Markos 16:6 - Northern Tepehuan Bible

⁶ Dai go gïrhi potïtïdai aidï, —Maiti abïr duduadikuda. Aapimï gaagai Suxi go Nasaretañdïrï oidakami, go ix makïdï kuruxiana gï xixatu— itïtïdai. —Ka duaka ïgai dai ka mai tipu tanai, nïijadabïrai mobai mïx xako tïï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁶ Dʌmos ʌDiuusi tʌaañicarudʌ itʌtʌdai: ―Maitavʌr duduaadicuda. Aapimʌ gaagai ʌSuusi ismaacʌdʌ Nasareetʌrʌ oidacatadai, ʌgai mʌsmaacʌdʌ curusiaba siisa. Dʌmos ʌgai caduaaca maitatiipu tami. Nʌidavurai movai mʌsiaaco tʌʌ.

Markos 16:6 Kruisverwysings

Mataibo 12:40

Daiñi, kïïga maatï aapimï xoraitadai go Jonaskaru. Ïmo ñokituldiadamigadїkatadai ïgai Diuxi tudu. Dai kïï maatï aapimï ïpï saidi go Jonas baika tasai dai goka tukagi bii ïmo gïï batopa ïrana dai sai gokiïrï busai ïpamu abhiadïrï. Dai gobai ïr ïmo maaxidaragaikatadai go óídakami bïïtarï Ninibeïrï sai maatïkana ïgai sai go Jonas ïr otosadï Diuxi. Dai xibi aanï aagai sai iduñimu Diuxi ïmo maaxidaragai pomaaxkami aanïkïdï ïpï. Baika tasai dai baika tukagi bimu aanï dïbïrai uta dai bhodïrï ïpamu busaimu aanï sai gokïdï gin buaboitudana aapimï sai aanï ïr go otosadï Diuxi ix makïdï ïmo kïïrhi busai. Gobai ïr go maaxidaragaika agai aapimï gïn bïïtarï tudu dai mai tipukamu ïmai— itïtïdai.

Markos 1:24

baidi potïtïdai ïgai Suxi, —Tui pïxi gïr saagida bapakïi aapi Suxi, Nasaretañdïrï oidakami. Gïr koda pïx agai dai dibia— itïtïdai. —Aanï an gia kïïga gï maatï dai maatï aanï pïxi ïr Diuxi maradï ix makïdï tomarhi ïmo imidagai mai soimaaxi ibuayi— itïtïdai go kïïrhi ix makïdï biakatadai ïmo Diabora tïañikarudï ïrana.

Markos 1:27

Tai bïïxkatai ix makïdï ami darajatadai arhiï duduadimu, dai aipako ikaitimi, —Idi gia mai nïidiña aatïmï— ikaitimi. —Tuma utudui gïr maatïturhimi gobai tudu. Idi kïïrhi gia sïïrhikïdï bia gubukadagai. Asta Diabora tïtïañikarudï bïïxi ïïgidi dai bubuakai odamiañdïrï di— ikaitimi odami.

Markos 10:34

Dai go xibhïadïrï óídakami gin parunada mïagai dai saasasa agai gin tukuga dai gin xixibada agai dai gin mua agai. Dïï mos baika tasai kaatïkamu aanï koidadï saagida dai bhodïrï ïpamu duakamu aanï— itïtïdai.

Markos 14:33

Dai ïko baidaja ïgai go Piduru ïmadï Juan dai Jakobo dai karhioga mukiadan taadatu ïgai soi ïrhiarakïdï.

Markos 9:15

Go odami mai pobïrhitadai xi kaduku aiyagi go Suxi kia dai kabami bhai gïrhi tïïgakai dai gamo buidïrï boopoi dai biaturhi.

Lukas 24:46

Ïgai podukai oja tudu sai Diuxi otosadï Rey biakatadai xi soimaaxi taatagi dai mukiagi dai sai bhodïrï baika tasaikïdï biakatadai ïgai xi ïpamu duakatudagi.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.