Lukas 6:17 - Northern Tepehuan Bible

¹⁷ Daidi ka tïapanakai ïgai gidiañdïrï sai kïïkiba Suxi ïmo gïï dïjoana ojotosadï ïmadï. Dai ami dadatadai mui óídakami bïïxi aipakoga Judeañdïrï dai Jerusalenañdïrï. Dai jaa mïkaxdïrioma dadatadai ïpï kostañdïrï xako Tiroana dai Sidonïrï tïtïgidu gïgïrï kiiki.

Tepehuan Northern: Diuusi ñiooquidʌ utuducami oodamicʌdʌ

¹⁷ Daidʌ ʌSuusi tʌvai giidiaiñdʌrʌ vʌʌscatai ʌgai ʌʌmadu. Dai ʌmapʌcʌrʌ siaaco tʌpaalica cʌquiva ʌSuusi mui gʌmamaatʌrdamiga ʌʌmadu dai oidacatadai ʌʌpʌ mui oodami vʌʌsi Judeea dʌvʌʌriaiñdʌrʌ dai Jerusaleenaiñdʌrʌ dai coostaiñdʌrʌ siaaco Tiiro tʌʌgidu dai Sidóni ʌʌpʌ. Vʌʌsi idi ami dada caʌca ʌliditai Diuusi ñiooquidʌ dai duduaadia ʌliditai ʌʌpʌ cascʌdʌ dada ʌgai.

Lukas 6:17 Kruisverwysings

Mataibo 11:21

—Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida tudu saidi nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— ikaiti ïgai. —Daiñi— ikaiti. —Xi iduñimudai aanï pokaxi maaxidaragai ïïki Tiroïrï ïmadï Sidonïrï ami óídakami gia otomioma ïma dukai gïn tïtïgitomudai xi aapimï. Poduñimudai ïgai tomaxi kabami ïr soimaaxi ibuadamikatadai ïgai. Asta gïn aadamudai ïgai sïïxidakami yukuxi dai gïn komaibadamudai mataikïdï ïpï soi gïn ïrhiditai. Podukai maaxitudamudai ïgai ix ka ïmadukai gïn tïtïgito ïgai— itïtïdai. —Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu— itïtïdai.

Mataibo 12:15

Dïï gia Suxi ka maatïkatadai sai mua ïrhiditadai go fariseos dai jii abhiadïrï. Dai mui óídakami oiditadai ïgai dai muidutai ïgai kookoñikatadai. Dai Suxi duduadi ïgai bïïxkatai

Mataibo 14:14

Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Mataibo 15:21

Dai bhodïrï jii go Suxi ami Galilea munisipiañdïrï dai ayi miadïrï xako Tiroana dai Sidonïrï tïtïgidu goka gïgïr kiiki.

Mataibo 5:1

Kïïga mui óídakami oiditadai go Suxi aipakoga tudu. Dai tïïgakai Suxi mosïïki odami sai tïsai ïgai ïmo gidana dai ami daiba. Dai ami dada go mamaatïrdamigadï Suxi ïpï.

Lukas 5:15

Dïï tomaxi Suxi aagidi go kïïrhi sai mai aagaiña ixtumaxi dui bïïxkïrï aagaiña ïgai. Dai go odami bïïx tasai bamioma aagaiña go Suxi aipakoga. Dai sïïrhikïdï mui odami gïn ïmpaidiña aidï xako dakagi ïgai kaïka ïrhiditai aatagidï dai ipïrhiditai ïpï sai duduadana ix makïdï kokoadïkagi.

Lukas 6:12

Dai bhodïrï maigobai jii go Suxi ïmo gidi daama dai ami ïmo tukagi gaatagai Ogadï ïmadï.

Lukas 6:16

Dai ïmai Udaxi tïgidu. Ïgai ïr maradï go Santiago. Dai oidakatadai ïmai otosadï Suxi ïpï ix makïdï Udaxi Iskariote tïgidu. Ïgai ïr ix makïdï gatïïgi go Suxi gokiïrï.

Lukas 6:18

Ami dadatadai ïgai kaïka ïrhiditai Suxi aatagidï dai ipïrhiditai sai duduadana ïgai ix makïdï kokokoñikana. Dai Suxi duduadiña bïïxkatai ix makïdï go Diabora tïtïañikarudï soi maaxi taataturhiña.