Lukas 5:26 - Northern Tepehuan Bible

²⁶ Dai bïïxi go odami mai tïï ixtumaxi gïn tïgitoagi dai kïïga ñokimi Diuxi bïïtarï ïpï. Daidi ikaitimi, —Xibi gia nïidi aatïmï ïmo gïdukami maaxidaragai xigiamaaxkami— ikaitimi.

Tepehuan Northern: Diuusi ñiooquidʌ utuducami oodamicʌdʌ

²⁶ Dai vʌʌscatai ʌoodami maitʌʌ isducatai gʌntʌtʌgituagi dai cʌʌga ñiooquimi Diuusi vui. Dai duduaadimucatai pocaiti: ―Sivi gia tʌʌ aatʌmʌ istumaasi gʌgʌrducami ―ascaiti.

Lukas 5:26 Kruisverwysings

Mataibo 12:23

Dai bïïxi go odami ami mai tïtïgaitadai ixtumaxi gïn tïtïgitoagi nïiditai. Daidi ikaitiña, —¿Bhai ix go Suxi ïr go pipiixaradï go Rey Dabidkaru? ¿Ïgai ix ïr go otosadï Diuxi dai ix makïdï nïnïraka aatïmï ïïki abhiadïrï?— ikaitiña go odami.

Mataibo 28:8

Daidi go oki otoma iji dai kïïga bhai gïn ïrhiatugai ïgai dai duduadimutugai ïpï dai mïï aagida agai go mamaatïrdamigadï Suxi.

Mataibo 9:8

Dai bïïxkatai go odami nïidi dai ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi dai gïr otoxi ïmo kïïrhi kïïga biakami gubukarhigai— ikaitimi go odami.

Markos 2:12

Dai go odami ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi. Tomarhi ïmo imidagai mai nïidiña aatïmï go maaxi— ikaitimi odami.

Lukas 1:65

Dai bïïxi go odami ix makïdï ami miadïrï óídaga duduadimu kajiomakai ïgai bïïxi ixtumaxi daibusai. Dai ami go ukoidigana xako Judeïrï bipiïyi ami go óídakami aipakoga aagaiña ixtumaxi daibusai.

Lukas 5:8

Daidi go Ximuñi Piduru ïmadï bïïxkatai ix makïdï ïmadï darakatadai duduadimu. Mai tïtïgaitadai ïgai ixtumaxi gïn tïtïgitoagi nïiditai xïï kïï mui bui ïgai batopa. Dai go Ximuñi totonakïdï kïkiba buidïrï Suxi daidi potïtïdai, —Gin Tïanïdamiga, gin oigïdañi dïï maiti gï agai xi tami gin ïmadï dakagi aapi. Imimudai aapi bhaiyoma tabhaidïrï. Arhiïxi ïr soimaaxi ibuadami aanï di— itïtïdai.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

Lukas 8:37

Daidi kabami duduadimu go óídakami ami dai aagidi ïgai go Suxi sai imïna abhiadïrï. Po dui go óídakami ami Gadarïrï tudu. Aagidi ïgai go Suxi sai dagitona dai sai maigobai imïna. Daidi go Suxi tïsai ïpamu barkoana dai jii abhiadïrï baasadïrï go gïï sudagi ïpamu.

Hechos 4:21

Daidi go dudunukami ka mai tïtïgaitadai ixtukïdï gïpiïrï surhigiagi go Piduru ïmadï Juan dai mos aagidi sai soimaaxi taatatulda agai ix apia aagada ïgai go Suxi. Dïï aidïpïrï ïbhïiditadai ïgai ix soimaaxi duiñdagi. Pobïnïrhidi ïgai sai ñokada antaada go odami aidï. Bhaitoma bïïxi go odami kïïga ñokaitadai Diuxi bïïtarï nïiditai ix ka duayi go kokoadï ka biakatai ïgai bhaibitukami gokobhai umigi. Kaxkïdï go dudunukami mos ïbhïki go Piduru ïmadï Juan dai dagito sai iimïna.

Galatas 1:24

Daidi go odami aagaiña xïïxi ïr gïdukami Diuxi kajiomakai ïgai ix tuma dui Diuxi aanïkïdï.