Lukas 9:56 - Northern Tepehuan Bible

⁵⁶ Daidi potïtïdai, —maiti gï agai xi soimaaxi daiturhiada óídakami podukai— itïtïdai. Dai bhaiyoma mos iji ïgai abhiadïrï dai xibhïadïrï iji ïmai kiikiïrï.

Tepehuan Northern: Diuusi ñiooquidʌ utuducami oodamicʌdʌ

⁵⁶ Aanʌ ismaacʌdʌ viaa ʌmo sʌʌlicami maidiviacai cooda iñagai oodami baiyoma moscʌʌgacʌrʌ vuvaida iñagai aanʌ ―astʌtʌdai ʌSuusi. Dai amaasi iji sibʌaacoga.

Lukas 9:56 Kruisverwysings

Mataibo 18:10

—Maiti abïr soi dukai nïijada tomarhi ïmo aarhi tudu. Daiñi, oidaga tïtïañikarudï Diuxi ix makïdï nukadai dai ñokiturhiña go aarhi amïka tïbagiana buidïrï Diuxi gin Oga. Kaxkïdï kïïga abïr gïn tïgitoka dai mai soi dukai nïijada go aarhi— itïtïdai.

Mataibo 18:11

Dai kia gamamaakai Suxi ñoki go odami daidi potïtïdai ïgai, —Aanï ïr go otosadï Diuxi ix makïdï ïmo kïïrhi busai dai dibia aanï kïïgakïrï bubaida iñagaitai odami ix makïdï ïr kuga imiadï Diuxi bïïtarï—.

Mataibo 20:28

—Gï agai xi gin ïpïan buadagi aapimï tudu. Aanï dibia tami oidigi daama ïmo pioñi dukai dai ïïgi gin tïïgida iñagai saidi soi gin buidadagi daidi gin muagi gin buidïrï bïïtïkamiga. Mukimu aanï dai kïïgakïrï bubaidamu mui óídakami. Podukai dasamu aanï namïgadï ix makïdï buaturhi ïgai soimaaxi ibuadamikatai ïgai tudu. Ïmo pioñi dukai aanï óídakami bïïtarï tudu tomaxi aanï ïr go Diuxi otosadï ix makïdï ïmo kïïrhi busai dai kïïga bia aanï sïïrhikami ix kabami tïanïdagi óídakami— itïtïdai.

Mataibo 5:39

Dïï gia xibi aanï pokaiti sai, maiti gï agai xi bui gïgïsïdagi aapimï xorai soi gïn buidadagi. Aanï aagai sai bhaiyoma gï agai sai ix ïmo odami kapiñatugi gï kama, gï agai xi gï dagitoagi aapi xi ajadïrï gï kapiñtudagi ïpï— itïtïdai.

Lukas 19:10

Daiñi aanï ïr otosadï Diuxi ix makïdï ïmo kïïrhi busai dai dibia aanï gaaga iñagaitai odami ix makïdï ïr xibhï iimiadï Diuxi bïïtarï. Dai aapi Zakeo ïr ïmoko ix makïdï gaagaitadai aanï. Dibia aanï dai kïïgakïrï bubaida iñagai soimaaxi ibuadami tudu— itïtïdai.

Lukas 22:51

Dai Suxi potïtïdai, —Dagitobïrai, maiti abïr pobuada— itïtïdai. Dai Suxi mïï taata naakadï go pioñi dai mos taatakai duayi gobai.

Lukas 23:34

Dai aidïxi xixapitadai ïgai go Suxi kuruxiana sai Suxi potïtïdai Diuxi, —Gin Oga— itïtïdai. —Oigïldañi idi odami ix makïdï pomaaxi in buididimi. Mai maatï gobai ix tumaxi buayi— itïtïdai. Dai go sandadaru idui ïmo tïtïïbigai dai nïida agai xorai ayi agai yukuxidï go Suxi.

Lukas 9:55

Dïï go Suxi buijako nïnïaba mamaatïrdamigadï dai bhagakarai

Lukas 9:57

Daidi boiyïrï iimïitadai ïgai bai ïmo kïïrhi potïtïdai go Suxi, —Gin mamaatïtuldiadamiga, gï oidatukuda in ïrhidi toma xakoga imïdagi aapi— itïtïdai.

VUAANA 10:10

Daiñi, go bhaitï gukakami ïïxibogami mos soi buadana odami. Ïpïan buadana ïgai ïïxibogami ix makïdï gaïïxiada ïrhidi dai kodada ïrhidi kañiñiru. Dïï aanï mai podukai aatabuayi. Aanï gia dibia sai kïïgakïrï óídakana aapimï kïïga biakatai bïïxi ix tumaxi gï agadagi gïn iibhïdaga bïïtarï— itïtïdai.

VUAANA 12:47

—Aanï mai gïpiïrï surhiga iñagai odami dai dibia dai bhaiyoma dibia aanï dai kïïgakïrï bubaida iñagai odami. Kaxkïdï aanï mai aagaiña xorai biaka agaiña gïgïbidaragai maiti gin ïïgiditai.

VUAANA 3:17

Diuxi gin otoi oidigi daama mai xu sai aagana aanï ix tuma gïgïbituldaragai ajïga óídakami. Gin otoi ïgai bhaiyoma an sai kïïgakïrï bubaidana óídakami— itïtïdai Suxi.

Romanos 12:21

Maiti abïr gïn dagito tudu xi gïn maitiagi go soimaaxkami. Dai bhaiyoma abïr ibuada ixtumaxi ïr sïïrhi bai podukai maitïmu aapimï go soimaaxkami bui.

1 Tomoteo 1:15

Daiñi, pokaitiña aatïmï sai dibia Suxi Kristo tami idi oidigi daama kïïgakïrï bubaida agaitai soimaaxi buadami dai kïïga ïr buaboi gobai. Kaxkïdï tudu bamioma ïr soimaaxi buadami aanï xi bhai toma xorai dai bïïxkïrï kïïgakïrï gin busaitu ïgai.