Markos 4:6 - Northern Tepehuan Bible

⁶ Mai xii tataaka ïgai xi kaxkïdï mos busai tasai tai otoma tobhipa gobai dai mos gakixa.

Tepehuan Northern: Diuusi ñiooquidʌ utuducami oodamicʌdʌ

⁶ Dai mosvuusai tasai tai vuaama dai maisi tataaca ʌgai cascʌdʌ mosgaquisa.

Markos 4:6 Kruisverwysings

Jonas 4:8

Dai laachkïdï ka buasaikai tasai sai xiarhi amajadïrï otoi Diuxi ïbïrhi kaban toñikami dai go tasai kabami toñikatadai ïpï dai kabami soi taadatu go Jonas gokïdï. Sïïrhikïdï ugitu antaadatu Jonas gubukarhigadï tudu asta xako ka mukia ïrhiditadai. Daidi ikaiti ïgai, -Xioma ipïrhidi aani ix mukiagi. Ka mai oidaka iñïrhidi podukai- ikaiti go Jonas.

Markos 4:5

Dai jaa ïxtokai ojodai saagida surhi, xako mai xii tipu dïbïrai, dai otoma bubuaja mai xii tukabi surhigïkai.

Markos 4:7

Dai jaa ïxtokai uparai saagida surhi, taidi go uparai gïï dai buamatu go ïxikami, tai podukai go tïrhigi mai ibhaji.

Efesios 3:17

Daanïi aanï sai Suxi Kristo kïïga biakagi oidagakaradï gïn iibhïdagïrï kïïga buaboitudaitai aapimï. Dai sai kïï kabakami dukai gukibana aapimï maatïkatai xïï kïïga gïn oigïdai Diuxi.

Kolosenses 2:7

Daiñi, ïpïan dukami ïmo uxi ix makïdï kïïga kabakami kïïka kïï tukabi ukami bia tatakadï podukai abïr gubukan gukada aapimï ïpï kïïga gïn daagïkan dukai aapimï Suxi Kristo ïmadï. Gï agai xi ïmo simiento gï dukamikagi Suxi Kristo gïn bïïtarï tudu sai aapimï daama kaban gukakagi ïgai gïn buaboidaragakïdï. Aidï gia kïïga gïïrhimu dai gubukan kïakamu gïn buaboidaraga ix makïdï gïn tïtïgidi aatïmï. Dai aidï ïpï kïïga maaxkamu jaa bïïtarï xïï kabami bhai gïn ïrhidi aapimï Diuxikïdï.

2 Tesalonicenses 2:10

Naana maaxi soimaaxkami iduñimu ïgai tudu dai ïgaikïdï bupuirumadamu go odami ix makïdï taata agai gïgïbidaragai bïïxkïrï bïïtarï. Bupuirumadamu ïgai ix makïdï mai kïïgakïrï bubuaki agai tudu mai buaboituda ïrhiditai ixtumaxi ïr buaboi.

Santiago 1:11

Kïï tiodikana gobai dïï gia xïxkadï busiagi tasai ka otoma tobhipai go basoi dai laachkïdï go yooxigadï koidamakoga naigiïrïi dai bhodïrï surhigïi gobai dai ïpï laachkïdï ka mai kïï tiodikana. Dai pomaaxi go gïn bipidakami ïpï. Mai tïbïpi kapakarïi tudu dai ugiatïi ïgai mai kia nato idunakai bïïxi ixtumaxi ibuada ïrhidiña.

Udaxi 1:12

Go tïtïïgiadami yaatagi ïgai ïr ïmo xaïraragai gïn bïïtarï gïn saagida darakatai ïgai xïïxkadï ibuadagi aapimï ïmo urabaragai kuadagaikïdï. Ïpïan dukami gobai xïïxkadï gïr yukuxi sarabidikagi tukuragai. Xaïraraga gobai tudu. Go kïkïïrhi ïgai bhaibitukami gakuadana gïn urabaragïrï tudu dai mai buamï gïn ïrhidi ïgai ix gïn tïgitokagi ix tuma bïïtarï go urabaragai. Mosïkaxi ïïgi bïïtarï buamï ïrhidi ïgai tudu. Maiti ibuayi ïgai soiñi jaa bïïtarï tudu. Ïpïan dukamikana ïgai iikomai ix makïdï bhïï aimïrai ïbïrhi dai mai dukitudai oidigi. Dai ïpïan dukami ïgai uxi ix makïdï ka bainkumi dai mai taataka dai mai ibhiatai ka gakixakai gobai ïpï. ¿Tumaxi ïr soiñikana ïgai tudu?

Apokalipsis 7:16

Kaxkïdï xibi ka mai bhiugikoñikamu ïgai tomarhi ïmo imidagai dai mai tonokoñikamu. Dai ka mai soimaaxi taatamu gobai tonorhigaikïdï.