Lukas 6:21 - Northern Tepehuan Bible

²¹ —Ka kïïga bia bhai ïrhiaragai aapimï ix makïdï bhiugikoñi duu xibi tudu. Kïïga tataaxkoñikan taadakamu aapimï gokiïrï kaxkïdï. Dai aapimï ix makïdï soigakoñikagi xibi ka bia bhai ïrhiaragai Diuxi amadïrï ïpï. Kïïga bhai gïn ïjïldamu aapimï gïn tïanïitai Diuxi— itïtïdai.

Tepehuan Northern: Diuusi ñiooquidʌ utuducami oodamicʌdʌ

²¹ Diuusi cʌʌgacʌrʌ gʌnnʌidi aapimʌ ismaacʌdʌ biuugicoñi sivi gooquiʌrʌ tatasconʌca agai aapimʌ cascʌdʌ. Diuusi cʌʌgacʌrʌ gʌnnʌidi aapimʌ ismaacʌdʌ suaanʌi sivi, gooquiʌrʌ asʌda agai aapimʌ cascʌdʌ.

Lukas 6:21 Kruisverwysings

Genesis 17:17

Dai go Abraam mos kuiki dai pobï ïrhi, —Xadïrï tïïgana aatïmï ïmo arhi odami mos ïï mui umigi biakatai aatïmï— gï ïrhidi. —Aanï ka bia ïmo ciento umigi dai go Sara ka bia maakokobhai dan bhaibuxtama umigi— gï ïrhidi ïgai dai mos aasïi.

Mataibo 5:4

—Dai aapimï ix makïdï soigakoñi xibi ka kïïga bia ïmo bhai ïrhiaragai ïpï. Kïïga bhai gïn ïjïldamu aapimï xïxkadï gïn tïanïdagi Diuxi tudu— itïtïdai.

Mataibo 5:6

—Dai aapimï ix makïdï kabami ipïrhidi sai kïïga buañixikagi gïn ibhïdaga, aapimï kïïga bia aapimï ïmo bhai ïrhiaragai ïpï. Kïïga gïn maakimu Diuxi ixtumaxi aagai aapimï. Buañixikami gïn biamu ïgai tudu— itïtïdai.

Lukas 1:53

Oidakana soititigami ix makïdï bhiugikoñikana ïpï dai Diuxi mamaakaiña naana maaxi ixtumaxi kïïgadukami asta xuduku ka kïïga tataxkoñikagi ïgai. Dai oidakana gïn bipidakami ïpï ix makïdï Diuxi popoki bïïxi ixtumaxi biakatadai ïgai.

Lukas 6:20

Daidi Suxi sïïrhi buijako nïnïaba mamaatïrdamigadï daidi potïtïdai, —Aapimï ix makïdï ïr soititigami duu xibi ka kïïga bia bhai ïrhiaragai Diuxi amadïrï. Diuxi ïgai daidi ïr gïn Reyga kaxkïdï dai ïgai gïn tïanïda agai— itïtïdai.

Lukas 6:22

—Gin aaduñi, kïïga bia aapimï ixtukïdï bhai gïn ïrhiadagi xïïxkadï gïn kïïdadagi odami gin urabakatai aapimï— itïtïdai. —Daiñi, odami maiti ipïldamu tomarhi xi gïn ñokiadagi dai gïn bhagaidadamu dai asta ïmo soimaaxi ñoki duu kaïkamu ïgai gïn tïtiaraga gin urabakatai aapimï.

Lukas 6:25

—Sogigi aapimï ix makïdï kïïga tataxkoñikan duu xibi tudu. Gokiïrï taatamu aapimï bhiugigai kaxkïdï. Dai sogigi aapimï ix makïdï asïiña bhai ïrhiarakïdï xibi. Gokiïrï suanïdamu aapimï soi ïrhiarakïdï— itïtïdai.

VUAANA 11:35

Baidi Suxi suakimi ïpï.

VUAANA 4:10

Dai Suxi itïtïdai, —Aapi maiti gin maatï dai tomarhi mai maatï aapi ixtuma oidaragai bia Diuxi óídakami bïïtarï. Ix maatïkamudai aapi aidï gia gin tañimudai sudagi ix aanï gï oidamudai go sudagi ix makïdï kïïgakïrï duakaturhidi odami— itïtïdai.

