Lukas 9:20 - Northern Tepehuan Bible

²⁰ Daidi Suxi potïtïdai aidï, —¿Dai aapimï borai gin ïrhidi? ¿Borai gin aagai aapimï tudu?— itïtïdai. Daidi go Piduru potïtïdai, —Aapi ïr go Diuxi otosadï ix makïdï ïr Ga Bhaitï Kïakami ix makïdï nïnïrakatadai aatïmï— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁰ Taidʌ ʌSuusi potʌtʌdai: ―¿Dai aapimʌo mʌcaiti ansoorʌ aanʌ? ―astʌtʌdai. Taidʌ ʌPiiduru aa noragi daidʌ itʌtʌdai: ―Aapiapʌ ʌrDiuusi Cristogadʌ ismaacʌdʌ ʌgai ʌcovai vuusaitu ―astʌtʌdai.

Lukas 9:20 Kruisverwysings

Mataibo 22:42

—Gin aagidabïrai, ¿Xorai pipiixaradï ïrhidi aapimï go Tïanïdami ix makïdï ïr Diuxi otosadï dai ix makïdï nïnïraka go judidiu?— itïtïdai. Dai go fariseos potïtïdai, —Go gïï Rey Dabidkaru pipiixaradïka agai ïgai— itïtïdai.

Mataibo 26:63

Dai go Suxi mos dodorhi bii dai mai taadatu. Daidi go tïanïdamigadï go dadaxdadami potïtïdai aidï, —Aapi Suxi, Diuxi ïgai dai bïïxi adaama ïr xadutudikïdï. Bïïxkïrï oidaga ïgai ïïki abhiadïrï tudu dai tomarhi ïmo imidagai mai muki agai. Ïgai ïr nïijadami ix tumaxi gin aagidagi aapi xibi tudu. Dai gï tïanïi aanï xibi pïsaidi aagana aapi tami gïr nïiditai Diuxi ix bhai aapi ïr go ix makïdï Kristo aagaiña odami, sa bhai aapi ïr Diuxi otosadï bhaitï kïakami ix makïdï kïïgakïrï busaida agai go Oidakami. Gïr aagidañi ix bhai aapi ïr Diuxi Maradï tudu— itïtïdai.

Mataibo 5:47

—Dai ix mosïkaxi bïïtarï kïï tutiakagi aapimï gïn aaduñi ix makïdï kïïga gïn oigïdai dai mai oigïdada aapimï go gaa, aidï gia mai bamioma kïï tutuiga aapimï xi go ix makïdï mai buaboitudai Diuxi. Ïgai kïïga oigïdai aaduñdï ïpï tudu— itïtïdai.

Markos 14:61

Dïï mos go Suxi mos dodorhi bii dai mai taadaga. Daidi go gïï bhaitï kïakami daxdadami potïtïdai aidï, —Aatïmï bïïxkatai gia buaboitudai Diuxi. ¿Aapi pïxi ïr ïgai daidi ïr Diuxi otosadï gïr bhaitï kïakami dai Diuxi maradï?— itïtïdai.

Markos 8:29

Tai Suxi potïtïdai aidï, —¿Aapimï porai gin aagai?— itïtïdai. Dai Piduru potïtïdai, —Aapi ïr go Kristo agaikïdï. Aapi ïr Diuxi otosadï gïr bhaitï kïakamiga tudu— itïtïdai.

Lukas 22:67

Dai potïtïdai ïgai go Suxi, —Gïr aagidañi ix bhai aapi ïr Diuxi Otosadï Tïanïdami— itïtïdai. Dai Suxi potïtïdai, —Xadïrï gin buaboitudana aapimï tomaxi gïn aagidi aanï— itïtïdai.

Lukas 9:19

Dai mamaatïrdamigadï potïtïdai, —Jaa pokaiti pïsaidi ïr go Juan ix makïdï bapakonaiña odami, dai jaa pokaiti pïsaidi ïr go Elias, dai jaa pokaiti pïsaidi ïr ïmo ñokituldiadamigadï Diuxi dai sai mutadai aapi ïïki dai xibi ka duaka ïpamu— itïtïdai.

VUAANA 1:41

Dai otoma jii ïgai dai mïï aagidi Ximuñi daidi itïtïdai, —Ka tïï aatïmï go Ga Tïanïdami ix makïdï nïnïraka aatïmï— itïtïdai.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 11:27

—Ïjï, kïïga buaboitudai aanï sai aapi ïr go Ga Tïanïdami dai buaboitudai aanï sai aapi ïr Diuxi Maradï ix makïdï aatïmï nïnïratadai ïïki abhiadïrï— itïtïdai Maruta.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 4:29

—Mïïka abïr nïida ïmo kïïrhi ix makïdï bïïxi gin aagidi ixtuma buadana aanï maiti gin maatïkatai. ¿Idi ix tudu ïr go Ga Tïanïdami?— itïtïdai ïgai go óídakami.

VUAANA 4:42

Dai go makïdï buaboitu itïtïdai go oki, —Mai xu mos buaboitu aatïmï kaïkai ix gïr tïtïdai aapi aagaitai aapi go Suxi, xibi ïïgi aatïmï kaï ix kaiti Suxi kaxkïdï buaboitu aatïmï. Kïï maatï aatïmï sai ïgai ïr go Ga Bhaitï Kïakami ix makïdï kïïgakïrï bubaida agai bïïxi oidigi daama óídakami— itïtïdai go ix makïdï buaboitudai.

VUAANA 7:41

Dai jaa ikaitiña, —¡Idi gia ïr go Ga Tïanïdami ïrhi aanï!— Dai jaa ikaitiña, —Cho ïrhi aanï. Xadïrï Galileïrï oidakamikana go Ga Tïanïdami— ikaitiña.

Hechos 17:3

Diuxi ñokidïañdïrï gatïtïïgiditadai ïgai sai Suxi gï agaitadai xi soimaaxi taatagi dai mukiagi dai ïpamu duakagi. Daidi potïtïdaiña ïgai, —Idi Suxi ix makïdï aagai aanï ïr Diuxi Otosadï Gïr Bhaitï kïakamiga— itïtïdaiña Pabora.

Hechos 8:36

Dai ayi ïgai xako dajatadai sudagi. Daidi go dunukami itïtïdai aidï, —Daiñi, bhobai kaatï sudagi— itïtïdai. —¿Kïïgadu xi ix ïmodïrï gin bakuanada aapi?— itïtïdai.

Hechos 9:22

Dïï go Saulo mos bamioma bhïjimitadai gubukadagai dai tïgibudagai ixtukïdï aagidagi odami sai Suxi ïr Diuxi Otosadï Gïr Bhaitï kïakamiga. Baidi go judidiu Damaskïrï óídakïdï mai tïï ixdukatai gïn tïtïgitoagi kaïkai ïgai aatagidï.

1 Juan 5:1

Gin aaduñi, toma xorai ix makïdï buaboitudai sai go Suxi ïr go gïï Tïanïdami ix makïdï otoi Diuxi tami oidigi daama ïgai kaxi ïr maamaradï Diuxi. Ix buaboitudai ïgai sai Suxi ïr go Kristo agaikïdï tudu. Diuxi ïr Ogadï xorai podukai buaboitudagi tudu. Dai kïïga maatiga maaxi sai xorai oigïdadagi ïmo gaoga sai oigïdada agai maamaradï ïpï.