Lukas 5:10 - Northern Tepehuan Bible

¹⁰ Dai Suxi potïtïdai aidï, —Maiti duadikuda aapi Ximuñi. Asta xibi ukami gagaagaiña aapi batopa dai xibi abhiadïrï bhaitiakoga gaagadamu aapi odami bhaiyoma sai gin urabana— itïtïdai. Dai ami darakatadai go Santiago dai Juan ïpï. Maamaradï ïgai go Zebedeo dai gaatabuadana ïgai go Ximuñi ïmadï. Dai mai tïtïgaitadai ïgai ixtumaxi gïn tïgitoagi ïpï nïiditai xïï kïïga mui bui batopa.

Tepehuan Northern: Diuusi ñiooquidʌ utuducami oodamicʌdʌ

¹⁰ Jacovo dai Vuaana Sevedeo maamaradʌ ʌraaduñdʌcatadai ʌSimuñi dai duduaadimucatadai ʌʌpʌ. Dʌmos ʌSuusi potʌtʌdai ʌSimuñi: ―Maiti duaadicuda sivi uucami ʌrvatopa vuudamicamu aapi dai sivi abiaadʌrʌ gaagadamu aapi oodami vaidʌ giñoidatucuiña aanʌ ―astʌtʌdai ʌSuusi.

Lukas 5:10 Kruisverwysings

Mataibo 13:47

Daidi ikaiti Suxi ïpï sai, —Xïïxkadï gatïanïda agai Diuxi gobai ïr ïpïan dukami xïïxkadï ïmo bubiadami batopa sudagiïrï daitudagi redigadï. Naana maaxi batopa buyiña ïgai tudu.

Mataibo 14:27

Dïï gia Suxi potïtïdai, —Gïn kabakadabïrai go duadimudagai buidïrï gin aaduñi. Aanï an ïr Suxi. Maiti abïr duduadikuda tudu— itïtïdai.

Mataibo 20:20

Dai bhodïrï go oñigadï go Zebedeo ïmadï goka maamaradï mïï ayi buidïrï go Suxi dai kuiki buidïrï. Jakobo dai Juan tïtïgidu go maamaradï go oki.

Mataibo 4:19

Dai Suxi potïtïdai aidï, —Aapimï kïkïïrhi, aapimï ïr gaagadami batopa xibi. Gin oidabïrai tudu nai aanï gïn tïïgidamu mïx dukatai gaagana aapimï óídakami bhaiyoma saidi abïnakiada aapimï saidi gin buaboitudana ïgai— itïtïdai go Suxi.

Mataibo 4:21

Daidi go Suxi bhaitïkioma kïïkigi dai tïï ïgai ïpï goka kïkïïrhi. Maamaradï ïgai go Sebedeo. Ïmoko Jakobo tïgidu dai go gïmai Juan. Ïmo barko ïrana darakatadai ïgai ogadï ïmadï dai daraxdi redigadï ixtukïdï bubaidiña ïgai batopa. Daidi go Suxi báí sai oidana

Markos 1:17

Dai go Suxi potïtïdai aidï, —Gin oidabïrai nai aanï gïn maatïtuldana mïx dukatai gaagagi odami baidi gin buaboitudaiña— itïtïdai go Suxi.

Lukas 5:7

Sai abïnaki ïgai aaduñdï ix makïdï go gïmai barkoïrï daraka sai soiñana. Tai ïgai dada dai kïïga susudagi bïï goka barko dai asta bhaitoma dupikimi ïgai mos ïï bïïtïkatai.

Lukas 6:14

Ïmo otosadï Ximuñi tïgidu. Ïgai ïr ix makïdï Piduru tïïtï Suxi gokiïrï. Dai ïmai otosadï Suxi Andïrïxi tïgidu. Ïgai ïr sukurhidï go Ximuñi Piduru. Dai ïmai Jakobo tïgidu, dai ïmai Juan, dai ïmai Pirhi, dai ïmai Bartolomé,

VUAANA 21:2

Ami darajatadai go Ximuñi Piduru ïmadï Tomás, ix makïdï kuatai aagaiña odami, ïmadï Natanael go Kanañdïrï oidakami. Dai ami darajatadai maamaradï Zebedeo ïpï ïmadï jaa goka mamaatïrdamigadï.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

2 Korintios 8:23

Go Tito kaxi gin ïmadï gaatabuadana ïkioma abhiadïrï dai kaxkïdï gïn otoxdi aanï ïgai. Gin ïmadï gaatabuadana ïgai baasïkioma aidïxi gïn soikïiña aatïmï amïka tudu. Dai go gaa goka kïkïïrhi ix makïdï oijada agai ïr ojotosadï go buaboitudadami ix makïdï gïn ïmapidiña tami Masedoniïrï. Ïgai bïï gokatai kïïga xadutudai Suxi Kristo bïïxi aïkatïrï ixtumaxi ibuadagi ïgai.

2 Timoteo 2:26

Xibi maamaixapikami dukai bia go diabora ïgai ix makïdï soi dukai nïidi Diuxi ñokidï dai bia ïgai ix ïïgiadagi go diabora. Kaxkïdï gï agai xorai maatïtai maakana ñoki sai ïma dukai gïn tïtïgitoda ïgai. Dai ix ïma dukai gïn tïtïgitoagi ïgai aidï gia bhïimu ïgai go sïïrhi tïgibudagai dai ka mai gïpiïrï surhigimu go diabora.