VUAANA 6:35

Dai Suxi potïtïdai, —Gin aaduñi— itïtïdai. —Ïïgi aanï ïr go pan ix makïdï aagai aanï. Daiñi, go pan ix makïdï oidaga tami oidigi dama maigobai dadasai mosïkaxi gïr tukuga bhiugigaigadï dïï aanï ïr pan gï dukami ix makïdï maigobai dadasai bhiugigaigadï odami ibhïgadï sai kïïgakïrï óídakana. Dai odami ix makïdï gin buaboitudagi ka mai biïgaka agai tomarhi ïmo ixtumaxi ibhïadï bïïtarï dai ka bïïxkïrï bïïtarï óídaka agai.

1 Korintios 4:11

Daiñi, aatïmï ix makïdï ïr ojotosadï Suxi Kristo dudatai bhiugikorïiña dai tonokorïiña. Potadakana aatïmï aidï abhiadïrï ix gïr aaga aatïmï gïr aaduindaga dai asta xibi ukami kia. Mui imidagai mai kïïga biakana aatïmï yukuxi ixtukïdï gïr ukadagi. Dai muiyoko gïr gïbaiña jaa dai mai biakana aatïmï ïïgi gïr kii ïpï aipakoga ajiopaitai.

2 Korintios 11:27

Kabami soimaaxi taatamaiña aanï gaatabuadatai tudu. Mui imidagai mai kokosïiña aanï dai bhibhiuguiña dai tonomokïrïiña ïpï. Dudatai mai biakana aanï kuadagai dai ïbamukurïiña ïpï mai biakatai kïïga yukuxi ixtukïdï gin ukadagi.

2 Korintios 12:10

Kaxkïdï bhai gin ïrhidiña aanï xïïxkadï mai gubuakan taadakagi aanï, dai xïïxkadï soimaaxi ñoki gin buidïrï surhigidagi óídakami, dai xïïxkadï soimaaxi taatamadagi aanï ïpï dai xïïxkadï gin bui surhigiagi óídakami dai naana dukai xijiakagi gin oidakaraga oiditai aanï Suxi Kristo. Bïïxi gobaikïdï bhai gin ïrhidiña aanï tomaxi mai gubuka aanï. Kïïga maatï aanï sai xïïxkadï mai gubuaka antaadakagi aanï ïïgi amaxi bamioma gubuakana aanï gubukarhigadïkïdï Suxi Kristo tudu.

2 Korintios 6:10

Tomaxi naana maaxi dïgabuskïi soi ïrhiaragai bïïxkïrï aatïmï bhai gïr ïrhidiña. Dai tomaxi ïr soititigami aatïmï bïïxkïrï kïïga soikïiña aatïmï jaa sai biakana ïgai naana maaxi kïïga namïakami ixtumaxi iibhïadïrï bïïtarï. Bhaitoma mai bia aatïmï ixtumaxi tami oidigi daama tudu dïï gia bïïxkïrï bhai gïr ïrhidiña ïpïan dukami ix biakamudai aatïmï bïïxi aïkatai ixtumaxi oidaga. Podukai óídaga aatïmï tudu dai kaxkïdï kïïga gï maatï saidi ïr buaboi gïr ñoki ojotosadïkatai aatïmï Suxi.

Santiago 1:12

Gin aaduñi, xïxkadï gïr ajiagi ïmo soi ïrhiaragai dai ix kïïga gïr kabakadagi aatïmï dai apia oijadagi gïr buaboidaraga aidï gia bia aatïmï ixtukïdï bhai gïr ïrhiadagi. Gï agai tudu sai bhai gïr ïrhiadagi aatïmï xïïxkadï gïr kabakadagi aatïmï dai apia oijadagi gïr buaboidaraga tomaxi xijiakagi gïr oidakaraga. Gï agai sai bhai gïr ïrhiada aatïmï maatïkatai Diuxi gïr maakimu gïr maitïki ix makïdï ïr go kïïgakïrï oidakaragai bïïxkïrï bïïtarï. Kaxi gïr aagidi Diuxi sai maakimu ïgai go maitïki go odami ix makïdï oigïdai Diuxi tudu.

Apokalipsis 21:3

Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.

Apokalipsis 7:16

Kaxkïdï xibi ka mai bhiugikoñikamu ïgai tomarhi ïmo imidagai dai mai tonokoñikamu. Dai ka mai soimaaxi taatamu gobai tonorhigaikïdï.