Lukas 6:40 - Northern Tepehuan Bible

⁴⁰ —Dai podukai ïpï gï agai xi kïïga gïn tïgito nïijada aapimï xorai gïn mamaatïtuldiadagi ix bhai kïï maatï. Ïgai ïr tïtïgiadami boi duu gïn bïïtarï tudu. Daiñi, ïmo odami ix makïdï oijadagi ïmo mamaatïtuldiadami gokiïrï xïxkadï ka kïïga máí ïpïan buayi go makïdï gatïtïïgidi ñoki. Ïmo gamamaatïrdami xadïrï bamioma gatïanïna ix bhai mamaatïtuldiadamigadï di, dai bhaiyoma ïïgidiña ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁰ ʌmo mamaatʌrdami maivaamioma maatʌ isʌmamaatʌtuldiadamigadʌ, dai siʌʌscadʌ cacʌʌga maatia ʌgai ʌpan ʌʌsi maatʌcamu gʌmamaatʌtuldiadamiga.

Lukas 6:40 Kruisverwysings

Mataibo 23:15

—Agia soimaaxi taata agai aapimï tïtïïgiadami sïïrhikami ïmadï fariseos— itïtïdai. —Aipakoga ajiopai aapimï gatïtïïgiditai ñoki go óídakami ipïrhiditai aapimï saidi gïn ïpïan dukai buaboitudana ïgai. Ajiopai aapimï asta baasadïrï go gïï sudagi xako mïkaxioma kaatï oidigi dai ami gatïtïïgidi aapimï gïn aatagi ix makïdï maiti ïr buaboi. Pobuadana aapimï tomaxi mosïkaxi ïmo oidakami ami bhïiyagi gïn ñoki tudu. Dai go odami ix makïdï gïn buaboitudagi ajïga xi taatagi gïgïbidaragai go gïï taiyïrï. Kabami soimaaxi ibuadami bipiïyi ïgai tudu ïïgiditai gïn ñoki dai kaxkïdï ajïga ïgai gïgïbidaragai kabami ïpï dai gobai ïr aapimï gïn duñi— itïtïdai.

Lukas 6:41

Daidi aagai Suxi ïpï ïmo maaxidaragai aatagi dai potïtïdai ïgai go odami, —Daiñi— itïtïdai. —Aapimï ïr ïpïan dukami ïmo odami ix makïdï bia ïmo gïdukami tukuragai duu bujidïrï kabami soimaaxi ibuadamikatai aapimï. ¿Kaxkïdï ix tuixi buamï gïn ïrhidiña aapimï xïïxkadï ïmai biakagi ïmo arhi dïbïrai kubhiadï duu bujidïrï soimaaxi idunakai ïgai?

VUAANA 13:16

Daiñi, kïïga maatï aapimï sai ïmo gapioñi mai bamioma namïga ix bhai tïanïdamigadï dai ïmo otoxikami mai bamioma namïga ix bhai ix makïdï gaotoi ïpï. Aanï ïr gïn tïanïdamiga tudu dai gïn otosdamiga dai bïïxkïrï gïn pioñi dukai gaatadui aanï gïn soikïitai xibiki kaxkïdï gï aagai ix mai gïgïrdukïdï gïn ïrhiadagi ïïgi aapimï dai bhaiyoma ix gapipioñi dukai gïn ïrhiada dai kïïga gïn soikïda aipakoga.

VUAANA 15:20

Dai gïn tïgitobïrai ïpï go ñoki ix makïdï gïn aagidi aanï ïkioma. Gïn aagidi aanï sai —Ïmo gapioñi xadïrï bamioma namïakana ix bhai tïanïdamigadï— gïn tïtïdai aanï. Daiñi, aanï ïr gïn tïanïdamiga tudu dai odami kabami soi gin buididiña ¿Kaxkïdï dukatai mai soi buididiña ïgai aapimï ïpï gin mamaatïrdamikatai aapimï? Go bamioma muidukïdï soi gïn buidadamu tudu dïï gia go odami ix makïdï ïïgidi gin ñoki kïïga ïïgiada agai aapimï gïn ñoki ïpï.