Markos 2:16 - Northern Tepehuan Bible

¹⁶ Ami darakatadai ïïmoko ïpï ix makïdï ïr maatïtuldiadami sïïrhikami dai ïr fariseo. Dai tïïgakai ïgai xorai ïmadï gakuadatadai Suxi, sai gatïkakaimi Suxi mamaatïrdamigadï aidï daidi potïtïdai, —¿Tuixidï gïn amu urapïkïi odami galtutuigakami, dukami tanïdami kuota dai asta gakuayi dai gayïyi ïgai ïmadï?— astïkakaimi ïgai.

Tepehuan Northern: Diuusi ñiooquidʌ utuducami oodamicʌdʌ

¹⁶ Dʌmos ʌmamaatʌtuldiadami sʌʌlicami ʌʌmadu ʌfariseo tʌʌgacai isʌSuusi vʌʌscatai ʌʌmadu gacuaadatadai itʌtʌdai ʌgai ʌmamaatʌrdamigadʌ: ―¿Tuisidʌ gʌnmamaatʌtuldiadamiga ʌʌmadu gacueeyi daidʌ yʌʌyi tumiñsi vuudami dai soimaasi ivuaadami ʌʌmadu? ―astʌtʌdai.

Markos 2:16 Kruisverwysings

Mataibo 18:17

Dai xi modukai maiti ipïrhiadagi ïgai xi gïn ïïgiadagi abïr aagida bïïxkatai go buaboitudadami. Dai xi apia dukai maiti ipïrhiadagi ïgai xi ïma dukai gï tïgitoagi, aidï gia maiti abïr biaka urabaragai ïgai ïmadï. Ïmo mai buaboitudadami kabami soimaaxi ibuadami dukai abïr nïijada aidï. Ïmo taanïdami kuota ix makïdï mai sïïrhi aatabuayi podukai abïr nïijada tudu— itïtïdai Suxi.

Mataibo 5:46

—Gin aaduñi, ¿Ix oigïdadagi aapimï mosïkaxi go óídakami ix makïdï kïïga gïn oigïdai bhai ix buimu aapimï ïmo maitïki podukai ibuadatai? Xadïrï. Daiñi, go taanïdami kuota kabami ïr soimaaxi ibuadami dai asta ïgai oigïdai aaduñdï ix makïdï aadïrï oigïdai tudu. Dai aanï aagai sai aapimï gï agai sai oigïdada asta gïn buidïrï bïïtïkamiga— itïtïdai.

Mataibo 9:11

Dai ami darakatadai ïïmoko ïpï ix makïdï ïr gatïtïïgiadami sïïrhikami daidi ïr fariseos. Dai nïiditai ïgai sai Suxi ïmadï gakuayi soimaaxi ibuadami sai potïtïdai ïgai go mamaatïrdamigadï Suxi, —¿Tuixidï urapïkïi gïn amu galtutiakami odami dai asta gakuayi ïgai ïmadï?— itïtïdai ïgai.

Markos 2:15

Mui tanïdami kuota ïmadï jaa soimaaxi ibuadami oidiña go Suxi no aipakoga. Ïmo imidagai muidutai ïgai gakuadatadai Suxi ïmadï dai kiidïrï Lebi gakuayi ïgai. Mesa buidïrï daraka ïgai ïmadï ix makïdï oidatukïi go Suxi bïïxkatai.

Markos 2:7

—¿Ix tuixidï pomaaxi ñokai Suxi? Parunadan kaiti gobai Diuxi— gïn ïrhidi ïgai. —¿Mai xu mosïkaxi Diuxi ïgai dai bia sïïrhikami xi buanadagi odami iibïadï soimaaxkamigadï?— gïn ïrhidi ïgai.

Lukas 18:11

Dai ami kiupiana kïïkiba go fariseo dai adukai gadaanïi Diuxi, —Aapi Diuxi— itïtïdai. —Kïïga bhai gin ïrhidi aanï aapikïdï maatïkatai sai aanï mai ïpïamaaxi aanï gobai soimaaxi ibuadami. Aanï mai ïpïamaaxi go ïïxibogami dai go ix makïdï mai sïïrhi aatabuayi dai ix makïdï gaïmadï bopoiña aipakoga tudu. Dai bhai gin ïrhidi aanï mai ïpïamaaxkatai aanï go taanïdami kuota ix makïdï bhobai kïïka— itïtïdai aagaitai go gïmai ix makïdï ami kiupiana dibiatadai.

Lukas 19:10

Daiñi aanï ïr otosadï Diuxi ix makïdï ïmo kïïrhi busai dai dibia aanï gaaga iñagaitai odami ix makïdï ïr xibhï iimiadï Diuxi bïïtarï. Dai aapi Zakeo ïr ïmoko ix makïdï gaagaitadai aanï. Dibia aanï dai kïïgakïrï bubaida iñagai soimaaxi ibuadami tudu— itïtïdai.

Lukas 19:7

Daidi tïïgakai go odami sai go Suxi gï urhiñda agai kiidïrï go Zakeo sai bïïxkatai ïgai soi kaitimi daidi ikaiti, —Daiñi, ïmo soimaaxi ibuadami kiidïrï gï urhi gobai. Maiti gï agai xi pobuada Suxi. Go Zakeo ïr ïmo taanïdami kuota di— ikaitimi mai bhai gïn ïrhiditai ïgai Suxi bui.

Lukas 5:30

Dai go fariseos ïmadï aaduñdï ix makïdï ïr gatïtïïgiadami sïïrhikami mai bhai ïrhi nïiditai sai kuadagiïrï uraba Suxi taanïdami kuota dai ïmadï jaa ïpï ix makïdï soimaaxi ibuadami aagaiña ïgai. Dai potïtïdai ïgai mamaatïrdamigadï Suxi, —Agia xigarhi buayi aapimï ïmadï gakuadatai go taanïdami kuota dai jaa soimaaxi ibuadami. ¿Ix tuixi pomaaxi ibuayi aapimï?— itïtïdai.

Hechos 23:9

Daidi bhodïrï ka mos bamioma gïïgïrï xixorhi ïgai gïn bupui ijiñakaitai daidi ami gasaagida gukiba chïki bhaitï gukakamigadï fariseos ix makïdï ïr maatïtuldiadami go sïïrhikami, daidi ïgai ikaiti, —Aatïmï pokaiti saidi idi kïïrhi maiti ïr soimaaxi idukami. Maatï xi ïmo Diuxi tïañikarudï ñokidi gobai xiïpï ïmadutai ix makïdï mos ïr ïmo ïbïrhi dukai— ikaiti.

1 Korintios 2:15

Aatïmï tudu ix makïdï bia Diuxi Ibhïadï gia kïïga maatï kaï go maatïtuldaradï. Dïï tomarhi ïmadutai go gaa ix makïdï mai bia Diuxi Ibhïadï mai maatï kaï gïr aatagi.

Hebreos 12:3

Gin aaduñi, kïï maatï aapimï sai go Suxi kabami soimaaxi taata. Go óídakami soimaaxi ibuadami kabami kïïdaiña dai kabami soimaaxi buididiña tudu. Gïn tïgitobïrai gobai sai podukai mai ojodatai oijada aapimï gïn buaboidaraga dai sai mai ugitïna gïn gubukarhiga xïïxkadï soi gïn buidadagi óídakami ïpïan dukai xi duñi ïgai Suxi.