Lukas 8:12 - Northern Tepehuan Bible

¹² Dai gobai ix makïdï boi ugidïrï surhi ïr ïpïan dukami odami ix makïdï kaïkana go ñoki dïï go diabora maigobai dadasaiña go ñoki ibhïgadïañdïrï sai mai buaboitudaiña ïgai dai mai kïïgakïrï bubuakïna.

Tepehuan Northern: Diuusi ñiooquidʌ utuducami oodamicʌdʌ

¹² Goʌstucai ismaacʌdʌ voiyʌrʌ suuli ʌgai ʌpan ducami ʌoodami ismaacʌdʌ caʌcana Diuusi ñiooquidʌ vai didivai ʌDiaavora dai maigovai dadasai ibʌadʌaiñdʌrʌ sai maivaavoitudaiña dai maicʌʌgacʌrʌ vuvaacʌna.

Lukas 8:12 Kruisverwysings

Mataibo 13:19

—Go ïxtokai ïr ïmo maaxidaragai dukai go bhai ïrhiaragai aatagi bïïtarï ix makïdï gïr maatïturhi ix maaxi aatabuayi Diuxi gatïanïitai ïgai. Dai go ïxtokai ix makïdï boi ugidïrï surhi ïr ïpïan dukami odami ix makïdï kïïga kaïkana go ñoki dïï go diabora maigobai dadasaiña go ñoki ibhïgadïañdïrï sai maiti ibuadana soiñi—.

Mataibo 13:4

Dai ka ïsaitai ïgai saidi jaa ïxtokai boi ugidana surhi dai dada ujurugi dai ugiuju.

Markos 4:15

Ïïmo odami iibhïadï ïpïan kapaka boi xako surhi ïxtokai. Ïgai kaïkana Diuxi ñokidï bai otoma didibai go Diabora dai maigobai dadasai go ñoki tïgibudadïañdïrï xi mai buaboitudana ïgai.

Lukas 8:11

—Gïn aagidamu aanï ix tïiya ïrhidi go maaxidaragai ñoki tudu. Daiñi— itïtïdai. —Go ïxtokai ïr ïmo maaxidaragai aagaitai Diuxi ñokidï.

Lukas 8:13

Dai ix makïdï ojodai saagida surhi ïpïan dukami odami ix makïdï bhai ïrhiarakïdï kaïkana Diuxi ñokidï dïï mai xii gubuakami kïïkiba buaboidaradï. Mosïka lachi buaboitudai ïgai dai gokiïrï xïïxkadï daibuñagi ïmo soi ïrhiaragai amaxi ukami kabakana buaboidaradï.

Lukas 8:5

—Ïmo imidagai ïmo kïïrhi gaïsïtadai dai jaa ïxtokai boi ugidana surhi dai kïixora dïgabuskïdami go ïxtokai dai dada ujurugi ïpï dai ugiuju.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.