Lukas 9:42 - Northern Tepehuan Bible

⁴² Daidi kia miadïrï imïitadai go gïrhi xako daja go Suxi bai go diabora tïañikarudï dïbïriana daitu ïpamu dai suikiturhi. Dai Suxi bhagakarai go diabora tïañikarudï dai aagidi sai dagitona bai go gïrhi duayi. Dai bhodïrï Suxi tïïgi go gïrhi ïpamu ogadï.

Tepehuan Northern: Diuusi ñiooquidʌ utuducami oodamicʌdʌ

⁴² Dʌmos aidʌsi ʌali gʌʌli miaadʌrʌ cʌquiva taidʌ ʌDiaavora tʌaañicarudʌ dʌvʌʌrapi daitu dai suiquituli. Dʌmos ʌSuusi dodoligitu ʌDiaavora tʌaañicarudʌ dai duaadi ʌali gʌʌli dai tʌʌgi oogadʌ.

Lukas 9:42 Kruisverwysings

Markos 9:20

Mïtai buapi ïgai. Dai go diabora tïañikarui suikiturhi go arhi gïrhi tïïgakai go Suxi bai dïbïrapi gïi ïgai dai aipako xarhimi dai totostuimi tïñidï.

Lukas 7:15

Baidi bañi go gïrhi dai ño bai Suxi potïtïdai dïïdï, —Tami daka gï maara— itïtïdai ïgai dïïdï.

Lukas 9:39

Dai ïmo tïañikarudï diabora dudatai bui gïgïsïi gobai dai gïgïr iñakitudai dai susuikitudai ïpï dai totosakatudai tïñidï. Bhaitoma mai daadagitoi ïgai dai kabami kokotudai.

Lukas 9:41

Daidi Suxi potïtïdai ix makïdï ami daraka, —Aa gia sïïrhikïdï mai buaboidaraga aapimï dai mai tïtïkaidaga. Aa gia ïr soimaaxi ibuadami aapimï óídakami xibi. ¿Xïï tïbïpi gï aagadamu xi gin kabakadagi aanï sai maiti gïn ojodadagi aanï gïn saagida dakatai kia?— itïtïdai. Daidi bhodïrï potïtïdai ïgai ix makïdï gatáí soiñi, —Bhai gobai buapa gï maara— itïtïdai.

Lukas 9:43

Daidi bïïxkatai ix makïdï ami daraka mai tïtïgaitadai ixtumaxi gïn tïtïgitoagi. Kïïga máí ïgai tudu sai Diuxi ïgai dai aatadui ami daidi ikaitiña, —Xïïxi ïr gïdukami Diuxi— ikaitiña go odami. Kia pokaitimi go odami xïï gïdu Diuxi baidi Suxi potïtïdai go mamaatïrdamigadï,

Hechos 9:41

Dai go Piduru nobiañdïrï bhïiyi go oki dai bañigi. Dai bhodïrï otoma báí ïgai go gaa buaboitudadami ïmadï go bipiudu dai baan kïïxi go oki duakakami.

Apokalipsis 12:12

Gia bhai ïrhiaraga gobai tudu. Asta go Diuxi tïtïañikarudï bïïxi bhai gïn ïrhidiña nïiditai sai go buaboitudadami mai buamï ïrhidi tomaxi jaa kodagi kïïga buaboidaitai ïgai. Dïï gia xibi gï busaitu go diabora tïbagiañdïrï dai ka ayi oidigi daama óídakami saagida. Dai sïïrhikïdï bhamu maatïkatai sai ka mai xii tïbïpi bhaigakamu xi gaatabuadagi. Kabami bhamu ïgai tudu xi kaxkïdï sogigi bïïxi go oidigi daama óídakami dai go sudagiïrï óídakami ïpï— ikaiti go makïdï gïgïrï ñokai tïbagiana.