Markos 2:1 - Northern Tepehuan Bible

¹ Dai bhodïrï chïki tasaikïdï ïpamu nora Suxi gamo Kapernaumamu dai otoma máí odami xi kiiyïrï daja ïgai.

Tepehuan Northern: Diuusi ñiooquidʌ utuducami oodamicʌdʌ

¹ Dai bochiʌʌqui tasaicʌdʌ ʌSuusi ʌpamu ii Capernauumamu; tai otoma maí ʌoidacami isgʌquiiyʌrʌ daacatadai ʌgai.

Markos 2:1 Kruisverwysings

Mataibo 4:13

Ami Galileana ayi ïgai go arhi kiiki Nasaretïrï. Dai gokiïrï busai ïgai Nasaretañdïrï dai jii ïgai xako Kapernaum tïgidu ïmo kiiki dai ami oidatu. Go Kapernaum ïr ïmo arhi kiiki ix makïdï ïmo gïï sudagi ugidana bipiïyi. Galilea tïgidu go gïï sudagi ïgai. Ami ïr xako óídaga piipixaradï go Sebulonkaru dai go Naftalikaru.

Mataibo 9:1

Dai bhodïrï ïpamu tïsai Suxi barkoïrï dai ïpamu daibusai basadïrï go gïï sudagi xako oidakami ïgai.

Markos 1:45

Dïï mos go kïïrhi mai ïïgi dai mos jii dai bhaiyoma otoma aagidimi bïïxi óídakami ix dukatai pogïdui. Dai xibi ka maiti ixtui Suxi ix baakiagi kiiyïrï saagida mos ïï muidukatai ix makïdï nïijada ïrhiditadai. Mos ugidïrï aimïraiña ïgai xako mai tipu óídakami. Dai modukai bïïxkïrï muidutai aipadïrï ajiopaiña dai ajïiña xako aimïraiña ïgai.

Markos 2:2

Dai gïn ïmpagi kïïga mui odami dai Suxi gamamaatïturhimi Diuxi ñokidï. Lïïchikïdï ka mai bhaiga tomarhi baakigai mos ïï muidukatai odami.

Markos 3:20

Dai gokiïrï Suxi ayi kiiyïrï dai ami baa ïmadï mamaatïrdamigadï. Tai ïpamu sïïrhikïdï mui gïn ïmpagi odami ami kiiyïrï bai ïgai ka mai bhaigakatadai tomarhi gaugiagi mos ïï muidukatai dadidakami.

Markos 7:17

Bhodïrï kiiyïrï baa go Suxi dai go odami kidigamadïrï bii bai go mamaatïrdami gatïkakai go Suxi ix tïiya ïrhidi ïgai go maaxidaragai aatagikïdï.

Markos 7:24

Taidi go Suxi jii abhiadïrï dai ayi miadïrï xako Tiroana tïgidu ïmo gïï bhaabhaki dai ami gï urhi ïgai ïmo kiiyïrï. Ipïrhiditadai ïgai xi odami mai maatiagi xi ami daja ïgai dïï mai tiputadai ixdukatai gï ïxtoagi ïgai. Otoma máí go odami tudu.

Markos 9:28

Bhodïrï Suxi baa ïmo kiiyïrï dai aaduñdï ix makïdï oidatukïiña ïkobai atagai ïmadï dai ikaiti, —¿Ix tuixi maiti ixtui aatïmï xi busaidagi idi tïañikarudï Diabora ix makïdï biakatadai go arhi gïrhi?— ikaiti.

Lukas 4:23

Dai Suxi potïtïdai, —Kïï maatï aanï sai mai kïïgakïrï gin buaboitudai aapimï gin ñoki. Daiñi, oidaga ïmo ñoki ix makïdï odami aagaiña xïïxkadï mai buaboitudagi ïgai ïmai. Potïtïdaiña ïgai sai, —Xi duduadadamikagi aapi gï duadañi ïïgi aapi tuduidï. Aidï gia gï buaboituda antaada aatïmï— ikaitiña odami xïxkadï mai buaboitudagi ïgai ïmai. Dai kïï maatï aanï sai bhaitoma podukai gin aagidamu aapimï. Kajioma aapimï tudu sai naana maaxi idui aanï maaxidaragai amïka Kapernaumana. Dai gin tañimu aapimï saidi ibuada aanï maaxidaragai podukai tami gïn saagida ïpï. Tami xakoga gïrakami aanï tudu. Ïma dukai maiti gin buaboituda antaada aapimï. Ka pomaaxi di.

Lukas 5:18

Dai ami dada jaa chïki kïkïïrhi dai bhïkati ïmo kïïrhi uxiïrï ix makïdï mai bhaigakatadai ix oiñïdagi tukugadï. Dai go kïkïïrhi ix makïdï buatadai baasa ïrhiditugaitadai tukabi xako dakatadai go Suxi.

VUAANA 4:47

Bai go dunukami kajioma ix ami Kanaïrï dibiatadai go Suxi dai mïï nïidamu gobai dai baida agai sai mïï duadana maradï. Karhioga mutadai maradï aidï.

Hechos 2:6

Dai kaïkai ïgai ixtumaxi gamo kaititadai gïn ïmpagi muidutai ami xako darajatadai go buaboitudadami. Dai mui naana maaxi ñokadami ïgai ix makïdï ami gïn ïmpagi aidï. Dai bïïxkatai ïgai ka mai tïï ix tumaxi gïn tïtïïgitoagi kaïkatai xi ïïgi gïn ñokikïdï ñokaitadai go buaboitudadami. Bïïxkatai ïïgi gïn ñoki kaïkatadai tomaxi naana maaxi ñokadami ïgai.