi aatïmï saidi iduñagi aapi ïmo maaxidaragai ixtukïdï maatïkagi aatïmï ix bhai buaboikïdï ïr Diuxi otosadï aapi— itïtïdai.

Mataibo 16:4

—Aapimï xibi óídakami kabami ïr soimaaxi ibuadami. Adaimïi aapimï ïma maaxi buaboidaragai ka dagitokai aapimï Diuxi. Kaxkïdï ipïrhidi aapimï saidi ibuada aanï ïmo maaxidaragai sa bhai ïr otosadï aanï Diuxi— itïtïdai. —Daiñi, ix dukai gï idui go Jonaskïdï ïïki dai ïmo gïï batopa ïrana bii biaka tasai dai bhodïrï ïpamu busai, podukai ïpï ayimu ixtuigako dïbïrai uta bimu aanï baika tasai dai gokiïrï ïpamu busaimu aanï ïpï. Gokïdï gï maatïkamu sai buaboikïdï ïr otosadï aanï Diuxi tudu. Mosïkaxi gobai ïr maaxidaragaika agai aapimï gïn bïïtarï saidi maatïkana aapimï xorai aanï. Mai tipukamu ïmai maaxidaragai tudu— itïtïdai Suxi. Dai bhodïrï dagito ïgai go óídakami ami dai baasadïrï daibusai ïgai go gïï sudagi mamaatïrdamigadï ïmadï.

Markos 3:5

Baidi go Suxi kabami nïnïidi bhaamudakïdï dai soi gï ïrhi nïiditai xïï ïr kaapakami iibïadï ïgai. Dai potïtïdai ïgai go kokoadï aidï, —Sïïrhiñañi gï ïka— itïtïdai. Tai ïgai sïïrhi dai ka duadixikami bii.

Markos 7:34

Dai tïbagiamu nïnïaba go Suxi dai sobhïbïi daidi potïtïdai, —Efata— itïtïdai. Gobai itïiya ïrhidi, gï kupiokoñi.

Markos 8:13

Dai anaaxi bia ïgai go odami dai ïpamu tïsai barkoïrï dai jii basadïrï go gïï sudagi.

Markos 9:19

Taidi go Suxi soi gïrhi daidi potïtïdai go odami, —Kaxi aanï tïbïpi gin aaga dai gïn maatïturhi dïï modukai mai buaboitudai aapimï. ¿Xïï tïbïpi aagadamu tudu xi gïn ïmadï dakagi aanï kia? ¿Gï agadamu xi mos apia nïnïrakagi aanï xi buaboituda aapimï?— itïtïdai. —Bhaigobai buapa go arhi gïrhi tudu— itïtïdai.

Lukas 19:41

Daidi bhodïrï ka miadïrï aijimi go Suxi Jerusalenïrï dai suakimi ïgai nïiditai