Markos 3:3 - Northern Tepehuan Bible

³ Daidi Suxi potïtïdai go kïïrhi ix makïdï gakixapi ïkadï, —Gimi dai kïkiba tami xako gï nïijadagi go gaa— itïtïdai.

Tepehuan Northern: Diuusi ñiooquidʌ utuducami oodamicʌdʌ

³ Amaasi ʌSuusi itʌtʌdai ʌcʌʌli ismaacʌdʌ gaquisapi ʌcadʌ: ―Vañigiñi dai ʌran ʌʌsi cʌquiva ―astʌtʌdai.

Markos 3:3 Kruisverwysings

Mataibo 12:10

Dai ami dakatadai ïmo kïïrhi ix makïdï gakixapikatadai ïmo ïkadï. Dai jaa ix makïdï mai oigïdai go Suxi gatïkakai ïgai daidi potïtïdai, —¿Kaiti go sïïrhikamigadï Moises?— ikaiti. —¿Oidaga xi oigaragai ix duadiagi ïmo kokoadï go ibhïxtaragai tasïrï?— itïtïdai. Podukai aagidi ïgai sa bhai duadana Suxi go kïïrhi ami go ibhïxtaragai tasïrï bai podukai biakagi ïgai ixtukïdï gïpiïrï bupadagi.

Markos 3:4

Dai bhodïrï potïtïdai ïgai go odami ix makïdï ami daraka, —¿Ix kaiti aidï Moises ojadï sïïrhikami? ¿Gïr maakai xi ïgai oigaragai xi soikida aatïmï odami ibhïxtaragai tasïrï xi soi buidada aatïmï xio? ¿Gïr maakai xi oigaragai tïx kïïgakïrï bubaidagi odami xi muagi xio?— itïtïdai Suxi. Dïï go odami mai ñokai daraka.

Lukas 6:8

Dai Suxi maatïkatadai ixtumaxi gïn tïtïitoitadai go fariseos dai potïtïdai ïgai go ix makïdï gakixapi ïkadï, —Gimi bhaigobai bhaitïki go gaa— itïtïdai. Dai ïïgidi go kïïrhi dai kïkiba ami go gaa buidïrï.

VUAANA 9:4

—Xibi gï agai ix kabami gin aaga aataduñagi aanï dai ibuadagi go naana maaxi maaxidaragai ix makïdï gin tïjai Diuxi bhaigobai gin otosakai. Kaxkïdï tudu ix dukai daibuskïi tasai dai odami ka mai bhaigakana ix gaatabuadagi ka aïkai tukagi, podukai ïpï ugitimu gïr oidakaraga tami oidigi daama dai aidï ka mai bhaigakamu aatïmï ix ibuadagi ix tumaxi Diuxi ipïrhidi— itïtïdai.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Filipenses 1:14

Dai go buaboitudadami gïn tïgito nïidiña ïpï ixdukatai aatabuayi Diuxi aanïkïdï maixapikatai aanï. Dai podukai nïiditai ix dukatai aatabuayi Diuxi aanïkïdï go bamioma muidukïdï kïïgioma buaboitudai Diuxi Gïr Nukadakami. Dai kïïgioma mai duadikoikatai aagai ïgai Diuxi ñokidï ïpï.

1 Pedro 4:1

Daiñi, Suxi Kristo soimaaxi taata dai muu aidïxi tami oidigi daama dakatadai ïgai. Dai kaxkïdï aapimï gï agai sai gïn kabakadagi dai ïpïan dukai tïtïgitoagi aapimï ïgai. Gï agai sai bhai gïn dukagi ix soimaaxi taatamadagi ïpïan dukai ïgai tudu. Ix soimaaxi taatamadagi aapimï ïpïandukai Suxi Kristo oiditai aapimï ïgai gobai itïiya ïrhidi sai ka dagito aapimï go soimaaxkami ix makïdï oidiña aapimï ïkioma.