Lukas 4:32 - Northern Tepehuan Bible

³² Dai go Suxi kïïga mamaaxidi saidi ïr ïmo sïïrhikami biakami mos ïï kïïga ñokaitai ïgai dai go odami mai tïtïgaitadai ixtumaxi gïn tïtïgitoagi kaïkatai.

Tepehuan Northern: Diuusi ñiooquidʌ utuducami oodamicʌdʌ

³² Tai camaitʌʌ ʌoodami isducatai gʌntʌtʌgituagi caʌcatai isducatai gamamaatʌtuldi ʌgai dai ʌpan ʌʌsi cʌʌga ñioocaitai ʌmo guvucadagai viaacami.

Lukas 4:32 Kruisverwysings

Markos 1:22

Dai bïïxkatai ix makïdï kaï mai tïï ix dukatai gïn tïtïgitoagi kaïkai xïï kïïga ñokai go Suxi. Ïmo gubukadagai biakami dukai gamamaatïturhi ïgai dai mai xu ix maaxi aatagai go ix makïdï ïr maatïtuldiadami judidiu sïïrhikamigadï.

Lukas 2:47

Dai go tïtïgiadami ñoki tïkakatadai go Suxi naana maaxi ixtumaxi ïpï. Dai ix makïdï kaïkana aatagidï mai tïtïgaiña ixtumaxi gïn tïtïgitoagi kaïkatai xïï kïïga aa noraidiña Suxi go tïkakaragai mos ïï kïïgadukatai ïgai tïgibudadï.

Lukas 4:33

Dai ami kiupiïrï dakatadai ïmo kïïrhi ix makïdï biakatadai ïmo tïañikarudï go diabora. Dai go diabora tïañikarudï gïgïrï ñokitu go kïïrhi daidi ikaiti,

Lukas 4:36

Dai go odami mai tïï ixtumaxi gïn tïgitoagi nïiditai daidi ikaitimi, —Xïï gubuakami ñokai go Suxi. Asta go diabora tïtïañikarudï ïïgidi dai otoma bubuakïi dai daadagitoi odami di— ikaitimi.

VUAANA 6:63

—Daiñi, Diuxi Ibhïgadï ïr ix makïdï gamaakai gubukarhigai sai kïïgakïrï óídakana odami bïïxkïrï bïïtarï. Ïïgi odami gubukarhigadï maiti ïr soiñi gokïdï. Dïï gia go ñoki ix makïdï gïn aagidi aanï ïr ñokidï Diuxi Ibhïgadï dai mai xu ïr ïmo odami ñokidï gobai. Kaxkïdï gï aagai ix buaboitudagi aapimï gin ñoki bai podukai kïïgakïrï óídakana aapimï bïïxkïrï bïïtarï.

VUAANA 7:46

Baidi go sandadaru itïtïdai, —Arhiïxi kïïga ñokai ïgai. Mai tipu xorai pomaaxi ñokadagi— itïtïdai.

2 Korintios 4:2

aagaitai ixtumaxi ïr buaboi. Oidaga jaa ix makïdï ïxtotai dukai ibuadana naana maaxi xaïrarakami dai bupuirumadai ïgai óídakami mai sïïrhi aagaitai ïgai Diuxi ñokidï. Dïï gia aanï ïmadï ix makïdï gin soikïi gin aaduindagïrï mai pobuayi. Aatïmï bhaiyoma aagai mosïkaxi ixtumaxi ïr buaboi gïr nïiditai Diuxi. Pobuayi aatïmï saidi bïïxi óídakami kïïga maatïkana iibhïadïrï sai mai yaatagïi aatïmï.

1Tesalonicenses 1:5

Kïïga maatiga maaxi tudu sai Diuxi ïgai dai gïn soi sai buaboitudaiña aapimï. Kaxkïdï tudu aidïxi gïn aagidi aatïmï go bhai ïrhiaragai aatagi Diuxi Ibhïadï kïï gubukan dukai aatadui aapimïrï saidi kïïga maatïkana aapimï ix ïr buaboi gïr aatagi. Mai ïïgi gïr gubukarhigakïdï gïn aatagidi aatïmï tudu. Dai gokïdï gï maatï kïïga sai gïn oigïdai Diuxi dai sai ïkobai gïn bubaitu ïgai. Ïma dukai xadïrï gïn soiñamudai Diuxi Ibhïadï sai buaboitudaiña aapimï. Dai kïïga nïidi aapimï ix dukatai óídakatadai aatïmï amïï gïn dibidakai dai podukai máí aapimï saidi maiti ïr yaatagi gïr aatagi.

Tito 2:15

Podukai maakada aapi aatagi tudu dai abïnakidada go buaboitudadami sai kïïga ïïgiada gï ñoki. Kïïga bia aapi gubukarhigai xi maakadagi ñoki go buaboitudadami xïxkadï mai kïïga ibuadagi ïgai tudu. Kaxkïdï maiti gï agai tudu xi gï dagito aapi xi odami gajiadïrï biagi gï ñoki.