Lukas 7:47 - Northern Tepehuan Bible

⁴⁷ —Daiñi aapi Ximuñi— itïtïdai. —Ka oigïrhi Diuxi idi oki soimaaxkamigadï tomaxi naana maaxi soimaaxi ibuadana gobai. Kaxkïdï kïïga gin oigïdai gobai dai mamaaxidi buitapi go gaa ix gin oigïdai. Dïï gia mai xii kabami gin oigïdai go odami ix makïdï po gïn ïrhidi sai mai xii mui oigïrhi soimaaxkamigadï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁷ Cascʌdʌ angʌaagidi sai idi ooqui tʌtʌgidi vʌʌscatai isaliʌsi iñoigʌdai aliʌsi ʌrsoimaasi iducami goovai cascʌdʌ dai vʌʌsi soimaascamigadʌ caoigʌldi. Dʌmos ʌmai oodami ismaacʌdʌ ʌrmaisi soimaasi iducami gatʌtʌgidi ismaisi iñoigʌdai maitʌrgʌpi soimaascamigadʌ cascʌdʌ dai cavʌʌsi oigʌldi ―astʌtʌdai ʌSuusi ʌfariseo.

Lukas 7:47 Kruisverwysings

Mataibo 10:37

—Muidutai gïn aaduñi bhakoikamu gin buaboitudatai aapimï tudu. Dai aanï aagai sai xorai gin dagitoagi ipïrhiditai sai mai bhakoikagi dïïdïdï, ïgai ka maiti ïr ajïakami xi gin urabakagi. Dai podukai ïpï xorai gin dagitoagi ipïrhiditai sai maamaradï mai bhakoikagi, ïgai ka maiti ïr ajïakami xi gin urabakagi ïpï— itïtïdai.

Lukas 7:39

Daidi go fariseo ix makïdï gabaitadai go Suxi gï tïgito nïidi ix maaxi iduitadai go oki ami daidi po gï ïrhidi sai, —Xi buaboikïdï ïr ïmo ñokituldiadamigadïkamudai go Suxi Diuxi aidï gia maatïkamudai gobai ix tuiga go oki ix makïdï taata. Maatïkamudai gobai saidi ïr ïmo soimaaxi ibuadami kïkïïrhmïrhiakamikatai gobai— as ïrhidi go fariseo.

Lukas 7:46

Dai aapi maiti gin toidi asaiti gin moana ix duu gïr bida aatïmï ïpï. Dïï gia idi oki gia gin toidi asaiti xigian ubadami gin ïïkasoana— itïtïdai.

Lukas 7:48

Dai bhodïrï potïtïdai Suxi go oki, —Diuxi kaxi gï oigïrhi gï soimaaxkamiga— itïtïdai.

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Romanos 5:20

Diuxi gïr maa sïïrhikamigadï sai ïgaikïdï maatiga maaxkana xïï gïïpiga gïr soimaaxkamiga. Dïï gia xudu kabami gïïpigatadai soimaaxkami aidïpïrï Diuxi apia bamioma gïr mamaaxidi xïï kïï tuiga ïgai.

2 Korintios 5:14

Tomaxi naana kaitiadagi jaa, aatïmï bïïxkïrï kïïga maatï sai Suxi Kristo gïr oigïdai dai kaxkïdï sïïrhikïdï ipïrhidi aatïmï xi ibuadagi ixtumaxi bhai ïrhidi ïgai. Suxi Kristo muu bïïxkatai aatïmï gïr bïïtarï tudu dai gïr maa ïmo utudui oidakaragai. Xibi ka mai bia aatïmï xi ïïgiadagi gïr ïïkidadï oidakaragai. Ka koidadï duu bii aatïmï gïr ïïkidadï oidakaragai bïïtarï tudu. Daiñi, Suxi muu bïïxkatai aatïmï gïr bïïtarï dai gïr maa go utudui oidakaragai sai ka mai ïïgi gïr bïïtarï óídakagi aatïmï, sai ka maiti ibuadagi aatïmï mosïkaxi ixtumaxi bhai ïrhiadagi aatïmï tudu. Ipïrhidi ïgai sai ïgai bïïtarï óídakagi aatïmï bhaiyoma ibuadatai aatïmï ixtumaxi ïgai ipïrhidi. Suxi ka taata go mukigami gïr bïïtarï sai ka mai biakagi aatïmï ix taatagi gobai dai ïko biiyagi Diuxiañdïrï. Dai gï duakatu ïgai ïpamu gïr bïïtarï ïpï sai aatïmï biakana go kïïgakïrï oidakaragai ix makïdï ïgai bia ïpï urabakatai aatïmï Diuxi. Kaxkïdï gï agai sai ïgai bïïtarï óídakagi aatïmï xibi. Sïïrhikïdï kïïga gïr oigïdai ïgai kaxkïdï.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

Efesios 6:24

Sai Diuxi gïn tïtïgidana xïï kïï tuiga ïgai aapimï gïn bïïtarï. Aapimï tudu ix makïdï kïïga oigïdai Suxi Kristo Gïr Nukadakami dai apia oigïada agai bïïxkïrï bïïtarï. Mosïkaxi.

Filipenses 1:9

Gïn daanturhiña aanï tudu sai apia bamioma gïn oigïdada aapimï aipakoga dai sai kïïgioma maatïkana aapimï ixtumaxi ïr buaboi dai sai bïïxi aïkatïrï kïïga gïn tïgito nïijadagi aapimï ixtumaxi ïr sïïrhi dai ixtumaxi maiti ïr sïïrhi.

1 Tomoteo 1:14

¡Xïï kïï tuiga Gïr Nukadakami aanïkïdï tudu! Daiñi, xibi bïïna dakatai aanï Suxi Kristo gin maa ïgai gubukarhigai ix kïïga buaboitudada aanï dai ix kïïga oigïdada aanï jaa.

1 Juan 1:7

Dïï gia ix buañixikagi aatïmï dai aagagi aatïmï ixtumaxi ïr buaboi ïpïan dukai Diuxi, aidï gia kïïga biakana aatïmï ïmo urabaragai aipakoga bïïxi go buaboitudadami ïmadï. Dai aidï gia bïïx tasai apia buanai Diuxi bïïxi gïr soimaaxkamiga ïradïkïdï Suxi Kristo ix makïdï aaxi ïgai mukukai gïr bïïtarï.

1 Juan 3:18

Gin aaduñi, maiti gï agai sai mosïkaxi pokaitadagi aatïmï sai oigïdai aatïmï jaa. Gï agai bhaiyoma sai ibuada aatïmï ixtumaxi ïr soiñikagi jaa bïïtarï dai podukai mamaaxdagi sai buaboikïdï oigïdai aatïmï.

1 Juan 4:19

Daiñi, Diuxi ka ïïki abhiadïrï gïr oigïdaiña kaxkïdï oigïdai aatïmï ïgai ïpï dai kaxkïdï oigïdaiña aatïmï gïr aaduñi Diuxi amadïrï ïpï.

1 Juan 5:3

Dai xïxkadï ïïgiadgi Diuxi gokïdï gamamaaxidi aatïmï ix oigïdai aatïmï ïgai ïpï. Dai mai xijaiga ïïgiadagi ïgai.